سالفة:حرس فرعون بالباب..قوافي

[محروم.كوم]

السلام عليكم ورحمة الله وبركاته
صبحكم / مساكم الله بالخير جميعاً
كان التلفزيون السعودي بالسنين الماضيه من بداية شهر ذالحجه يعرض بالتلفزيون مسلسلات عربيه عن الانبياء والغزوات والفتوحات الاسلاميه..
كنت من المتابعين والمعجبين وبشده بما يعرض وتقريباً كنت أصم كل ما ارى وأسمع ..

وكان يعرض مسلسل فرعون ونبي الله موسى ..
وكل حلقه تخلص اصف اخواني واسميهم هذا فرعون وهاذي ام موسى ولين ملو مني وبطلو اكمل لحالي جميع الادوار مع تغيير الاصوات والشخصيات..
إلى هنا والامر طبيعي مادمت اصك على نفسي الباب ولا أحد يشوف الخرابيط والخيال اللي بلا حدود..
بيوم كنت نايمه بالليل وجت الوالده الله يحفظها تبي تحط الملابس بالدولاب وتنبهت على صوت مدري وشي ولا استوعبت ان هذي أمي!! قمت وقفت وقلت:
أماااااااه إن حرس فرعون يقفون بالباب ويسألون هل عندنا ولدٌصغير ؟؟فقُلتُ لهُ لااااا ...همن تنبهت ان هذي أمي ويالله صكيت افمي ما كملت القصه ولين امي تناظر بوجهي وقالت:
خيييييير اللهم سكنهم مساكنهم بسم الله الرحمن الرحيم ،،
نامي لا أغرقتس بهالخلاقين انتي وفرعونتس..
اسكت ونمت منعاً للأغراق بالخلاقين وطبعاً انا مشغوله بفرعون فنمت اصرف ..
تحياتي
اختكم
..قوافي..

__DEFINE_LIKE_SHARE__