خواطر وصاتي ..لا تخلّوا المـوت

[محروم.كوم]

| مُدخل ..



أفكارٌ تحدثني عن الآخر الراحل




فأصرخ
صرخته المفجوعه
أشهق
شهقته الموجوعة
قطرات دموع تتوالى
ومشاعر لا تغني جوعه

ماذا لو .....؟
ماذا لو .....؟
ماذا لو .....؟



بداية يوم عادية نهاية آآخر علومي

عسى ما شر
وش القصه ..؟
وش اللي صار يا قومي
وباقي انتظر راقد
ولاني فقت من نومي
صحيح اللي تشوفه العين ؟
صحيح إنّي غديت اثنين ؟
أو انه عالم أحلامي
تطاول وافتعل لومي ؟!



ألا يا فلان
تسمعني ؟
تعال اقعد
كلمني
انا مثلك .. بشر
اصبر ..!
وراك اتروح ؟
علمني
وش اللي صار في يومي ؟



احس بشوقك لشوفي
واحس اني عجزت اوفي
مقيدك الحزن .. زعلان
ودمعاتك على كتوفي
ابي افهم
وش القصه ؟
ابي افهم
كفى أحزان !
خذاني الموت ؟
علمني
خذاني الموت ؟
... يا خوفي !// وصاتي .. لا يفاجئكم //

بـيقبل يوم يـا ربعـي .. و أفارقكـم
___________ ولا ادري من هو الحامل وانا المحمول


مثل ما جيت إلـى دنيـا .. تباعدكـم
___________ ابـ ارحل لـ امر ربي وأنـا مذهـول


فـ بطن الأرض وحجـاري أمارتكـم
___________ مثل يومي فـ بطن امي بشر مجهـول


و تبكونـي و تحكونـي لـحارتـكـم
___________ وأنـا والله ودي ان الدمـع م يطـول


ابي فرحـه ابـي ذكـرى توانسكـم
___________ ومابي حزن كن بـه قاتـل و مقتـول


ابـي قـولٍ لعـل تُقبـل ..شهادتكـم
___________ وابي دعوه تطمّـن روعـة المسئـول


هي الفزعة عسـى ألقـى شفاعتكـم
___________ مهاجر والأمل ابقـى بكـم موصـول


وابـي أمـي تحمّـد خيـر خالقكـم
___________ تقول انها رضت عنـي وانـا مقبـول


وابـوي اللـي تخيّـر لي..صداقتكـم
___________ ابي بسمـة شفاتـه دايمـه مَ اتـزول


وارد احيا واشوف اش حـال امانتكـم
___________ واناصح من لسانه افسـد المحصـول


واصير الماضي الحاضر فـ حاضركم
___________ واصير اللي على مستقبلـه مشغـول


ولا تنفـع وساطـه .. ولا جمايلكـم
___________ ولا تُقبل مشاريه(ن) .. ولا مرسـول


كتابي سجّـل حضـوري و مفارقكـم
___________ صغيرات و كبيـرات الـذي مبـذول


تـرى مـا تغفلـه ذرة افـبواطنكـم
___________ ولا يحتار مَنْ فاعـل ومَـنْ مفعـول


إذا كـان العمـل رمـز لـمنابركـم
___________ ابد ما صار بـه عـاذل ولا معـذول


واذا كـان الأمـل جابـر خواطركـم
___________ ترى كسر الخواطر ضيعـة المأمـول


وصاتي ..لا تخلّوا المـوت يفاجئكـم
___________ وصاتي ان ينذكر دايم و لـه مدلـول


فكم شيخ(ن) سكن راهي ..عَمارتكـم
___________ ويلجم فرحته صمت(ن) و هو مشلول


وكم طفل(ن) ..بكته أم(ن) ..تطالبكـم
___________ ويغطّي هالكفـن جثـة طفـل مبلـول


وكم عاقل خـذاه المـوت ..يعاتبكـم
___________ وكم جاهل يهيم ابـسكرتـه مسطـول


وكم زالـت حضـارات وحضارتكـم
___________ بترحل مع مهب الريـح وذا معقـول


هدم لذات و بيجـي افـيـوم هادمكـم
___________ وكل(ن) تارك(ن) خلفه الذي معمـول


فاذا هو خير الـى خيـرٍ مصايركـم
___________ واذا هو غير فالبلوى الخطا المنقـول

ختام.. |


ابي ارجع ..!!
لكل اللي تناسيته
ابي ارجع ..!!
اواجه ما تلافيته
وبهجر كل شي سيء
ولا كني ابد جيته !
وباقي الوقت
يا الله !!
وباقي الوقت ؟
.. واكررها ؟!
نسيت أبويه وأمي
نسيت أهلي
نسيت اللي تعبوا لأجلي
عيون الناس تبكيني
واحس ان دمعهم يكتب
وش الاعذار ..؟!
.... وش ظروفي ..؟!
خذاني الموت؟
.. ياخوفي ! __DEFINE_LIKE_SHARE__