مشكله طرمبه الزيت للدينالي وحالها على يدي 2007

[محروم.كوم]

السلام عليكم
اخواني اعضاء المنتدى الكرام
تحيه طيبة وبعد
احب ان اطرح لكم الفلم والسيناريو الي عشته مع طرمبه الزيت على دينالي 2007
في البدايه طبعا مسوي فيها حريص وكيف اختار نوعيه الزيت وكل ما ادخل بنشري تعال ياصديق لا اشوفك حاط زيت الا وانا موجود لا احطك مع الماكينه
حريص جدا على اختيار نوعيه الزيت
احد الايام رحت اغير زيت للماكينه
وانا رايح للبيت الا الامبير وصل الربع
يه اشلون يابوريفان مايصير
مع العلم فلتر الزيت اشتري كرتون من الوكاله بقيمه 17.5 ريال :good2:
في هذه الحال صار وجهي كذا راحت الماكينه يابوريفان


قلت ياحبيبي ان شاء خير
اكيد بيرجع الصبح تمام
وطبعا كالعاده الناس تحلم في كنز تحلم انها على سطح القمر
الا انا احلم وش سالفه اوووووم العداد نزل تحت هههههههههههههه
الموهم مالكم في الطويله
واقم اصلي الفجر واشغل السياره الا المفاجاءه الامبير تحت النص بقليل
طبعا في الاول ماكان كذا
قلت خلاص يابوريفان طق اصبع على طرمبه جديده مافي باليد حيله
طبعا سيارتي مسوي لها ضمان من شركه حمايه 3 سنوات ب 1200 ريال ومضخه الزيت يشملها الضمان
رحت شريت اثنين كبده من صباح الله خير عشان اروق شوي ههههههههههههههه
ووينك وعلى الورشه
وادخل السياره وجالني الفلبيني هاااااو مستر عبدالله
ياعمي بلا مستر بلا كتشب تعال وش سالفه اوووم العداد ((مع العلم لا يوجد صوت طقطقه ولا شي طبيعي الموتر جدا ))
الموهم قالي هذه طرمبه
طيب والحل يابوفلبن اشلون
قال تغير طرمبه على الضمان
قلت الحمد لله على كل حال غير
المهم جلس الموتر قرابه اربع ايام على ماجات الموافقه وتم تغير الطرمبه
واتصلوا علي قال السياره فنش مستر عبدالله
وانا طبعا من الفرحه ادعسسس ابي استلم السياره
المهم استلمت السياره الامور طيبه
بس طلعت من الورشه واقف عند الاشاره الا الامبر تحت الربع
اوووووم الحاله
وارجع فوق تحت وانا الشيطان لاعب فيني لعب
وادخل الورشه وامسك الفلبين
ابك انت ماقلت طرمبه اشلون كذااااا
الفلبين خاف اصكه بووووووووووكس
قال ممكن حساس الزيت
لحول الله والحل قال جيب حساس اغيره لك
المهم جبنا حساس بقيمه 140 ريال
وغيره

الا نفس المشكله
قال خل السياره وبكره بتصل عليك
صبرا جميل والله المستعان
رحنا وجاء بكره واروح لهم
هاااه وش العلم لقيته فاك الطبلون فك الله راس العدو ويدور المشكله
المهم ماحصل المشكله قال كل شي سليم بس انت وسواسي
ياحبيبي شنو وسواسي لا تهايط علي سيارتي اعرفها اكثر منك
قال اقولك مافيها شي
طيب الحين وراي مقناص وابي اروح اشلون قال ابد روح امورك سليم
سلمت امري لله وقلت خلني اروح
اخذت السياره ورحت الى روضه تنهات على الصمان الغريبه طول الطريق الامبير اقل من النص والسرعه 160
حاولت مكا اهتم للموضوع ابدااااااااا
طنش
وانا في وقت التطعيس وارقى فوق النفوذ الموتر يطقطق اووووم الحاله
المهم خلاصنا من المقناص ورجعنا الى الشرقيه
ومن هنا اشتغل ابوريفان
من موقع الى موقع
الين شفت احد المواضيع
http://www.mekshat.com/vb/showthread.php?t=545309
ومن موضوع الى موضوع ومن منتدى الى منتدى
الين شفت واحد الاعضاء الاخ/ وليد تماما نفس المشكله
وبعد الاتصال به افادني بان هناك نوع اخر من مضخه الزيت برقم 12612289
وهي خاصه بالدينالي
المهم بعد الذهاب للورشه قالي الكلام الي تقوله غير صحيح
وايضا كلام محلات قطع الغيار نفس الشي
المهم كلام بدون علم
الين خلاص وصلت مرحله بايع السياره بايعها
ويوم الخميس قررت ماهو تالي
1- تجهيز دله شاي
2- لبس ثوب قديم استعداد للهجوم ههههههههههه
3- الذهاب الى قطع الغيار وشراء
طرمبه زيت برقم 12612289 بقيمه 665 ريال من الوكاله
شراء فلتر زيت
شراء 7 علب زيت 10w30
طقم وجه
وتم الذهاب الى الورشه استعداد الى ماهو أتي مني ههههههههههههه
مسكت صاحب الورشه وقلت له شوف ياكبتن
اكاد اجزم ان الطرمبه الي راكبه مو حقت دينالي ومستعد اتحمل كل شي مره ثانيه على حسابي اا ماتغير شي
قالي خلاص اذا ماتغير الله لا يهينك تتدفع اجور الصيانه وايضا بكذا يكون الماكينه تحتاج توضيب
قلت لك توكل على الله
المهوووم طلع السياره واجيب الكرسي الساعه تقريبا 7 الصباح

وافتح سندويش الكبده والله ياكبده بالزعتر عجيبه ههههههههههههه
ودله الشاي وجلسه او بالعربي نشبه لهم ههههههههههههههههههههه


وبداء الشغل رفع السياره وفك الدبل والكارتير

ومثل ما انتوا شايفين

فك صدر الماكينه والطرمبه المويه والغطاء الي تحت










الشخال وصوفه الشخال


v
v
v
يتبع __DEFINE_LIKE_SHARE__