معنى صايد وفايد - رايكم لاهنتو

[محروم.كوم]

بسم الله الرحمن الرحيم

لادري كيف ابتدي فلست صحفيا يجيد صف الكلمات وتنميقها سأكتب بطريقتي البسيطة
لاحظت كما لاحظ الجميع إختفاء انواع كثيرة من الصيد إذا ماهو جميعها واولها الضبا والغزلان حيث يذكر اباؤنا بأنها كانت قطعان في منطقة نجد وقضي عليها (ابيدت) وكذلك الارنب والضب والجربوع والجراد وكل شي بة روح ويؤكل ابيد ز

في وقتنا الحاظر لايوجد ماتصيد في المملكة إلا ام سالم ويمكن ماتسلم لاهي ولا ولدها وإذا جا وقت هجرت الطيور تشوف إستنفار غير عادي وكلن اعد العدة واستعد وكلن يقول انا اول واحد بالإبادة سويت منرس لمية وخمسين من الكرك وولعنا فية ولا سلم شي اللي مامات صويب وبيموت قبل ياصل والثاني يقول صدت سبع مية من القرقس ولعنا فية بالسوابر وقضينا على ثلاث اجوال ويصر البندق وكوم الطيور وينزلها بالمنتديات ويقول شوفوني كم ابدت شوفو كم اسرفت ولعبت واستمتعت انا كحيلان وتاتي الردود صايد وفايد وبيض الله وجهك انت المثالي اذبح الكرك لو يجي الف ولع فية وعلق على جوانب الجيب وصور جنبة وجنبك البندق وبكذا انت اللي ما احد يقدر يوصل مواصيك

وبحكم ان حتى الطيور المهاجرة بدأت تقل صار فية ناس يقنصون الى اماكن تكاثر تلك الطيور ويولعون فيها بالسوابر والبلاجيك ويصيدون بالكراتين ويفطرون على البيض حتى قبل يصبح صوص وتصوير والمجزرة اللى سووها ويتفاخرون بها واضحة وكانهم يقولون شوفو كم حنا مجرمين نتحدى احد يجرم مثلنا وللاسف تجي الردود كالعادة صايد وفايد وانت كحيلان

بااخوان ان الله لايحب الاسراف في كل شي وقال الرسول صلى الله علية وسلم ( لاتسرف لو كنت على نهر جار) واذا نبي نقنص الطيور في موقع تكاثرها ونقتل الام التي ينتضرها صغارها لكي تعود لهم بالطعام ونقتل ونسرف هذا عمل ماهو رجولي ولا إنساني وقبل ذلك يتنافا مع ديننا الذي حثنا على الرحمة وعدم الاسراف او التخريب.

خلونا نقنص بعقل وبمتعة لانقتل الطيور وقت تبييضه او رعايت صغارها لانقتل بعشوائية واكثر مما نحتاج لنا وخويانا بالرحلة ولانقول لمن يصور عبثة وإجرامة ويحسب انة كحيلان (صايد وفايد)

اخواني اكثركم يعرف ان فيه ناس كثيرة بالدول التي يكثر فيها الصيد يحبون القنص ويستمتعون فية لكن ماهو مثلنا يرمي عدد معين من كل نوع قدر حاجتة ولايحاول ان يصوبة ومن بعد فترة يموت ولو شاف ضبي معة صغيرة مايرمية


والله اني مقهور وبصدري شي كثير لكن يمكن وصلت بعض من مافي صدري
اتمنى للجميع التوفيق والهداية ودمتم بخير

وخلوكم صايدين وفايدين بمعناها الحقيقي الذي لاإسراف ولا إبادة فية

__DEFINE_LIKE_SHARE__