راحتبي الذكرى مع ايام لقياك . . !

ميت بحبك · #1 11-18-2008, 11:37 PM

السلام عليكم ورحمه الله وبركاته
شحالكم الغالين عساكم بخير ؟ .!

.

.

اول تجربه النا في كتابت القصص وان شاء الله قصتنا اتنال على اعجابكم نحن من مته كاتبينها بس متهايزين انزلها: . .

.

.

قصه مستوحاه من ارض الخيال . . همسات سطورنا عبرت عما حدث في واقعنا الخيالي ..واستوحيت القصه من خيال مشاعر بدوي ومشاعر بدويه والمنسيه برستيج . ,انا بس شجعت مشاعر بدويه والمنسيه برستيج انهن يكملن القصه رواحهن . ,
وتدور احداث القصه عن ذكريات واحداث يستحال نسيانها فالذاكره .,

الشخصيات هم:
عائله بوحمدان [ سالم وحرمته عوشه وعيالهم حمدان 20 سنه وراشد 19 سنه وشويخ والريم تؤأم وشويخ اكبر عن الريم بدقيقتين وعمارهن 18 سنه وهم من ام قيوين ]

.

وعائله بو زايد [ عبيد وحرمته مريم وعيالهم زايد 22 سنه ومهره 20 سنه ومحمد 19سنه وميره 18 سنه ومنصور 8 سنوات وهم من بوظبي ]

.

وعائله بو مروان [ حميد وحرمته عليا وعيالهم مروان19 سنه وروضه 18 وشمه 17 سنه وهم من دبي دار الحي ]

.

وعائله بو ذياب [ احمد وحرمته حصه وعيالهم ذياب 19 سنه و سلطان 17 سنه وهم من دبي درا الحي ]

.

عائله بو هزاع [ علي وحرمته فاطمه وعيالهم هزاع 21 سنه وساره17 سنه من راس الخيمه ]

ومعلومات عن شخصيات القصه . .[ جاسم ربيع روضه , ,وختروش ربيع شويخ . . وناصر ربيع الريم ..وعزوز ربيع شمه .,
وهارون دريول قوم سالم ., .واستر دريوليه قوم عبيد ..,,وعادل دريول قوم احمد و اليده اسمها سلمى ( أم سالم و عبيد وحميد)..,والفروخ طبعاَ عندهم مواتر .,راشد عنده رنج سبورت ابيض .,وحمدان عنده فتك ابيض .,وزايد عنده استيشن سودا .,ومحمد عنده بورش كايين اسود .,وسالم عنده ارمادا ., وعبيد عنده انفنتي بيضا وهمر اسود ولكزس وستوت [ وانيت ] .,وعلى عنده كرولا .,وهزاع عنده هوندا ]
ناس اغنيا وناس فقارا وناس بدون وماعندهم جواز وناس حالتهم اتقطع القلب تقطيع .,الحال يشكي بأس عيشته من جور الأيام مهموم ومجروح يشكي من وحدته غدر الأيامي .

.

وتدور احداث القصه في الإمارات السبع . .بوظبي ,,دبي ,,الشارجه ..عيمان .,ام القيوين ..راس الخيمه ..الفجيره .,وبعض المناطق المتخششه من دولتنا الحبيبه الإمارات العربيه المتحده . .! ! __DEFINE_LIKE_SHARE__

ميت بحبك · 11-18-2008, 11:38 PM

البارت الأول

.

.

يمكن البدايه اتكون ماتشجع . . [ :^^: ] , , بس البارتات اليايه وعد مني انكم بتضحكون و و و . .

.

.

على بدايه شهر تسعه وقت بدايه المدارس الناس فرحانه ببدايه المدرسه الا ام روضه كانت فالمستشفى عند بنتها روضه الي عمرها 18 كانت عليها اخر سنه ثانويه لكن حليلها المسكينه مرقده فالمستشفي مريضه عندها حمى وفقر دم وسهال وزواع من أسبوع مب طايع يخوز عنها الله يشفيها ويالسه اتقول حق امها :
روضه : امايه مته بظهر من المستشفى والله مليت من اليلسه هنيه تولهت عربيعاتي
ام روضه : فديتج امايه انتي الحين ارتاحي وان شاء الله بتظهرين جريب
روضه : انزين اميه تولهت عبنات خالوه عوشه لين احين ماييني ابا اسولف وياهن
ام روضه: ان شاء الله حبيبتي الحين بتصل فخالتج وبرمسها بخليها اتيب بناتها
روضه : اوكيه امايه قوليلهن بسرعه لاني زهقت من اليلسه .
ام روضه يالسه تتصل فعوشه اختها
ام روضه : مرحبا الساع
عوشه : مرحبتين هلا والله فديتج حيا الله هالصوت
ام روضه : الله يحييج ياعوشه شحالج يالغاليه
عوشه : بخير وسهاله شحالج انتي
ام روضه : الحمدلله يسرج الحال
عوشه : شخبار روضه شوه حالها الحين ؟؟
ام روضه : الحمدلله اتحسنت حالتها عن قبل
عوشه : الحمدلله
ام روضه : الا بتخبرج شحال شويخ والريم؟
عوشه : بخير الحمدلله مايشكن باس يالسات يحنن عراسي يبن يسيرن عند رواضي
ام روضه : عيل خليهن ايين رواضي يالسه بروحها ملانه تباهن يونسنها شوي من ضيق المستشفى
عوشه :ان شاء الله فديتج عالساعه خمس بنيكم
ام روضه :يلا عيل الغاليه مابطول عليج

عوشه : فداعه الله
ام روضه :فداعه الرحمن الله يحفظج
وعقب ماسكرت عن عوشه سارت عند روضه
روضه :ها امايه بييون .؟
ام روضه : هيه فديتج عالساعه خمس بيوونا
روضه : ياسلام اخيرن بحصل حد يونسنيه
فبيت عوشه .. !
شويخ : هاه امايه شحال رواضي بنت خالوه علياء ؟؟
عوشه : بخير الحمدلله اتحسنت حالتها عن قبل
شويخ : الحمدلله والله اتولهنا عليها وحشتنا سوالفها
الريم : امايه نبا انسير عند رواضي فديتها اتولهت عليها
عوشه : انا ماعندي خلاف سيرن رمسن ابوكن عشان يخلينا انسير ان ماقلتله بيحشرني
شويخ والريم : ان شاء الله احين بنسيرله
وسارو عند ابوهم فالميلس
شويخ والريم : مرحبا ابويه شحالك
سالم : مرحبتين بناتي اقربن
شويخ والريم : قريب قريب
سالم : امرن فديتكن
شويخ والريم : ابــويه
سالم : لبيه
شويخ والريم : لبيت حايه ,ابويه نبا انسير عند رواضي ينت خالوه علياء فالمستشفى
سالم : برايكن سيرن عندها بس لا تتحيرن
شويخ والريم : ان شاء الله ابويه
وقبل لا يطلعن . .!
شويخ : ابويه نبا بيزات بناخذ حق رواضي هديه
الريم : هيه هيه ابويه عطنا وزيد 100 حقي ههههههه
سالم : ههههه تامرين امر يابنيتي
شويخ : اشعنه هيه بس حته انا ابا
سالم : ان شاء الله كم تبغن .؟
شويخ : اممممم اي شي ابويه المهم نشتريلها هديه محترمه
سالم : ها اندوج 1000 ولاتتحيرن ردن بسرعه
شويخ والريم : ان شاء الله ابويه
وسارن عند امهن فرحانات .. !
الريم : امايه رمسنا ابويه وقالنا سيرن
عوشه : يلا سيرن اتلبسن لين ماطالع الدريول
واتصلت عوشه حق الدريول .. !
عوشه : الوه ..هاه هارون وين انته .؟
هارون : هاه ماماه انا الحين داخل عزبه نس ساعه عقب ييجي
عوشه : انزين ماعليه بسرعه مافيه تاخير انا يريد انته ضروري الساعه 5
هارون : ان شاء الله ماماه
وعقب ماسكرت عن هارون سارت حجرتها واول ماحدرت من الباب سمعت حشره وسارت صوب حجره البنات
اطالع شوه مستوي شوه سبب هالحشره وعقب ماوصلت عندهن قالتلهن :
عوشه : بلاكم مسويات حشره جنكن يهال ؟
شويخ : امايه انا ابا اتسبح اول

الريم : لالا امايه انا ابا اتسبح اول
عوشه : الريم امايه خليها تتسبح وانتي سيري حمام رشود اخوج
الريم : اميه شوه اسبح فحمامه اغراضه هناك مابا
عوشه : ماتبين عيل اتريي
شويخ : ميته من الضحكك ههههههههههههه سيري سيري حمام اخوج
الريم : جب جب انزين سيري اتسبحي بسرعه والله عشان خاطر امايه خليتج تتسبحين قبلي
شويخ : فديت امايه انا
عوشه : يلا انزين بسرعه الحين بتي الساعه 5 وانتن ماسويتن شي
شويخ والريم : لالا امايه ماعليج الحين بنخلص
وعقب ماخلصن وتلبسن
الريم اتقول حق شويخ . .شوه رايج بتنورتي حلوه صح
شويخ : لازم بتكون حلوه لاني انا الي مختارتنها لج ههههه
الريم : ادري ههههه
وعقب شوي لانه هارون واصل ويالس يدق هرنات . .!
الريم : امايه شوه ها ادريولج حشرنا
شويخ : هيه والله صدعبنا
عوشه : انزين يلا يلا بنسير اتخرنا
وسارو وفالسياره . .
شويخ:امايه يوم بنسير المستشفى من هناك بناخذ حق رواضي هديه
الريم:هيه من هناك
عوشه:ان شاء الله
وعقب وصلو مستشفى الوصل
وفالمحل مال الهديا...
الريم:الله هاي الباقه وايد حلوه
شويخ:صدقج وايد حلوه ..امايه..امايه
عوشه:نعم
شويخ:اميه هاي الباقه حلوه؟؟
عوشه:هيه ماشاء الله غاويه
شويخ:انزين بناخذ بعد حلاوه ويا الباقه
الريم:اوكيه بس انا اللي بختارها
شويخ:انزين خذيها بس لاتاخرين
الريم:ان شاء الله
وعقب اشترو وخذو الباقه و خلو الدريول يشل الباقه..
واتصلت عوشه حق ام روضه عشان اتدليهن مكان الحجرة
ترن ترن...
ام روضه:الوه مرحبا
عوشه :مرحبتين علايه بغيت اتخبرج كم رقم الحجرة
ام روضه:ماشاء الله وصلتو نحن فالطابق الثالث حجرة رقم(7)
عوشه:يالله عيل ياينكم
ام روضه : يلا انتريياكم فداعه الله
عوشه : فداعه الله

كت ! !

شوه تتوقعون يستوي ؟
روضة بتظهر من المستشفى ولا لا . .؟
نتريا ردودكم واقتراحاتكم ^_^

.

.
:001: __DEFINE_LIKE_SHARE__

دبدووب · 11-19-2008, 04:17 PM

يسلمووووووووو على الطرح __DEFINE_LIKE_SHARE__

رواضي · 11-25-2008, 12:06 AM

والله شكل القصه حلوه

يالله نتريا تكمله القصه ..

وهذا احلى تقيم مني لج .. __DEFINE_LIKE_SHARE__

Β!Ŋ ṀẪŊŞŐЧŘ · 11-26-2008, 05:14 PM

يلاااااااااااااااااااااااااااااااااااااااااااااااا اااا نترياااااااااااااااااااااااااااااااااااااااااااااا اااااااااااااا __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
True Earn الشركة الجديدة و الصادقة 116% بعد اربعة ايام او 145% بعد عشرة ايام + عرض	محروم.كوم	منتدى أخبار المواقع والمنتديات العربية والأجنبية	0	05-17-2010 06:50 PM
ترجع الذكرى الي عام ن مضى	محروم.كوم	منتدى أخبار المواقع والمنتديات العربية والأجنبية	0	04-11-2010 12:30 PM
..{ سكة الذكرى الحزينه }..	راعي النيسان 97	شعر و خواطر	3	08-22-2009 10:55 PM
سكة الذكرى الحزينه	راعي النيسان 97	شعر و خواطر	10	08-22-2009 10:31 PM
!..(●) عسى لقياك في الجنهـ بها الاطياب فواحهـ (●) ..! ‏	™»ĞĿฮ-эḓḇậΐ°•♪	المسنجر وملحقاته , توبيكات , ماسنجر بلس , msn	17	03-13-2009 03:10 PM