...أنــا وأنـــت واحــد {لــمــتــى؟؟}...

نوافي · #1 03-26-2009, 12:59 PM

... بسم الله الرحمن الرحيم ...

السلام عليكم ورحمة الله وبركاته ....

حبيت أتكلم عن موضوع لاني استغرب من اللي يصير واللي أشوفه بالتلفزيون عن المساوه بين الرجل والمرأه ...

والمظاهرات والاجتماعات و و و و... وكله عشان تصير المرأه مثل الرجال؟؟؟؟؟!!!!!

أنا اعتبر هالموضوع اخذه الغرب سلاح عشان يبعدونا عن ديننا ...

أنا بنظري ... الاختلافات لازم تكون .. والمرأه لها واجبات والرجال له واجبات بعد ...

لكن ... تــــخـــتـــــلــــف فواجبات المرأه غـــيـــر عن الرجال....

أنا ماقول ماتطلعين من البيت وانحبسي بالعكس ... روحي واشتغلي وسوي اللي تبينه ..بـــس بـــحـــدود ...

وخلي واجبات الرجال هو يسويها الله لايهينه ....

ولو قريتوا بكتب علم النفس ... وتحديداَ كتاب ( العقد ) في عقده اسمها (عقده ديانا )

وهي بالعربي ( المره المسترجله ) يعني زوجها موجود أو ابوها أو اخوها ...

لكن هي تقوم بأمورهم واجباتهم اللي عليهم يسونها ...

يعني هي اللي توصل العيال مدارسهم ...

وهي اللي تصرف على البيت وهي اللي عليها النفقه و و و و إلخ ...وهو قاعد مريح ...

فهاذي بعلم النفس يسمونها ...( عـــــقــــده ديانا ) يعني هاذي المسأله تعتبر من العقد ..

وياللي تناشدين تبين المساواه تبين يصير عندتس عقده وتصيرين مثل ديانا ...

أعتقد أن الكثير منكم يوافق على أن الرجال والنساء مختلفين ...

لكن فيه فئه غير مقتنعه ( الله البلشه دايم فيه ناس داخله عرض )

وللأسف ظهرت كتب تحدد تلك الفروق دائم هذه الكتب أما تتكلم عن موضوع واحد أو تكون متحيزه ....

وللأســف أيضاً أنها تعزز عدم الثقه والاستياء من الجنس الاخر ... فيحس كل واحد ان ضحيه الثاني ...

الصراحه ... حنا بحاجه ماسه إلى دليل دقيق لفهم مدى صحه هذا الاختلاف بين الرجال والنساء ...

وعشان نحسن من انفسنا لازم نستحدث فهماَ لاختلافتنا ..

يؤدي إلى اعلاء تقدير الذات والكرامه مع تشجيع الثقه المتبادله ..وأهم شئ المسؤوليه.. والاهم .. التعاون والتسامح ...

الرجال بطبعه... قوي .. فيه الكفاءه .. فعال ... منجز .. يسوي أي شئ بس عشان يبرهن أنه قوي ...

يحب أنه يعمل على تحقيق النتائج .. يحب الفوز دائم ...

ويحب يعالج مشكلاته بنفسه ونادراَ مايكلم احد من أصدقائه عن مشكلاته ..

إلا اذا احتاج إلى نصيحه خبير.. لانه يعتبرها نقطه ضعف بالنسبه له ...

لكن مرات يكون جد محتاج أحد يكون جنبه وينصحه ويمكن يتقبل ...

لكن كما هو معروف الرجل يسمع أكثر مما يتكلم

وأنا اعتبرها نعمه لأن المرأه عـــكـــســـه تماما ... تحب تتكلم وتبي احد يسمعها ...

وإذا ماسمعها قالت مااايسمعني وعلى طول تتحلطم وتقووول عمره مافهمني و و و و و و إلخ ( مايحتاج اكمل عارفين باقي السيناريو ...)

فالحمدالله رب العالمين ... انكم بس ساكتين عشان تسمعونا ....

والحين جا دور المرأه .....

المراه .... تقدر الحب ... تحب التواصل ... تحب الجمال ... والعلاقات ... تحب تساعد وتساند وتحب رعايه أحد ومساعدته .

أغلب علاقتها تقوم فيها مشاعرها ... ومرات تحدد نوعيه علاقتها بالاخرين ...

المرأه عفويه جداَ ... تحس بحاجات الاخرين أسرع من الرجل وتقوم بمساعدتهم دون ان يطلب منها ( من طيبه قلوبنا ... لا والله من اللقافه )

والمرأه عكس الرجال تحب تتلقى النصيحه عشان تحس بأن اللي حولها مهتم لامرها ...

وتحب بعد ان هي اللي تقوم بالنصيحه ....

وأنا بنظري ان اعظم هاذي الفروق اللي بينا طريقه تعايشنا واسلوبنا ...مثلاً الرجال لما يتعرض لضغط ... يحس بتحسن عن طريق حل المشكلات ....

بينما المرأه فتتحسن عن طريق التحدث والهذره عن المشكلات ...

مــــــــخــــــــتـــــــصــــــر الــــــكـــــــلام ....( ان هاذي الاختلافات ساعدتنا ) ...

مثل ماذكرت قبل ... أن الرجل مرات وخصوصاَ وقت مشكلته يحب أحد يجيه ويهتم فيه وهاذي وظيفه المرأه اللي تستمتع وتتلذذ بمساعده الاخرين ...

والمرأه اذا جتها مشكله تحب تتكلم وتبي أحد يسمعها وطبعن هاذي وظيفه الرجل واللي شاطر فيها انه يستمع ,,, ( الله يعين .. نظفوا اذانيكم كل يوم لانه الراديو بيشتغل ليل نهار ...)

شفتوا كيف فائده هذه الفروق وانها تزيد للحياه جمال ..

لكن ياليت التمعن فهالموضوع قبل مايسون دوشه وازعاج ...

لان كل شئ الله سوها له حكمه .. إذا كانت تركيب جسم الرجل غير عن المرأه والهرمونات حتى في الخلايا وعددها تكون مختلفه فكيف يبونهم يتساوون بالطباع والاسلوب والمعيشه والصفات والوظائف و الادوار ....

والله حتى الحين الغرب نفسهم ... سوو جماعات ضــــد المساواه .. لانه اكتشفوا انهم يقلل من أنوثتها .. وكرامتها ... لانها تنهان بشكل يومي عندهم ... فنحمد الله ونشكره الف مره على النعمه اللي حنا فيها ...

وتذكروا قول الله تعالى .... {{وَلاَ تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَى بَعْضٍ لِّلرِّجَالِ نَصِيبٌ مِّمَّا اكْتَسَبُواْ وَلِلنِّسَاء نَصِيبٌ مِّمَّا اكْتَسَبْنَ}

والله الموضوع كبير ...والفرووق كثيره ... ويطول الحديث فيه ...

أتمنى من أعماق قلبي أن نتعلم اسلوب جديد ونقتنع أن الله خلقنا تسذا ولانسأل عن الاسباب لان فيه حكمه من ربنا ..

وراح تكتشفها لو بس تخيلت ...ولان فكره المساواه هاذي أبدن موب دااخله مزاجي ..لأننا ماحصلنا منها الا المشاكل ومن ابرز هالمشاكل الطلاق وبعدين المحاكم و و و و إلخ ...

أدعو دائما أن تكبروا في حكمه وحب ... وأدعو أن تتناقص معدلات الطلاق وأن تتزايد أعداد العائلات السعيده ^_^ ....

أدري أن اللغه في خطر ... لكن هذا تعبيري ... واتمنى يعجبكم .... ^_^

بقلم / ...أختكم ...نوافي...
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انـتـهـي حبـي لـهـا - اغنيهـ وايــد روووعهـ	عِيمْيّ مَآرْڪـﮧّ ™	اغاني , شلات , هبان	5	12-01-2009 03:57 AM
خـيـانـهـ بـدمـكـ و مـا راح انـسـا غدركـ ~ رووعــهـ وايــد	عِيمْيّ مَآرْڪـﮧّ ™	اغاني , شلات , هبان	3	11-26-2009 03:16 PM
خـيـانـهـ بـدمـكـ و مـا راح انـسـا غدركـ ~ رووعــهـ وايــد	عِيمْيّ مَآرْڪـﮧّ ™	نغمــات للهــواتف	3	11-14-2009 08:19 PM
[12/11/09] Crystal Wide Bar كـريـســتال وايــد بـار الـجـديـد	محروم.كوم	منتدى أخبار المواقع والمنتديات العربية والأجنبية	0	11-12-2009 11:40 PM
ٍ[حــب مــن طــرف واحــد]ً	~ al sha3er ~	شعر و خواطر	20	03-26-2008 03:39 PM