((سألت عنك)) بقلمي /زياد السنباني

[زياد السنباني]

سألت عنّك // بقلمي زياد السنباني

سألت عنّك ... بعد ما طالت الغــيــبــه
من بعد ما هدت الأشواق هـــيـــبـــاتي

واثر يا سيدي ما تنفع الهـــيـــبـــه
لاصرت أكابر .. وفي الخدين دمعاتي

والله ما مر يوم الا واعاني به
وتضيق دنياي وتجف ابتساماتي

واذا طرا الموت في بالي أهلّي به

اقول يمكن ابنسى فيه مأساتي

*****

يا سيدي كنت لي في غاية الطــــيـبـــه
وانا السبب في فراقك .. وانت زلاتي

اخاف قلبك .. وانا مشتاق تعذيبه
وابكي جروحك وهي احلى مسراتي

احسن بك الظن وانته تحسن الريبه
واسأل عليك الخلايق .. وانت في ذاتي

يبقى زمانك بالاعـيـبه واكاذيـــبــه
اصدق زمن عشت به احلى معاناتي

معذور أدري ... ولي بك عذر تدري به
وأعذارنا فرّقت وقتك من أوقـــــــاتي

يا سيدي ما مضى من قسوتك سيبه
وارجع وضوي زمان الحب.. وحياتي

************

تقديري للجميع // زياد السنباني

__DEFINE_LIKE_SHARE__