عسى ربي يديّمها علينا فوق ست أيام حريملاء & ابونواف

[محروم.كوم]

السلام عليكم ورحمه الله وبركاته

بمناسبة هذه الاجواء الخياليه والمنعشه ... والممطره باذن الله

اقدم هذه القصيده الجميله في محافظه حريملاء الغاليه على القلب ....

اتمنى تحوز على اعجابكم وخصوصا اهل حريملاء والله يقدرنا على ارضائهم .









أشوف البرق من قبله ونوّه مرزمٍ ارزام وخيله داعيً الله يصب ورافع يديه عسى ربي يديّمها علينا فوق ست أيام يفيض السد من ممشى ابوقتاده وابوثنيه وتجي الياطه وهي عجله مدام أخوانها درهام يجينا سيل لا قبله ولا بعده ولا زيه وتجي الشعبة مع الأبرق وتلقى صبهم قدام تفيض الروضة اللي من ورى ملهم وشرقيه يجي الأيمن مع الأيسر وهالعالم عليه زحام نفوس الخلق مرتاحه وراضية ومرضيه ولا أنسى بالسدر قلبي عليه ومنه جاه هيام مريض الود إلى ضاقت يمره كل عصريه وذاك مولم العزبة وذاك مغير الهندام وذاك العود بالمسحاة يعدل في سواقيه تشوف الأرض مخضره ربيع يبري الأسقام وراعي الذود ما علّف ولا ضنيت له نيه وعسى يا حريملاء ياللي حظنتي مجدد الإسلام فراش الخير من ربي عليك يصير ماريه وعسى ربي يطوّل عمر من هو للحرم خدام يحفظه من صدوف الوقت ومن شره ومن سيه وصلاة الله على المرسل علينا سيد الأنام شفيع لأمته يوم يصد الخي عن خيه

قصيده للشاعر /عبدالعزيز ابراهيم الهويمل




http://www.5ymah.net/hrymla.mp3





المحب / ابونواف

__DEFINE_LIKE_SHARE__