بيني ومابينه مضى عمر واعوام

عيناوي حبتين · #1 01-13-2008, 09:50 PM

قصيد للشاعر خليف بن ختروش الكتبي عندما شاهد صورة طيره في المجله وكان قد مات قبل خمس اعوام ووضعت صورته غلاف ولما شاهدها تذكر طيره غشام وفعله النادر فكتب هذه القصيده والقاها في مهرجان الصيد والفروسيه بابو ظبي العام الماضي 2005
بيني ومابينه مضى عمر واعوام===واليوم شفته ياسعد بالمجله

غشام يامن تبغى اعلوم غشــــام===هذي اعلومه كلها دون زله

غشام رجل حطله قلب ضرغـــام===في شكل طيرماخذ الزين كله

ياما تعنينا على الفرس والشــام===نبغي شراته بس ماشفت مثله

الشاهد الله لوحة بيد رســـــــــام===والا شعاع الشمس بوسط ظله

ماكنه الا مسلم لابس احـــــــرام===يبغى يشم ولا بعد قد حصــــــله

اشقر عديم نادر جبر عـــــــــزام===الرأس أبيض والمحاجر أهلـــه

العين سودا كنها ليل وغمـــــام=== وعاتق طويل لاغشى الروض تله

ريشه مكنر بالذهب خط باقــــلام===و النحر لون الثلج يوم يفــــــــله

مناكبه مثل السواري والاعـــلام===فيها شموخ وهيبةمســـتقــــــله

زوره عريض وبارز الصدر قدام===وشلايله على الوكرمثل المضله

أحوط قصير الساق هجر ولطام===من كبر أرضه ماتميز محــــــــله

ذيله قصـــــير لاتثنى ولانـــــــام===وراس السوابق مثل راس المسله

يعجبك لاوقع وياخــــذك لاقـــــام====سبحان ربي كيف عظمه يشله

صيده يهول لاحشى ظلم واجرام====مادري عداوه أو غرام وتوله

اللحم يتخالط بضربه والعظام====له كاشخ لاعزم الخرب ســــــله

حساب صيده ماله اعداد وارقام===ماكل طير ياسعد قد وصــــــــله

لاهو بخــــــــفاق ولاهو بحوام====مافيه عذروب ولافيه اخـــــله

غشام طير راكد وطلع وحزام===ان طال مقناصك حشى ماتمـــله

تشهد على فعله تواريخ الايام===من بعد خمسه ردها مستــــعله

ماشفت مثله في الحقيقه والاحلام===فعله وشكله ياسعد يشهدله

مابه مدامع وجنته وجنة اريام====حبه تمكن بالحشاء واستحله

عليه وجدي وجد من فارق ايتام===في دار غربه دون شرع ومله

الفقر حـــــــده والمعازيم ظلام===والوقت زاده فوق بلواه عـــــــله

او وجد من ذاق الغرابيل صدام====من بعد ذاك العز شاف المذله

سجنه وهاجوسه وهمه والاوهام====عدي ميت والبلد مستحله

هذاك انا من بعد ماراح غشام====في يوم فقده موقي الدمع هله

ماعاد لي قلب على الطير يلام====باقي على حبه انا مخلــــصله

غشام رجل حطله قلب ضرغام====في شكل طير ماخذ الزين كله
.
.
.

(عيناوي حبتين) __DEFINE_LIKE_SHARE__

εïз~اَلِمَيّث}● · 01-14-2008, 12:48 AM

صح منطوق الشاعر

الله الله اسميييه ابدع ما شاء الله عليه

طرر الكلمات

ربي لاهانك الشيخ ع الطرح الطيب

ونترقب كل يديد من جداك

السموحه ع القصور

اختكم

الميث

__DEFINE_LIKE_SHARE__

مزيون دبي · 01-14-2008, 04:30 AM

صح لسانك يالشاعر __DEFINE_LIKE_SHARE__

رومانيـه دلع · 01-14-2008, 03:53 PM

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طآش 16 أم بيني و بينك 3.؟!	محروم.كوم	منتدى أخبار المواقع والمنتديات العربية والأجنبية	0	09-17-2009 09:40 PM
بيني وبينكم	محروم.كوم	منتدى أخبار المواقع والمنتديات العربية والأجنبية	0	09-11-2009 12:40 PM
ضرب بين بدوي و ياباني	كويتي	نكت , سوالف للشباب والبنات	19	07-08-2009 04:29 PM
[ أنآ بدوي ] »» الوسـمي ..~	Dxbya Prestige	كلمات الاغاني	7	03-22-2009 01:40 AM
بيني وبينك	اسير العذاب	الشعر المنقول	7	01-21-2009 12:41 AM