حي والله هالعين ................من(قرناس حوران)

[محروم.كوم]

مساكم/وصبحكم:الله بالخير حي الله اخواني صقاقير
(مكشات)
كلن بأسمه
طبعا لابد من تقليب مواجع الذكرى
وعسى الله يكفينا شر الدنيا
ويحرمنا من النار
هاذي روايه المقناص الي فات شهر1
طبعا وقتها كنت في منطقه الجنوب لضروف العمل
وكان البال مشغول بالهواجيس بالمقناص
ووردني اتصال من رجال عزيز على قلبي بالحيل

(ابو فايز)الملقب بالجهاز(الطاير)

الطاير:
هلا ابو محمد يالله حيه

محاكيكم:هلا ابو فايز ياربي تسلمه

الطاير:ابو محمد ماتحس انك طولت علينا متى بتجي

محاكيكم: والله يابو فايز خلها على ربك الدوام وما يسوي لاكن علوم الحباري ماجاكم ذكر والا طاري

الطاير:والله يابو محمد يذكرونها جهه تيما وهناك مير حولنا ماجا طاري

محاكيكم:ابد يجيب الله الخير وعلوم العود

الطاير:والله ابد فسقان اليوم طق بالملواح ثلاثين وعطيته صافق وماعليه اموره زينه

محاكيكم:ماشالله تبارك الرحمن فاله الخرب ان شالله

الطاير: امين اجل موفق خير يابو محمد

محاكيكم:الله يسلمك من كل شر سلم على الشباب كلهم

وانتهت المكالمه

وخويكم تقل ضاق صدره شوي

وطرى في باله يقول

ضاقتبي الدنيا ونفسي صقيله

والحال يالطاير بها الله يعلــــــــم

فرقى الحبايب والديار المليلــه

تجبر بني ادم على ليلن اضلم

ياخذبك الهاجس وهمك تشيله

وتذكر ليالي العام والصبح الاقدم

وتذكر مكان امرحتبه في خميله

اصبحت وقصدك للولع ومتحزم

شوف الاثر ومقطعه في مسيله

ودهام طلعه لابرق الريش يسهم

عودالصقاره مكرمن في جميله

راع الوصوف الي بها القلب مغرم

مثلك يابو فايز تنادر فصيلـــــــه

علمك سديد الراي وللشعر تفـــــهم

والا الردي مانقـــــــبل الا بديلــه

شرواك ومثلك من هل الطيب يــــكرم

يوم العنى لك زرقتي به طويله

حنا عبيدن وامرنا بيد الاعضـــــــــم

هاذا قدر ربي وما فيه حيلــــــه

وارجي من الله يطوي البعد والغـــــــم

وما اخذتلي يومين الا وجاني اتصال

الا هو خوينا ابو فايز

محاكيكم:يامرحبا ابو فايز

الطاير:هلا ابو محمد ابرسلك صوره

محاكيكم:خلاص انا بأنتضار الصوره (وفي بالي اقول الرجال زاين حسه وش السالفه)
الطاير :يالله بمان الله
محاكيكم:ياهلا بمان الكريم

وما اخذتلي شوي الا وعطاني الجوال نغمه رساله

وش تتوقعون الصوره

"

:

:

:

:

:

:

:

:

:

حي والله هالعين

http://im27.gulfup.com/2012-09-13/1347565974761.jpg
ابو فايز كحيلان والفرحه باينه
عسى الله يديمها عليه
:
:
:

الا وتجيني الرساله الثانيه

http://im27.gulfup.com/2012-09-13/1347565974202.jpg

دهام الملقب ب(العود) على حباراه

هالسنه ماشالله ينقل 15

:

:

:

وتوصل الصوره الثالثه

http://im27.gulfup.com/2012-09-13/1347565974303.jpg

:

:

:

:

:

ويعلم الله كني انا الي هاد هاذاك اليوم من الوناسه

عسآالله يوفقنا وياه وكل مسلم

واتمنآ ان هالموضوع نال على اعجابكم

والله يقدرنا ونقدم الافضل :good2:

__DEFINE_LIKE_SHARE__