غيرت طرمبة الزيت لليوكون وبعدها !!!!!!!!!! شوركم ياجماعة الله يوفقكم

[محروم.كوم]

السلام عليكم ،،،
بداية الموضوع اخذت يوكون دينالي 2007 قبل اقل من شهر
المهم لاحظت ببداية التشغيل يطلع صوت من الماكينة صوت طقطقة واضحة ولما تشتغل بعدها بحول دقيقتين يخف الصوت ومع المشاوير يخف كثير .
لما اوقف السيارة فترة ساعة ساعتين وارجع اشغلها نفس الصوت يطلع ونفس المدة ويروح بعد ما امشي بالسيارة شوي اوقفها واحاول اسمع الصوت القاه خاف كثير عن بداية التشغيل.

المهم قرأت عن المشكلة على المواقع وغيرت الزيت الى 5w30 مع الفلتر وقبل ما ادري وش كان الزيت اللي عليها وبعد التغيير نفس المشكلة موجودة .
رحت لكذا ورشة ومن ضمنها اي سي ديلكو المشكلة اجيهم ويكون الصوت خفيف لكن مع الشرح لهم اجمعوا ان طرمبة الزيت فيها مشكلة وان الصوت بداية التشغيل يطلع لانه الماكينة مافيها زيت وبعد وقت يصعد الزيت لها ويخف الصوت.
واعطوني الحل انه اما تغيير جلبة الطرمبة - لأنها قليل ماتخرب - أو تغغير الطرمبة كامله وهو الأضمن .
سويت اليوم تغيير كامل للطرمبة عند احد الورش المشهورة وجبت القطع بنفسي من الجميح وطلبت منهم رجيع القطع اللي غيروها المهم عندهم الامور تمام رجعت البيت انتظرت ساعتين وبعدها شغلت الموتر الا نفس الصوت فيه ونفس المشكلة فيه والصوت يخف بعد فترة من التشغيل ومع المشاوير يخف كثير !!
أفيدوني جزاكم الله خيرر هل الطرمبة اللي ركبت الجديدة مضروبة ولا الصوت اللي يطلع ببداية التشغيل له سبب آخر ؟
الله لايريكم مكروه أفيدوني وعسى الله يوفقكم .. __DEFINE_LIKE_SHARE__