اكمال الدراسه أم الزواج ..... أيهما فى مصلحة الفتاه

- { فلاسـية جميـــرا , . · #1 01-18-2008, 02:04 AM

الكثير من الاسر ترفض تزويج بناتها فى مرحلة الدراسه فالدراسه أولا ومن ثم الزواج .......... ..هل وجهة نظرهم صحيحه ؟؟؟؟؟

أم ان الدراسه لاتمثل عائقا لزواج الفتاه حيث انها تستطيع التوفيق بين الزواج والدراسة ؟؟؟؟؟؟

هل الشهاده الدراسيه اكثر ضمانا لمستقبل الفتاه من الزواج ؟؟؟؟ اما الزواج اضمن؟؟؟؟؟

هل الزواج فى سن مبكره السبب لحالات الطلاق حيث يكون الزوجان غير مهيئين

لتحمل المسؤليه وحل المشاكل كذلك

أنشغال الفتاه فى الدراسه قد يلهيها عن واجباتها اتجاه زوجها وبيتها فيحدث

الأنفصل من أول مشكله أو خلاف.. __DEFINE_LIKE_SHARE__

[ الحر بِن لندن ] · 01-18-2008, 02:14 AM

السلام عليكم ورحمة الله وبركاته

اختي موضوعج حلو ..

ويستاهل النقاش ..

هذي ظاهره منتشره في هالزمن وايد .. والكثير منا يشوف هالشي وهالمشاكل تحدث لبعض العوائل ..

بس على حسب رايي ..

ان هذا الشي يعتمد على الريال اولا .. وعلى البنت ثاني شي ..

اولا الريال :

هل الريال بيوافق بان الحرمه تكمل دراستها ..؟؟ هل الريال بيوافق بانه يخطب البنيه على الاقل ويخليها تكمل دراستها..؟؟ هل الريال بيمنع حرمته انها تشتغل ؟

على حسب ..

لان الحينه في هالزمن .. الانسان بلا شهاده مايسوى في نظر الكل .. وانا عن نفسي اشوف هالشي .. لان نحن في زمن التحضر والتطور .. وانا اشوف الشهاده وايد تنفع الشخص .. والزواج تراه قسمه ونصيب ..

ثانيا البنت :

هل البنت لها خاطر تكمل دراستها ؟؟ هل البنت لو درست بتشد حيلها وبتسوي الي عليها ؟؟ هل البنت مستعيله على الزواج ؟؟

هذا شي ثاني .. المفروض الاهل مايشدون على البنيه ولا يرصونن عليها .. لان هذا زواج وهذا عمر وحياه يديده ..

هذا رايي انا وسمحولي اخواني احس اني مابديت رايي بطريقه واضحه وشويه متلخبط __DEFINE_LIKE_SHARE__

الجابريه · 01-18-2008, 02:17 AM

الدراسه تضمن مستقبل البنت .... والزواج ستر لهاا...

يعني احس انه البنت مالها غنى عن الاثنين.... لكن المحظوظه

اللي بتوفق بين الاثنين الدراسه والزواج.....

يعني مب معناته انها ترفض الزواج في سبيل الدراسه....

ومب معناته بعد انهااا توقف دراستهاا ومستقبلهااا عشاان الزواج...

على قولة بعض الحريم ((الريل هالايام ما يتحصل)) ....

ونصيحه مني اللي يباج بيتريااج....

__DEFINE_LIKE_SHARE__

sŋfoOrT AD · 01-18-2008, 02:21 AM

عيبني اسلوبج في طرح المواضيع وفتح دائره النقاش..

شي طبيعي واكيد ان زواج الفتاه في اثناء دراستها بيعيق سير حياتها الزوجيه

ولكن السالفه سالفه قناعهـ لا أكثر..

اذا هي قادره انها تتحمل مسؤوليه بيت و زوج وعيال ودراسه في آن واحد

فهذا نابع من قناعه هي تومن فيها..

لكن انا ما انصح ان الفتاه تتركـ دراستها ومستقبلها في سبيل الزواج..

الوحده ماتضمن شو تخبي لها الايام من مشاكل.. وهذا حال الدنيا لا تخلوو

من المشاكل الزوجيه والاسريهـ ..

ونقطه ثانيه .. ماشجع ان الاهالي يزوجوون بناتهم اثناء الدراسهـ .. الا في

حال هي وافقت ..

تسلمين عزيزتي وفانتظار المزيد منج .. __DEFINE_LIKE_SHARE__

بنت زايد الخير · 01-18-2008, 02:33 PM

انا عندي الاثنين اذا هو بيوافق اني ادرس باخذه ام لا يسمحلي اهم شي عندي دراستي هذا مستقبلي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
للبيع ساعة أصلية أصلية ماركة	محروم.كوم	منتدى أخبار المواقع والمنتديات العربية والأجنبية	0	07-19-2010 11:10 AM
اكمــــــأل االدراسه ام الزواج,,,,ايهمافي مصلحه الفتاه	محروم.كوم	منتدى أخبار المواقع والمنتديات العربية والأجنبية	0	01-17-2010 09:00 AM
هل تقبلين الزواج من شاب اصغر عنج؟؟وانتا هل تقبل الزواج ببنت اكبر عنك؟؟	التفاحة	المواضيع المكرره	2	03-18-2009 02:17 PM
مع او ضد ..اكمال الدراسه او زواج الفتاه...	قلــ خلي ــب	المواضيع المكرره	5	01-30-2009 02:13 PM
الزواج التقليدي...هل انتهى, الجيل الجديد يرى هدا النوع من الزواج تخلف	ليبى_طرابلسى_افتخر	الحوار والنقاش - الرأي والرأي الآخر	7	07-23-2008 02:49 PM