تصميم عمود إنارة متنقل لكشاف led 50w متنقل بدون تثبيته بالسياره

[محروم.كوم]

بسم الله الرحمن الرحيم

السلام عليكم ورحمة الله وبركاته

إلى أعضاء منتدى مكشات الغالين

بعد طول إنقطاع عن المنتدى أقدم لكم

عمود إنارة متنقل لكشاف LED 50W متنقل ويكون حر بدون تثبيته بالسياره او غيره
فكرتي وتصميمي وتنفيذي

واللي جاب الفكرة أني ما ودي اربط موتري بالاضاءه عشان كشاف وغيره

بسم الله نبدأ

أولا: تحتاج قاعده مثل اللي بالصورة أو شبيهه أو نفس فكرتها بس حاول يكون حديدها ثقيل موب خفيف ومفتوحه بـ 3 فتحات او 4 مثل ما تبي بس 3 كافيه اذا ان شكلها دائري مثل هذي او مربعه



أنا اخترت قاعدة عمود أناره قديم عندي بالمستودع قصيته وأخذت قاعدته
وطبعا الفايدة من العمود الابيض اللي بالنص ان الماصورة الاولى يسقط بوسطها ويعطيه ثبات

ثانيا: تحتاج مواصير حديد مثل اللي بالصورة تقصها على الطول اللي انت تبيه أنا أخترت تكون أطول ماصورة متر واحد عشان ما تاخذ مكان بطولها بالموتر
تخرم فتحات براس كل ماصورة وتلحم عليها صاموله لتعزيز ثبات كل ماصورتين ببعض

الماصورة الطويلة تركب بالقاعدة والثنتين الباقيه تركب ببعض وتتركب على الماصورة الطويله



ثالثا: تحتاج قاعده يركب عليها الكشاف شبيهه بالصورة



رابعا: تلحم صامولتين بقاعدة الكشاف الاساسيه لربطها بالقاعدة اللي بالعمود



خامسا: يبيلك 3 اطناب ومطرقة لتثبيت القاعدة بالارض

سادسا: توصل جميع القطع السابقه وتشد المسامير زين وتشبك الكشاف بالكهرب وتستمتع بإضاءة جميلة وبالمكان اللي انت تختاره جهت الموتر او عكسه مثل ما تحب



فيه سوال ممكن ينطرح من أحد بأن وش الحاجة من الاطناب أحفر حفره وادفن القاعدة وقضينا ؟؟؟؟
الحاجه منها أنك موب كل مكان تقدر تحفر حسب طبيعة الارض والاطناب باذن الله آمن وافضل

أتمنى أن الفكرة وضحت ولو أن فيه صور ناقصه للتوضيح لكن صورت على استعجال واتمنى أن الكل يستفيد منها

والسلام عليكم ورحمة الله وبركاته

__DEFINE_LIKE_SHARE__