رد بن عويف ع ابيات اخونا مكرم الضيف "ابي التنومس واشتريت البعارين .....

[محروم.كوم]

بسم الله الرحمن الرحيم

تحيه طيبه للجميع

البل عطايا الله ولاشك
وهل البل هم اللي ورثوها من الاجداد
لا الذين غسلوا بها الاموال ولن نتطرق للحديث عن ذلك
فالسابقين اعتادوا على التعب والصلف ومتابع البل وتبع الحيا
ولذلك للتعب في نفوسهم لذه وللبل عندهم عشق

وكما تعلمون في الاونه الاخيره مثل ما ذكر اخونا الشاعر مكرم الضيف
ان هناك من شراها ولعه وغثته
ومن شراها يبي منها طراة الروح واتعبته


وفعلا الرجل لا صار ما هوب متفرغ للبل تتعبه
ويتعبه مذاودها
ولكن راعي البل منذ القدم خطرن عليه لو اضطر لبيع ابله لحاجه ماااااسه
خطرن عليه ان يموت كمداً بعدها

والرد اللي سأورده هو لمن هذا حاله
والذي لن يرضى لو سمع ابيات اخونا ف البل

واخونا مكرم الضيف هو والقراء من شعار وغيرهم
مكرمين وعلى العين والراس
ولا مهونتن فالجميع

اقول :
يا مشتكي من هم طرد البعارين
....... كب العطايا وش تبا من شراهن
لا صار ماهي مهرتك يا حمر العين
....... اترك مذاودهن ع اللي يبـــاهن
البل منول كسب يوم الدهر شين
....... يوم الأصايل دونهـنِّ تحماهن
يوم ان اهلها فالمرابع مقاطين
....... يوم الرقاب تروح من دون ماهن
يوم انها ترزم تدك الاراضين
....... يوم ان راعيهن يدور رضاهن
ولا جر صوته راعي البل صوتين
....... يجي لهن درهام لا من دعـاهن
والحين جا للكار أقوام عجلين
....... يقشهن في رمشتن مع عصاهن
ولا كل من جاله شنب يملي العين
........ ولا كل من هاز الطوايل رقاهن
واللي يبا له شهد يصبر ع البين
........ يصبر لو عيونه يجيهن عماهن

بندر بن محمد بن عويف
__DEFINE_LIKE_SHARE__