-=-=-=-=-= ريحة فطيسه/جيفه من مقدمة السياره !!!

[محروم.كوم]

السلام عليكم

اسعد صباحكم _ مساءكم

طلعت الثمامه من يومين وتعرضت السياره لحالة تغريز وشديت عليها الين طلعت


ثم تعرضت لغراز ثاني بس ما قدرت اطلعها الا بتنسيم الكفرات الى 15

وبعد ذلك جلسنا لجانب السياره (سهره في الثمامه) صرنا نشم كل فتره وفتره ريحه اعزكم الله فطيسه - جيفه تجي من جهة السياره

ظنينا انها شئ ميت قريب من عندنا

المهم وعندما جينا نمشي وبعد ما شغلت السياره .. صرت اشم الريحه طالعه من السياره ومن المقدمه !!!! وفعلاً ثبت انها من السياره وليس جيفه حولنا !!!....

حتى بعد ما مشيت بها مسافه وجيت اعبي بنزين رحت لمقدمة السياره وعلى جوانبها من جهة الرفرف الامامي حيث هواء المروحه يكون قوي من الجهتين تشم الريحه !!!!!!!!!

الي معي قالوا تنسيم من الرديتر او الليات عشان شدينا ع السياره وناس تقول من الدبل او الدفرنس الامامي

واثناء التغريزة الثانيه طلع لي على الشاشه صوره مفك !!! لكن من العجله ما قريت وش مكتوب فيها

طبعاً طفيت السياره عقبها الين بردت .. وجلسنا قرابة 5 ساعات .. وبعد ذلك ما طلعت لي صورة هالمفك مره ثانيه ولله الحمد

ارضية السياره حتى الان ما فيها شئ والحمد لله ...... وش المشكله !!!!!

والريحه تكون قويه وقت ما تكون السياره مشتغله ... اما اذا طفيتها فتروح الريحه تدريجياً حتى تختفي تماماً ّ!!

السياره اكسبلورر 2007 خليجي دبل __DEFINE_LIKE_SHARE__