توهقت بمقالبي الثجيله>< - الصفحة 2

آ۶ـشڨ ڎآڪ }›،. · 09-02-2008, 05:19 AM

~ْ مبآرڪ عليْْڪم آلشھٌر ْْ~

آول ماقريت السالفه ضحكت --{ الله يعينج والله

بس شـوـوفي قبل لا اعطيج رايي فالجل .,

سوآلف التنكيت -{ تودي دوووووومز في داهيه ., ابدي صفحه يديده وسولفي وضحكي لكن بحدود

في سوالف تودي نآآس في 60 داهيه --{ كل شي له حدـوـد

المهم نرجع لسالفتج

.,

آن كانت ربيعتج ويآج فالسكول او غيره ., حاولي ترمسينها وتفهمينها انج تسولفين وياها

وان كانت ربيعه من زمن ".. يعني بينكم عشره .." بتعرف انج من النوع "راعية مقالب" وهاي احدا مقالبج

ان مافهمت ., مع الايام بتفهم هالشي

وإذا ماقدرتي وماصارت فرصه ., ممكن اطرشين كل اللي في خاطرج في رسآله .,!ّ

وع فكرـره لغة الرسآيل --{ تعبر آكثثثثثثر وتفيد الطرف ال2 انه يفكر في كل كلمه كتبها الطرف ال1

إن شاء الله ينحل الخلآف ., اللي من بينكم وترجعـون احسن من آول

الله يوفقج

واستنى النتيجه ., _^

~ْآللھٌ يْْتِِقبل ڝيْْآمڪم ۈقيْْآمڪم ْْ~ __DEFINE_LIKE_SHARE__

أثير · 09-02-2008, 07:27 AM

المشاركة الأصلية كتبت بواسطة اعشقـ ذاكـ

~ْ مبآرڪ عليْْڪم آلشھٌر ْْ~

علينا وعليج واعانج ع طاعته.

المشاركة الأصلية كتبت بواسطة اعشقـ ذاكـ

آول ماقريت السالفه ضحكت --{ الله يعينج والله

خخ

المشاركة الأصلية كتبت بواسطة اعشقـ ذاكـ

ممكن اطرشين كل اللي في خاطرج في رسآله .,!ّ
وع فكرـره لغة الرسآيل --{ تعبر آكثثثثثثر وتفيد الطرف ال2 انه يفكر في كل كلمه كتبها الطرف ال1
إن شاء الله ينحل الخلآف ., اللي من بينكم وترجعـون احسن من آول
الله يوفقج
واستنى النتيجه ., _^
~ْآللھٌ يْْتِِقبل ڝيْْآمڪم ۈقيْْآمڪم ْْ~

والله موشينه فكرة المسجات

ان شاءالله ايصير اللي فيه الخير.

يعطيج العافيه وشكرا ع الراي. __DEFINE_LIKE_SHARE__

وزيرة الحب · 09-02-2008, 12:19 PM

السلام عليكم ورحمة الله وبركااته

اشكر تواصلج ويانا....وعرض مشكلتج في الاستراحه

اولاً: اقولج انتي غلطتي...انج سولفتي بشيء من ناحيه الكل يعرف انه شوي قوي..ليش لانه السالفه فيها ريال....

ثانياً: قبل لا تسولفين....انتي تقولين ليش هيه ما تعرفني....عشاان تسير تخبر امها...انا اقولج بعد انتي ربيعتج ما تعرفين طبعها...انها يمكن تزعل من حركتج...او تدخل حد كبير بالسالفه....

شوفي اختيه.....هيه غلطت....انها ما عرفت منج اصل السالفه...سيده خبرت امها...ويمكن البنت لها عذرها...يعني اخوج شو يباها....انا اقولج تفكير البنت...ولا تقولين اني امزح ..انا اعرفج انج تمزحين وياها..بس هيه دار في بالها مليووون شيء....ليش يعني اخو ربيعتي يسأل عني؟؟؟......هي غلطت انها سيده خبرت امها.....كان المفروض..انه البنت حتى لو خبرت امها...امها تقولها عرفي منها شو صاااير...يمكن تبون تخطبونها...عشان جيه يسأل عنج.....بس الام ما تنلام...والحريم وامهات العيال جيه تصرفهن.....وهااه شيء

طبيعي...

وانتي غلطتي انج سولفتي وما حطيتي لسوالفج حدود.......ادري بتقولين هااي ربيعتي.....بس بس انه اخوي وريال يسأل عنج.....

عليج انج تفهمين البنت رايج وانج تسولفين.....وعلى الأم ما اعتقد انها راح تتقبل اي شيء...هن جيه الامهات......

هذا رايي وتقبليه

السموووحه
__DEFINE_LIKE_SHARE__

ضــيّ · 09-02-2008, 01:28 PM

السلام عليكم
مبروك عليكم الشهر أولا .....

في البدايه ( بتفلسف شوي )
موقفج صعب شوي ...
لانه الموضوع فيه " ريال "

حاولي انج تخففين من مقالبج
و اعرفي انه مقالبج ممكن تنجلب عليج
لكن العتب مب عليج بس
على ربيعتج اللي ما تعرفج عدل

كان المفروض ما تدخل أمها في الموضوع
و خاصهً انج كنتي تسولفين
هاذي حركات يهال يعني ما تعرف تتفاهم وياج اني ؟

لازم تخبر امها و امها تسوي مشكله عوده ...؟
ربيعتج غلطت لانها كبرت موضوع ما يستاهل
و لو هيه عطتج فرصة جان فهمتيها الموضوع ....

اذا هيه وياج في الجامعه أو السكول
كلميها بينج و بينها و فهميها الموضوع
أو طرشي لها ايميل أو مسج
لانها ظنت فيج ظن السوء
و أعوذ بالله من ظن السوء لانج انظلمتي

اللهـ يهدّي ما بينكم
و انشاالله تردون شرات قبل و أحسن
بس بدوون مقااالب
خخخ
سامحيني طولت عليج
تحياتي ~ __DEFINE_LIKE_SHARE__

مغازلجي مسجون · 09-02-2008, 01:52 PM

ما شاء الله ردود الأعضاء كافيه وزياده

انتي الغلطانه وانتي تتحميلن نتيجه أغلاطج

أصلاً عيب تفتحين مثل هالسوالف سواء من باب المزح أو غيره

كل شيء في هالدنيا له حدود

والشيء إللي يزيد عن حده ينقلب ضده

حتى لو البنت تعرف أنج راعيه مقالب وسوالف

تقولين لها أخوي يسأل عنج ( ليش وين شافها عشان تقولين لها هاي الرمسه )

وين المنقود وين الحشيمه وين المستحى

البنت أمكن هالسوالف موليه ما تعجبها

وأمكن البنت تتضايق من هاي الشغلات

حسستيها أمكن إنها رخيصه

أخوي يسأل عنج ليش شو بينه وبينها

لو من الأهل بقول عااادي ومعذوره

بس حد غريب عيب الصراحه

الصراحه كلامج لها مره قوي

وأنا ما ألووم البنت يوم خبرت أمها

بالعكس إللي سويته عين الصواب

أمكن السالفه بعدين تكبر وتصير سين و جيم

أنا الصراحه أحب البنت إللي تصارح أهلها بكل شيء

وما تخش عنهم أي شيء حتى لو كانت السالفه صغيره

في أشياء الإنسان يتقبلها بروح رياضيه وفي أشياء لا

الواحد منا يراعي مشاعر وأحاسيس غيرنا

في نظري بني آدم قلبه حساس

نصيحه من أخوج مغازلجي

أول اعتذري لها بأي طريقه

وأعتذري بعد حق أمها

الأم بعد ما تحب تسمع

رمسه مب زينه على بنتها

والله إن شاء الله يساعدج لو نواياج حسنه

ومقالبج الثجيله خليها خفيفه لا تثجلين على غيرج

تقبلي ردي مجرد رأيي ولا أكثر ولا يغير من أمور الدنيا شيء

أخوج وحبيب الملاييين :: مغازلجي ::
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حذفت الاكسبلورر و ؟؟؟؟؟؟ توهقت	محروم.كوم	منتدى أخبار المواقع والمنتديات العربية والأجنبية	0	06-14-2010 03:40 AM
توهقت الصراحه بعد عملي Spirit	محروم.كوم	منتدى أخبار المواقع والمنتديات العربية والأجنبية	0	05-14-2010 06:50 PM
الطاقه البديله والمشاريع الخاصه بها والفوائد المرجوه منها	محروم.كوم	منتدى أخبار المواقع والمنتديات العربية والأجنبية	0	11-03-2009 04:10 AM
توهقت بنقل الرسائل من سوني اريكسون لـ HTC Diamond2 هل توجد طريقة ؟	محروم.كوم	منتدى أخبار المواقع والمنتديات العربية والأجنبية	0	08-01-2009 06:20 PM
توهقت مع سلك الhdmi	محروم.كوم	منتدى أخبار المواقع والمنتديات العربية والأجنبية	0	07-06-2009 04:00 AM