( صفات بنات الامارات حسب مديتنهن ) - الصفحة 7

احب نفسي ونفسي تحبني · #1 02-19-2010, 10:05 AM

**أبوظبــ والعين ــي:وهل يخفى القمر .. بنت ولا كل البنات .. شانها عالي فوق الراس .. قلبها خفوق دايم خفاق .. كرمها طاغي على الكل .. ومن كرمها الطاغي أتشوف روحها ومحياها شمس في عز الليل ساطعة بنور بارد رومانسي حلو الملامح ذباح وجتال .. آآآآآآآآآآه منها ومن عيونها الداعجة لنعاس .. قلبها صبور على من تحبه وتهواه ..

**دبــي ووووووووووه .. بكل صراحة الكل يشهد لها .. بروعتها في اناقتها ووسامتها وحلاتها في كشختها .. رزينة ومحتشمة .. قلبها وافي ورفرفة ظافي .. مغرورة هيه نعم .. لكن غرورها محبوب .. لها حضور قوي وخطير الواحد مايروم يقاومه .. بنت دبي أشهر من نار على علم ..

**الشارجة :متواضعات خجولات .. وراعيات مواقف ما تنّسي .. هيه شمعة تحترق في ظل نور حبيبها أقصد ريلها .. حلاتها تبان في شروق شمس الفجر .. طاهرة عفيفة شريفة .. قلبها ممزور حب وعطف وحنان .. عيبها أنها سموحة وايد اتسامح .. وقلبها ما يشل على حد .. ودلالها ودلعها يحللي اليلسة وياها ..

**عيمان :بنات حبوبات دلوعات ومملوحات .. وراعيات بيت .. شرقيات وغربيات في طبايعهن .. أقصد أنها متحررة في بعض الأمور المحببة عند الريال .. قلبها باب مفتوح للكرم والخير .. وهذا يبان من على ملامح ويهّا الحلو الأبيضاني القمري .. تزل الزلات والغلطات .. بس نظرة وحدة من عيونها .. تنمحي باقي الزلات ..

**أم القيوين ... أصل وفصل وشهامة ونخوة .. والعقد عليها مكتمل .. عودها مخصّر معزز ومعزّل.. ومعروفة هيه حلوة المعشر .. حلوة المظهر .. سبحان اللي خلقها وصوّر ..

**رأس الخيمة :ما يحتاي بعد أشرح وأزيد .. ترى بنات رأس الخيمة معروفات أمهات البوبر .. حلاة روحها الطيبة وحسن خلقها الباين على ويهّا الحلو .. والزواج منها خير وأبركة .. وعلاوة على ذلك .. أنها من عرب قبايل .. كلمتهم ما تنزل الأرض ..

**الفجيرة :
يازين هذيج الملامح .. والعين المجحلة جنها عين جرناس .. أغلا من الغلا كله .. كريمة وطيبة قلبها محد شراته .. وأصلها يرمس عنها .. أنها هيه وحدة ما تكرر .. واللي يحظابها .. ترى بيكون هو والخير رباعه .. والزواج منها .. شرات الزواج من خيرات لبلاد .. __DEFINE_LIKE_SHARE__