|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناالحوار والنقاش - الرأي والرأي الآخر مواضيع ساخنة , مواضيع نقاش , مواضيع جريئة , نقاش جاد يمنع المنقول والردود السطحية |
| LinkBack | أدوات الموضوع | انواع عرض الموضوع |
|
#1
| |
يا صباح \ مساء ....العطر....على كل من نور صفحتي بطلته الجميله..
اول شي انا وحده فاشله في كتابة المقدمات@! ندخل في الموضوع على طول... احب اليوم اني اتكلم عن شخصيه فريده من نوعها في الوطن العربي عامه وبدول الخليج خاصه.. هي..((الــــــدكــــــــتـــــوره فـــــــوزيـــــــة الــــدريـــــــع)).. طبعا كلنا نعرف طبيعة المواضيع الي تطرحها هالدكتوره.. البعض مؤيد لأفكارها وجرئتها.. والبعض شايف ان الدكتوره تتكلم عن اشيا المفروض ما تناقشها عالهوا وجدام الناس يعني يكون مكانها العيادات النفسيه بس.. حابه اعرف رايكم بالدكتوره وبرنامجها وطبيعة المواضيع المطروحه..سواء منها او من الاتصالات ألي اتيها عالبرنامج@! __DEFINE_LIKE_SHARE__
|
05-27-2008, 03:34 PM | رقم المشاركة : [ 2 ] |
© نبضهآ نـــآدر ♥ | السلام عليكم ورحمة الله وبركاته موضوعج حلو الصراحه... انا الصراحه من اشد المعجبات في الدكتوره فوزيه الدريع واشجعها واتمنى لها المزيد من التقدم والرقي وربي يوفقها ان شاء الله ... فوزيه الدريع مواضيعها كلها مواضيع واقعيه تتكلم عن المشاكل تسمع للناس والناس يسمعون لحلولها ... هالبرنامج مخصص للذين اكبر من 15 تقريبا فكره البرنامج حلوه لان محد ما استفاد منها انا واختى والوالده لازم نشوفها واحسها انها ما تطلع خارج الحدود واذا لزم الامر انها تطلع خارج الحدود ولزم متها تتعدى الخط الاحمر تخلي المتصل او المتصله يتركون ارقاهم فالكنترول وبعدين هي تتفاهم وياهم ... وبالعكس انا اشوف الطرفين مستفيدين الي هم الشباب والبنات لان تتكلم عن مشاكلهم وطرق حلها ... والصراحه انا اشوف برنامجها برنامج توعي للمراهقين والكبار الي في سن الرشد ... وما ظني حد شاف البرنامج ولا استفاد ... وهذي هي وجهه نظري ... وتسلمين على الموضوع الحلو ... وربي يوفقج ويحقق لج مرادج ... ونترقب يديدج يالغلا ... __DEFINE_LIKE_SHARE__ |
| |
05-27-2008, 04:32 PM | رقم المشاركة : [ 3 ] | |
عضو ماسي | حياااااااااااااااج الله بنووووته
__DEFINE_LIKE_SHARE__
وين ما تعرفين تسوين مقدمات...ما شالله عليج مبدعه في طرحج للمواضيع شوفي الغلا...بقول رايي بصراحه.......الدكتوره انسانه ما عليها كلاااام.....مثقفه وعااارفه شغلها....برنامجها يحل مشاااااااااااااااكل..ولكن؟؟؟؟ هاااي لكن ...تحتها الف مليووووووووووووووون خط...انا بقولج ليش؟؟؟ اولاً : نحن نقص على عمارنا....يوم نقول هالبرناامج ما يتابعونه اللي اقل من 15 سنه......لانه التيلفزيون ما عليه رقااابه...الاطفال الحين ...يقعدون جدااام التيلفزيون بالساعات....بدون لا حسيب ولا رقيب....يعني القناه اللي تعرض برنامج الدكتوره...مش مشفره عشاان نطمن....انه محد من هالاطفال بشوف هالشيء........ ثانياً: انا ويااااااااااااااج انه تحل مشااكل...وقضااايا....ولكن الاتصالات التي ترد للبرنااامج...اصحااابها يقولون مشاااكل فضيعه من رايي الشخصي...حتى انها ما تناسب للي سنهم 20 او 22.......اكبر عن سنهم بواااااااااااااايد....والله مشاااكل تنطرح بهالبرناااااااااااامج...انا اقدر اوصفها بانها بلاااااوي...بكل صرااحه لدرجه الواحد يفكر معقوله هذا يصير في مجتمع خليجي.......قصص تقولين من الخيال...... هل نحن ظامنين انه اطفالنا ما يشوفن ويسموعون هالكلام...وحتى اللي انا نوهت على سنهم انه بعدهم صغااار على هالشاكل اللي تنطرح....انه يمكن تفتح عيونهم على اشياااء ما يعرفونها.............. مهما كااااااااااااااان ...كنا ولا زلنا...مجتمع خليجي عدنا شيء اسمة عادات وتقاليد.......وعيب ومنقود......ما نرضي بهالكلام...والتكلم بشكل عااادي في الامور الجنسية والعلاقات المتعدده.... بكل صراااحه انا احب اسأل كل بنت...انتي لما تطالعين هالبرنامج ويااج امج.....وتنطرح مواضيع سواء جنسية او علاقات شبابيه ...او مشاكل زوجية.......ما تستحين...انج تسمعين هالكلام بحضرت امج.....مهما اان في شيء اسمة الحياااء.... في اشيااااااااااااء....تنقال.....مالها داااعي.... مثلاُ في احدى الحلقات...دقت وحده عمرها 37 سنة...متزوجه وعندها عيال...تقول انها تعيش حياة سعيده........ولكن ....قالت احب ولد ريلي............قالت الدكتورة فوزية: اوكي ما فيها شيء...ولد ريلج شرات عيالج... قالت المتصلة: لاانا احبه حب ....يعني هب جنه ولدي....احبه حب من حرمة لريال...والله قالت بهالكلام.... والمصيبه انه الولد عمره 16 سنة..................وليته كانت المشكلة على جيه ..انه صار بينهم شيء((( اعتقد الكل فاهم هيه شو تقصد))...(( السمووحه على هالكلام...ولكن هذا الواقع وهااي هيه المشكلة))) بذمتك هذا كلااام ينقال...ستري على عمرج وسكتي عشاااااااااااااان الله يستر عليج.....يعني شو هالمشكلة...شو هالانسانه....ولا وتقول: شو اسوي؟؟؟ ابا حل......... والله يا ختيه.....هي دكتوره ومثقفه وعلينا وراسنا.......ولكن لا زلنا لدينا في حياتنا خطوط حمراء.... والله مره بالغلط كنت انا واماية نطالع التيلفزيون...وحطينا برنامجها...ودخل اخويه وشافنا....والله انه حشر البيت بالحشر على هالبرنااامج.......قال هذا البرنامج يضيع البناااات.... ومن ذاك اليوم وهالبرناامج ما قد فجيته... هذاااااااااااااااااااااا رايي وبكل صراااحه السموووحه | |
| ||
05-27-2008, 05:49 PM | رقم المشاركة : [ 4 ] | |
عضو ماسي | السلام عليكم ورحمة الله وبركاتة انا كنت من متابعيها في فترات معينة بس بعدين حسيت ان من ردودها ماتوصل للعلاج او علاج المشاكل سواء من الخيانات الزوجية او مشاكل الأزواج والحريم .. لنة يوم من الأيام قالت لبنية ( سيري حق ابوج قولي له ابا اعرس) !!! بالله عليكم ها جواب ينقال ع الهوا ؟!! المفروض ها البرامج تنعرض بعد الساعه 11 فالليل او حتى 12 بسبب المواضيع الجريئة والحرجة امام المراهقين اوافق اخو وزيرة الحب ان البرنامج يضيع البنات شكرا اختي على الطرح ، وبالعكس نحن نشجع الكتابات الشخصية بدون نقل بارك الله فيج اخوكم / النعيمي __DEFINE_LIKE_SHARE__ | |
| ||
05-27-2008, 08:43 PM | رقم المشاركة : [ 5 ] | |
عضو جديد | انا مره وحده شفته حتى ماقدرت اكمل احس فشيييييييييييييييييييييييييله لا واصلن كلامها كله خريط × خريط
__DEFINE_LIKE_SHARE__
يسلمو على الطرح | |
| ||
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
فوزية سالم الصباح / حسينيات الكويت جزء من تراثها وتاريخها | محروم.كوم | منتدى أخبار المواقع والمنتديات العربية والأجنبية | 0 | 01-12-2010 02:40 AM |