آلغريبه نفترق دۈن تلميح . . [AlNseem ] ..~ - الصفحة 6

AlNseem · 07-15-2011, 11:01 PM

.
.

باااك رجعت لكم مانتحرت

لانييييييييييييييييييييي طلعــــــت
طلعت والله طلعت وخذت الايس كريم بعد
ياسلااااام طلعة بسيطة خفيفه
فيها اكل واااايد ياحبيبي يالاكل
اموت قهر اذا في وحده تدلع صوب الاكل
الاكل حلاة الدنيااا صدقوني
ياسلااااااااااااااااااااام

.
.

بس قهرني دايما يوم ندخل البيت يلفناااا
خمسسسس مراااااات اسميني يتني دوخه
حسيت نفسي حامل استغفر لله
لو امي سمعتني جان كسرت اللاب توب
فوق رااااااسي وبتعصب

.
.
.

الحمد الله كانت نهايتي وشيكة
بس باللحظة الاخيره انقذني اخوي وطلعت
صدقوني الايس كريم حلو

.
.

برب عندي صداااااااع من
الخمس لفااااااااات __DEFINE_LIKE_SHARE__

AlNseem · 07-17-2011, 03:37 AM

.
.

بي بي تاااايم خلوني ارمس عن المصخره الي تصير
انا الي عندي بالبي بي 24 بسس
يوم اقول لهم مايصدقون يقولون ليش اقول سكتوا
24 ومالحق ع حد شوووو هااه راسي يعورني

المهم اختي ميمكو طرشت برود كاست

تخيلي انا بالمستشفى وبين الحياه والموت
شو بتقولين لي وقتها وكتبت بالاخير اهم وحده ولازم ترد
اختي لووودي انتي لازم تردين ابى اعرف شو بتقولين

نقعت ضحككككككككككككك عليها وجان اكتب

احم احم اول شي ال 500 الي عندج انا باخذها والبي بي بعد
واللاب توب ملابسج مابيها لان ذوقج ماحبه بتبرع فيهم حقج
وهيه انتي اطالبيني 100 درهم حبيبتي مالج نصيب فيهم

ههههه قالت اشوه تتحسبين عندي 500 عندي الف
قلت تمام عيل زين يوم قلتي عشان محد ينصب علي لاني
الوريثة الوحيده قلت هيه صح انا اطالبج عشرين درهم
مابسامحج بالقبر كل يوم بدعي عليج ويالله حبيبتي سلمي ع الاهل
وبلغي سلامي لهم

قالت عشرين قااال انااطالبج 100 يت ع العشرين
قلت يمه بسم الله مامتي قل هو الله احد مرة ثانيه يوم اسال
لاتردين قلت انتي قلتي ارد قالت مااابي انا مب ميتة
انا حيااا ارزق قلت لها انا اتخيل زين اتخيل

قالت الامية حطيها فوق قبري ابيها يعني ابيها
شافتني لابسة بجامتها قالت البجامة حلوة عليج بعد
قلت مابي هالبجامه هذي بحطيها ع قبرج امحق ورث الا هيه الف
روحي روحي قبرج اقول بس قالت اييييه تراني صدقت اني ميته
ههههه قلت هالمطلوووووب

والمهم والاهم اخوي محمد مطرش لي رابط
قال شفتيها قلت شوو قال شوفي اول مافتح الموضوع
اشوووف جنية متحولة لعروووس يمممممممممممممممممممه
تيبست تيبسسسست صدق صدق
قلت لخواتي شوفوا مو بس انا اشوف وشافوا وكل وحده
ميته خووووف الصراحه ماريد اوصف وانا اكتب الليل
بس ليتني ماشفته الحين انا راقده عند امي الحمد الله الوالد محد
لو صدق كيم اووووفر انااا الحين __DEFINE_LIKE_SHARE__

AlNseem · 07-17-2011, 03:39 AM

.
.

بقول لكم مواقف قد سمعتها من خواتي ونقعت ضحك
يقول لكم في وحده سعودية تقول مرة اخوي جاني وقال لي
يبي لي ماااي قلت له تامر امرررر انته
تقول اول مادخلت قمت اشوح بالماي فوق تحت واشوح فيه
واطلع صووت مثل الغبيه والله
تقول بعدها باسبوع خطبوني ووافقت وتم كل شي ع خير
تقول تخيلوا ياعالم ان اخوي النذذذذللل شو مسوي
تقول يلسة مع ريلي وقام يضحك قلت بسم الله ايش في
قال انا كنت ابخطب عندكم وقلت لاخوك واخوك قال لازم تشوفها
قلت مب لاززم دامك اخوها اكيد اخلاق وهيك من هيك
تقول جابني مرة بيتكم وخشني بالكبت وجيتي انتي
وتشوحي بالمااااي وشعرك كذا وكذااا لابسة
تقول بغيت الارض تبلعني من هالموقف الي يفشل
وبغيت اذبححححح اخوي وقتهاااا الله يفشله ماقول غير جي
ويوفقه انه عرفني ع ريلي فديته

ههههههههههههههه حليلها وقسم بالله ماتخيل
هههههههههههههههههههههههههههههههههههههههههههههههه
بجيت ع موقفها صدق صدق حليلها

موقف 2 :
انا واختي اختي راحت الصالون وانا معاها كنا تونا راجعين
من دبي وكنت حدي ميته تعب ابى ارقد ابى اسبح ارتاح
محد راح معاها قلت بتحمل ويلسة تتحنا لين ماخلصة اخوي قال
طلعوا طلعنا مشيت وقت عند السيارة قلت فطوووم
هذي سيارتنا قالت هيه واقفه شو يعني اول مافتحة اختي الباب
سكرته قالت وي وي وجان اركض وانا ميته ضحك طلعت سيارة اخوي ورى
وانا ناقعه من الفشيلة والضحك الحمد الله حرمة كانت مب واحد
ولا اسمي بنتفشل والله لو كنت نعامة كنت دخلت راسي بالارض
اخوي قال عميااات هههههههه قلت شكلنا جي

موقف 3 :
هيه بعرس اختي كنا كاشخاااات هههه جنا سحاااار
انا وميمكو مانحب المكيااج خير شرررر وقمنا نستهبل ع بعض
ويوم ايونا اعيال اختي نقول هاهاهاهاهاااااا بناكلكم
بنوديكم عند الشياطين هاهاهاهاهاااا وهم ميتين خوووووف
احيد وليدو ياني قالي انتي منووو ههههههههههه زين مابجيت
قلت انا ساحره ساحره قال الودي وع ماحلو
مسكته واقرصه قلت من طلب رايك يابعدي
احلى شي اليهاااال بس عندي بو القطاااو هذا مغازلجي قلت حلو

قاال هيه حلوووو وااايد حلوووو قلت لا انته بتطلع مغازلجي عيل ابشرك
احلى شي يوم مايعرفونا عشان مانشيلهم تعبونا
بعدنا ماعرسنا ونشيل يهااال والله
حسيت نفسي بالمكيااج ايرانيه ضايعه
وعدى اليوم ع خير

موقف 4 :
كنت رايحه رحلة مع اربيعاتي رحنا نادي الترااااث
اول مادخلنا كانوا يحطون هريس قيمااات
عااااااااااااااد بناااااااااااات ولمة شو بيصير وجان ناكل وناكل مثل البقر
وقسم بالله تحسون يالسين في البيت تربعنا ويلسنا ناكل
ونااكل ونعلف جنا بقررررر بس القيمات شو لذيذ يم يمي والله
المهم ملينا ابطونا قلنا يالله صوب النوووق رحنااا
الي يبى يركب يدفع 15 درهم وياخذ له لفة

انا اشوف البنات يصيحون لا لا انزين يوم تصيحون وتخافون لشو
صايرين لنا غرايندايزر يابعدي ودافعين وقسم بالله شفت بنت صغيره
راكبه وتضحك وامها وابوها يصورونها وفاجه حلجها قلت شوفوو
شوفووو يالفشيلة الله يفلشكم ان شاء الله تصيحون
وهالياهل فاججة الحلج تضحك اول ماركبت صاحبتنا
طراااااااااااااااخ طااحت عاد وين تلقونا تبرينا منها وقتهاااا الله يفشلها
والله مسوية عمرها بات مااان لناااا

المهم يتنا اربيعتنا ماشاء الله وزن وزن قالت انا بركب
قلت استريحي يالله وين تركبين ياحلوة قالت بدفع وبركب
ويعني المهم الفلوس قلنا لها روووحي حبيبتي جان اليمل ماشرد
ونفذ بيلده راحت وقالت لريال الريال قال وزنج وجي وتمت تتفلسف قالت
ليش قبل مافي امتان وهيك من هيك مصره تكسر ظهر الناقه
المهم مارضى الريااال يت صوبنا وانا ميته ضحك قلت لها
زنوب حبيبتي نحن نركب فوق وانتي مشينا وبنعطيج افلوس
ماتركبين ع النوق ماتت ضحك قال موافقه كل وحده تدفع وسرينا وياها حليلها
قلت لها تعالي يابعدي قيمات وسلام عليكم ولا هريس

هذا موقف وقلنا قل هو الله احد ومشينا اشوي
ولا شوي الاجنبية ياية صوبناااا عاد اخرط لاتخرط
تبانا نعرفها ع الاماكن وهيك من هيك عاااد اندوووكم عرفت تختار وقتها
وديناها صوب الصقر وخليناها تزخه وصورناها كم صورة
وبعدين وديناها صوووب الناقه وركبتها وزنوب معصبه تقول شوفووا
يقهررر خلاها تركب وانا لاااااا هههههه قلت ماعليه
بخليه يركبج قالت حلفي قلت بخاطرج قالت هيه ومصره بعد
المهم ركبت الاجنبة وتريناها لين ماوصلت قلنا لها تري
صاحبتنا تبى تركب وجي قالت شوور خذوا وقتكم انا مستمتعه معاكم
وزقرت الريال قلت خلها تركب وربك مسلم
وكلمة يمين وكلمة يساار ورضى الشيبه الله يطول بعمره
المهم ماصدقت زنوب قالت وليش من قبل ماحاولتي قلت شو اسوي
ماتوقعت بخاطرج لهدرجة المهم ركبت الحلوة صدق
وشلتها الناقه صدق ونحن كلنا نضحك والاجنبية تصور فيديو
اخر شي يوم ارتفت زنوب تصيح وتصيح ونحن نضحك والاجنبية تسالني واي كرااي
قلت ذيس بي بي كريزي ههههه تمت تضحك وقمنا نستهبل وهيه تقول نزلوني
والشيبة مب طايع ينزلها ونحن نضحك والنااقه شو تتحمل
ريولها تتكسف عليها حليلها اخر شي نزلها

الاجنبية قالت ودوني صووب اكل ابى اكل ياسلام اكل
وقمت اغني لها اني اموت بالاكل واحبه وهيه مستانسه
وديناها صوب شووووووووووووووو
القيمات والهريس وقمنا نقول لها انه اكل تراثي وجي
وكل واستانست ومشيناها ماخلينا بقة الا وديناها فيها
وخليناها تتحنى
اخر شي طلعت الف درهم قالت هاه اجرتكم

قلنا لها نو ثااانكس واصرت قلنا مانبى
قالت وين بتروحون قلنا لها بنروح نزط بمطعم قالت بي معاكم
وديناها وكلنا وقمنا نسولف لها سوالف وهيه مستغربة
ومستانسه قالت والله مابي اروح احس الوقت يمر بسرعه معاكم
وكانت احلى سياحه لي معاكم واني اتعرف عليكم
حبيبتي جوليت لحد الحينه تراسلني بالايميل

ع فكره الي كانت تسوي قيمات قالت ويعه ماتشبعون
لو دريت جي الشغل مايت اليوم منكم ونحن نضحك عليها
اخر شي عطيناها 500 استانست العيوز وحبيناها ع راسها
قلنا لها تسلم ايدج عيوزتنا قالت الله يحفظكم يارب
ويخليكم لاهلكم حبيبتي ام خماااسوووو
قلت لها ولدج حقي هاه قالت ابشري بعزج
ياقلبي ياخماااس من اسنين والله وامك واعدتني ماشوفك يت
ههههههههههههههههه

موقف 5 والاخير لاني تعبت :

رحت مع اربيعاتي برحلة ابوظبي مول
ركبنا الاصانسيد اشوف الكل ركب نحن 7 تقريبا
ماشوفهم دقوا رقم وانا سرحانه ورايحه عالم ثاني
في شو كنت افكر ما اذكر المهم
ركبوا زلمات ونزلوا ونحن واقفين رحنا فوق نزلنا تحت
ونحن واقفين رجكبوا اجااانب استوعبت وقمت اضحك
والكل قاام يضحك والاجانب تموا يضحكون بعد
ونزلوا الاجانب ونزلنا تحت وركبوا اماراتيات وراحو فوق ونحن بعدنا
قلت حوووووه نزلوااا يالبهاااايم نزنا وكل وحده تضحك ومن الضحك
شو استوى ابنا يلعن ام برستيجكم يااخي ولا وحده
داقه رقم ولا وحده يالفشيلة انزين انا افكر انتو شو بعد
تفكرون يابعدي وعدينا هالموقف وسكتناااا مشينا وقمنا نسولف
ونسولف ونحن نمشي ونزط بهالحلاوة وقفتنا اجنبية
قالت لنا ليش كنتوا تضحكون بالاصانسيد قلنا لها ليش تسالين
قالت تضحكون علينا قلنا لها اكيد لا وقلنا لها الموقف
وتمت تضحك وقالت للي معاها هم بنتين و3 اولاد
تموا يضحكون يلسنا وهم كانوا صوبنا وكل اشوي سو لنا باي
ونحن مثل البقر نسوي بااي ونضحك بعدين يو البنتين عندنا
ويلسوا عندنا وراحوا عنهم الشباب قلنا لهم بنلعب وجي
استانسوا ورحنا ولعبنا بالسيارات كفخناهم تكفيخ وهم يضحكون
ماخلينا لعبه مالعبناها والسيارات من كثر مانلعبها الي يلعبنا حبده لاعت
والاجنبيات ميتات ضحك وطبعا كنا 7 و9 سيارات موجودة خذنا 8 مع الاجنبيات
وحده معاي ووحده مع حسنو وقمنا نشوح فيهم اخر مرة دخلوا
اثنين من الشباب قلنا بنطلع الاجنبيات قالوا وااي
قلنا منقوووود هيله ريايل سوووو بااااااااااااااد ضحكوا قالو خلونا
نكمل اخر مرة ونحن مفتشلين قلنا نكمل وقسم بالله تحسفت سمعت كلامهم
تخيلوا نحن 7 وهم زعاطيط كسرونا تكسيرررر
حسيت عمودي الفقري تقطع ونشلع والاجانبيات يضحكون
ونزلنا ورحناااا شربنا كووووفي وهم دفعوا ماروضوا ندفع
قالوا وين بتسيرون بعد قالوا لنا تعالو بنروح البولينق قلنا لها مانقدر
هالاماكن مليااانه شباب ومانحب قلنا لهااا تعالي بنروح صوب الملااابس
وقمنا نختار لهم ملابس ويلبسون ونحن نطالع ونقول هذا حلو
هذا مب حلو هذا حلو لا لا مب حلو وكل الي قلناه حلو خذووه
المهم يو ربعهم الشباب وهم يضحكون سلمنا عليهم وودعناهم
وعطونا هدايا ياحليلهم ماخذين لنا كيف ومتى مادري
كانوا من الهاي هي شكلهم مالت علي مخ الي عندي التنك
المهم قصصنا مع الاجانب ماتخلص لان بدبي بعد صار موقف
ودايما مساتنا يوم نقول لهم شو يصير يستغربون
مساكين نبهدلهم بكل رحله بس والله
الاجانب حبوبين وااايد واااايد

.
.

خلاص تعبت ماقدر اكمل
صدااااااااااااع يايني وتاخر الوقت
برقد تصبحون ع خير __DEFINE_LIKE_SHARE__

AlNseem · 07-18-2011, 01:55 AM

قريبا بحط لكم صورة بو القطاو ووليدييي واتومي الاتيكيت وريمو .. !!

اليوم لاباااس فيه رغمم ان نحن ماطلعنا
الا انه على خير عدى مافي وفيات الكل احيااء والحمد الله

.
.

تذكرت اغنيه يوم كنت صغيرة
تلعبيييييييييييين معيييييي ... العب
ها ها ها ها ها ها ها ها هااا هاا هااا هااا هااا
ههههه مت وانا ادورها باليوتوب وقوقل مالها اثر ابد والله

.
.

غسل وجهك ياقمر بالصابوني والحجر وينك ياقمر
بغسل وجهييي ... !!

.
.

ياسلااام ايااام هالانسانه كانت قمر

وكشخه بالنسبة حقي وياضروسهاا هذي هههه حليلها
كنت احبهااا ايام العيد تطلع كانت وبعد العيد
امي جبدها لاعت من كثر ماحطيها احيد
وكنت حافظه وقت ماتطلع قبل سوار العسل مايطلع يحطونها
وانا واختي نضارب الي حافظنهاااا
عاد الغبيه انا ابوي يوم اخلص الغدى والويه قل هو الله حد
كل الاكل بويهي مب بحلجي شكله يقول روحي غسلي ويهج اقلدها
كنت اقول بغسسسسل وجهيييييييييي ومشط شعريييييييييييييييي
صراحه طفولة غبيه كنت عايشتنها لاصور مثل الناس
ولا شعر مثل النااااس اخص صورة يوم ضروسي تكسرن الي قدام
جنهم مكيف يالفشيله ااااه لو صورة وحده تشرف لو وحده
مافيييييييييييييييييييييييييييييييييييييييي
ماعلينا خلاص طفولة بائسة كانت الصراحه .. !!

.
.
محطيه اغنيتها واسمعها واكتب
ياهوى علي عالقمر علي حتى نقول للقمر ينزل ع غصون الشجر وينزل ع دبكي
هههههه ياسلاااام طفولتنا كانت بريئة غسل وجهي ومشط شعري
الحين طالع شو يقولون لها واااواااا واححح مالت بس
طفولتنا ياسلااام لحقنا ع جيل رائع

لحقنا ع سوار العسل صحت يوم مالقى امه وماتت
ووادي الامان يجنن والله في هالصغيره شسمها يااربي ما اذكر
والشجعان الثلاثه كنت احب البطل الي لونه الاسود
وسالي منو متاثر فيه بالذمه الشباب الي هم شباب يطالعونه
وسيدة ملعقه ياسلام
وحكايات
وجوتي ابوت صاحب الظل الطويل يجنن
ليدي ليدي وااااو
جزيرة النخيل
جازورا
بومبو
وهايدي
بلاد العجائب
قرية التوت
طمطوم
وزغلول
وسوساان
بوليانة
مدرسة الكونغ فوو ( اي كووو سااااان تي ري ) مع كرعته
حكايات عالميه
في جعبتي حكايه
مي مي
سنبل
كابتن رابح
كابتن ماجد
لبنى السريعه
زهرة الجيل
بيرين
كعبول وعبقرينو
مغامرات ساسوكي
عبقور
رغيف العجيب
زينة ونحول
لولو الصغيره
ماوكلي
سانشيروا
وغيره واااااااااااااااااااايد اخبااال

.
.

المهم وانا باليوتوب احوط شفت لكم هذا
ويييل حالي ويلاه كان قلبي يتقطع وقتها انا اقول حرام
وكانت قصتهم ممتعه الصراحه وتخبل ايااام
حتى وانا صغيره قلبي رهيف ع رسوم ههههههه
المهم شوفووه والله هههه وعالي الدقه بعد

.
.

مابطول عليكم اليوم
مشاهده ممتعه .. * __DEFINE_LIKE_SHARE__

AlNseem · 07-18-2011, 06:40 PM

.
.

حررررر سوووو ماااااااااااااااااج
احترقناااااااااااااااااااااااااااااااااااااااااااا اااااااااا
انشوينا لو ديايةانشوت وتغدينا عليهاااااا
الله كريم ويرحمنا من نار جهنم

.
.

دايما يوم انزل الصاله لازم اخذ جهازين
جهاز التلفزيون وجهااز المكيف واقعد قريب المكيف بعد
مرة مرة بالويه من الحر وجي
اطالع تلفزيون ومن ابرد طفيته
ماتصير دقايق الا وانا حرانه ورديت شغلته
وع هالحااال امي طفرت قالت خربيه خربيه اي اي يالله
انزين حر لا قالت وين حر وقاعده عند المكيف
قومي وشغليه مب يلد عليج اميي تستهبل والله
اقول امي الحين انتي حرانه بردانه قالت حرانه
قلت خلاص مشتغل تراه قالت بتخربينه بنيه
استعقلي وخليه شغااال قت تمام
وبردت اتلفت يمين يسااار امي محد
طفيته امي طلعت قالت حسبي يالله عليج ان شا الله
اليوم بتخربينه انتي زغت من طلعت
قلت بالغلط والله واختي حدرت عقت وليدو وراحت
قلت عز الله شفت الفيلم كله
وتم يغني نكلودين نكلودين نكلودين
انا ميته قهر متغصصه قلت حبيبي بقى اشوي
وبيخلص الفيلم بحطي لك نكلودين نكلودين نكلودين
وحطيت نكلودين وبروحي ميته ملل
وتم يشرط ابى مااااي وريل ع ريل ياسلاااااااااااااااااااااااااااااااام
اتخبل ع اليهال الي يتشرطون
يبت له ماي وحطيت به ملح وقام يتفل
قلت عيل انته تشرط علي اناااا مايابت فطوم اختك
انا اتشرط عليها وماتقول لااااا هيك يابلاش وامي يت
واذا قال لها لاااااااااااا توفقة ووقتها وتميت اقول وليد حبيبي
احسن واحد انته صح قال صح
امي يت والسخيف مايفيد كلام حلووو
قال ادوووه ماي مالح وتم يشكى وانا اعصااابي ماسكتها
امي تقول تحطين راسج من راس اليهاال
يالفشيله يالفضيحة انتي اعيالج شو بتسوين فيهم بتسممينهم
شو بتعطينهم للجلاب والقطاو شكلج مب مال يهاال تعطين لياهل ماي ملح
ماتستحين ع ويهج خبله الي بياخذج << يابخته والله
الي بياخذج انا بقوله سواد ويهج وفضايحج خليه يعرف ام المستقبل
شو بتسوي يدي بياخذج وتم تغني هالاغنيه ياكل تبن هو واعياله زين جي
احلى شي قلت امي اعيالي انتي ربيهم اوكى

قالت اعيال ابليس ولا اعيالج يطلعون مستخفين مثلج
مب ناقصه ازياده افتك منج متى ماعليكم امي تحبني عشان جي
تقول هالرمسه من الحب الصادق الصدووق امي حبيبتي
ريلي ماوصل يوم يوصل انا بفضحكم والله
انا بفضح عمري عاااادي بقوله سواد ويهي كله
انتي بتصيحين ع افراااقي يابعدي محد مونسج غيري
24 ساعه ايب بهالاكل وانا وانتي نااكل ونزط
24 ساااعه ايج بسوالف قد شعر راسج واقولج اياهااااا
24 ساعه اتمصخر ع الوالد واشجعج وااعاونج
24 ساعه تلقيني بالمطبخ متى بتحطين الغدا
24 ساعه افكر معاج شو بيكون عشاناااا
24 ساعه تلقيني عند اشيرة التوت واللوز
24 ساعه تلقيني ماسكه التلفون واكلم خواتي واتمصخر عليهم واشبكج يالعيوز
24 ساعه تلقيني بهالبقاله اطلب واضارب مع الهندي عشان ايبه بسرعه
24 ساعه اطر رصيد ونصه ااعطيج ايااااه
24 ساعه اقص ع الوالد عشان ايب لنا عشى وانتي تستانسين
24 ساعه اسهر معاج لين الساعه 1 او 2 واسولف واهمز لج ريولج
24 ساعه ايب لج هالمكسرات ونزطط مع بعض
24 ساعه ايلس معاج بالحوي واسولف ونشرب هالعصير

هيه هااء يالوالده كل هذاااا وكيف تبين تفرطين فيني
لواحد كيف كيف كيف ليش ليش ليش
تبيني اعرس بهالسرعه يالوالده حياتج بتكون صعبه بدوني
مابعرس مابعرس مابعرس مابي اعررررس
شو اباااهم الريايل مامنهم امااان مرتاحه عندكم لاهم
لاغيره لاعوار راس لا شكوى ولا غيره محد يقولي سوي هاتي
بنتحرررررر

رساله ريلي حبيبي طول الغيبات حياااتي
انا مافكر اعرس الحين عشان جي خلك بالاحلام معلق
ريل قاااال انا بروحي ابى منو يسوي لي غدا وعشى
انا بروحي يالله يالله لعمري .. !!

.
.

وراحت امي واستلم وليديو واضربه ضرب وادفشه

منقهررررررررررررررره منه والله وهو يضحك بسسسس
وعاد انا ام القهرررررررررر وقمت طلبت مطعم وطلبت بقاله
وهو يحاااااول يااكل واضربه ع ايده وتم يصيح
وانا مستانسه والله ههههههه اموت واقهره
اخر شي عطيته لاني طلبت له بس بعد قهررررررر وترجي
تادب يابعدي مالقيت غيري تستهبل عليه زعاطيط اخر ززمن

.
.

اختي اتصلت قالت وليد وينه قلت ليش قالت خلوه
يبات عندكم يباااااااااااااااات عندناااااااااااااااااااااا

ياسلااااااااااااااااام يبات عندنا توفقت والله معااااه
لاب توب مابيتم تلفون مابيتم طلبات ورى بعض
اكل 24 ساعه العن عني يلعب بي اس بي وهو يعلب والله يلعب
يقول ابى لاب توب بلعب نسكت واشوي يقول تلفون بلعب

انا متحطمه ع الاخير

.
.

يالله برجع لكم بعدين
بشوف وليدووو التافهه شو يسوي
ويعت بروح اكل لاااا
.
. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
لماذ1 حين نختلف نفترق وحين نفترق نندم	نزيف المشــاعر	الحوار والنقاش - الرأي والرأي الآخر	4	03-31-2010 12:01 PM
لماذا حين نختلف نفترق !! وحين نفترق نندم !!	محروم.كوم	منتدى أخبار المواقع والمنتديات العربية والأجنبية	0	01-28-2010 02:50 PM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM
{ ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري	alna3ma	عدسة الاعضاء , كاميرا الاعضاء	14	04-17-2009 09:49 PM