سالفة الضب الدختور ( النبهاني )

[محروم.كوم]

بسم الله الرحمن الرحيم


اخواني واخواتي المكشاتيه


السلام عليكم ورحمة الله وبركاته


هذه السالفه قديمه له سنين ودنين يومني صغير مابعد دخلت المدرسه شفت واحد بالسوق عقب صلاة الجمعه قاعد ومدد رجليه مفحج يبيع ضبان وكان كبير بالسن ومعه ضبان رابطهن كلهن بحبل واحد مع عكرهن وكان يصوت ويقول ياشاري الضبان وين اللي يبي الضبان وكان حوله بعض الناس يناظرون الضبان


وبه واحد من هالضبان انسلح من الحبل وصار يباري الساق لين تعدا الركبه


وتعرفون من اول ومن القل الواحد ما عليه الا ثوبه بس


المهم الضب نوى يسوي عملية استئصال للوز بالرجال وفعلا مادرينا الا بالرجال يقعّط واه واه يسمعه اللي بقصا السوق


همن رفع ثوبه وهون وافتر عن وجيه الناس اللي حوله وقام يغلغل الضب المعرّط باللوز ( دختور )


الضبان الباقيات استاسعة عليهن الربطه وقامن ينسلحن واحد واحد وعقب ماهن تقل مرشوشات بماء صارن نشاط وخذ ياطردي بهالسوق وكلن يركض وراهن يبون يمسكونهن


الرجال مازال يحوس ويدوس هو وضبه مير رحمه الله بوجود رجال معه مبراة بجيبه والمبراه سكين صغيره وبعضهن ينعفط المهم عطاه راعي الضب وقام يعرّ الضب مع علباته وخذ عرعره تعرفون جلد الضب ماهو هوين والمهباة المبراه شكله والله انه


يوم درينا يوم طوّح الضب هناك بدون راس واخذنا شوي ويلحّقه الراس



وهو يقوم وكل ثوبه دمّان ماندري هي من العمليه والا من الدختور المغتال


وراح الرجال يمشي وهو يتضوكع وخل ضبانه


انتهت السالف ونطلب من الله المغفره

محبكم


النبهاني

__DEFINE_LIKE_SHARE__