|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم حبيت اليوم انزل روايتي " قلبـ[ن] سكنته كيف يقدر يخليك و روحـ[ن] تحبك كيف تحياا بدونك " و ان شاء الله تعيبكم .. ,, Bart 1 اليوم : الجمعه المكان : ف بيت يدي الوقت : الساعه خمس و نص العصر " فقير حظ و ان بغيت التفاصيل عابر سبيل و ضحكتي راس ماالي " ميثوه : ياخي مللل مريوم : واااايد ميروه : انزين قومو منطلع ميثوه : وين ؟! ميروه : مردف مريوم : بس اهلناا ما يخلوناا نطلع روحناا ميثوه : انزين ياااخي مليت من جو البيت منسير الحوي ميروه + ميثوه + مريوم بنات عم + ربيعات كلهم يسكنون ف بيت اليد ميروه / عمرها 23 تدرس فالجامعه ,, عصبيه ,, اللي فقلبهاا على لسانهاا و تحب تسوي مغالب فالنااس و تعشق و لد عمها حمود مريوم / اكبر من ميروه ب 6 شهور و تدرس فالجامعه ,, حبوبه و طيبه ميثوه / عمرها 24 تدرس فالجامعه و يا ميروه و مريوم ,, تحب الوناسه و الضحك ميروه لفت شيلتهاا لان عيال عمهاا موجودين تحت فالصاله و هم كانو ف الصاله اللي فوق : يالله مننزل ميثوه شلت فونهاا اللي كان يجرج و نزلت وياا بنات عمها ميروه و مريوم .. حموود اخو مريوم : مريووم صبيلي جااي مريوم : اوكيه عبدالله اخو ميثوه : ان شاء الله وين بتسيرون ميثوه : الحوي رشود اخو ميروه : هههههههههههه يحليلكم انتو بعدكم عالحوي ؟! ياخي غيرو ميروه : فدييييييت اخوووي اللي اليوم بيطلعناا رشود : لا حبيبتي اناا بطلع ويا ربعي مريوم : بليييز ياااخي حمود اخو مريوم : جب ماشي طلعه اليوم مريوم : اهاا حمود عبدالله : اقول متى بتسيرون عند كم سلطون ؟! رشود : اناا عن نفسي الحين عبدالله : بتسير بسيارتك و لا بتي وياي ؟! رشود : بنسير ويا بعض عبدالله : حموود و انته متى بتي حمود : عقب اشوي رشود : اوكيه عيل مع السلامه حمود : فداعة الله حمود / عمره 25 يشتغل فالجمارك ,, عصبي ,, عنيد ,, اعز ربعه عيال عمه و ربيعه " ميود " بهالوقت رن فون حمود حمود : هلاا و الله // عقب اشوي // هي // هههههههه انزين اجلب ويهك // فداعة الله حمود سار فوق " غرفته " و كم ميروه سارو صوب الحوي ميروه : ياااخي و الله قهههر مريوم : ياليتني لو كنت ولد شرات كم عبدالله ميثوه : ياليت لو عندي حرية الولد ميروه وهي متسانده على سيارة حمود : اقول بناات ,, شرايكم نركب سيارة حمود و نسوي فيه مغلب ميثوه : اللللله ونااااسه مريوم : اووكيه ميروه فتحت سيارة حمود الرنج و ركبو ف اخر سيت ( مقعد ) مريوم : متحمسه ابا اشوف ردت فعل حمود ميروه : هي و الله حتى اناا ميثوه : me 2 عقب ثلاث دقائق تقريباا ميثوه : حرررر ,, كتممه ميروه : مريوم افتحي الباب اشوي عسب يدخل الهوى مريوم : لا يمكن حمود الحين يركب السياره عقب ثواني ركب حمود سيارته وهو يرمس بالفون حمود : الحين بطلع من البيت ,, لا رشود و عبود طلعو قبلي ,, اكيد >> بهالوقت حمود طلع من البيت مريوم وهي بدت تحس بالتوتر : ايه حمود طلع من البيت ميروه بصوت واطي: مريوم سكتي حمود بيسمع صوتناا ميثوه : ياا ويلنا من حمود لو عرف انه نحن راكبين سيارته حمود وهو بعده يرمس بالفون : يالله اطلع ,, الحين بوصل بيتكم ,, انزين اترياااك عقب دقايق .. ميود ركب سيارتة حمود : السلام عليكم حمود : و عليك السلام ميود : و انته دوم تقلدني حمود : اناااا !!! [[ حمود كان لابس شرات ميود كندوره بيج و عصامه حمره بس ما كان متعمد ]] ميود : لابس شراتي حمود : ياخي تحسس مصممين الكندوره بس حقك ميود بعبط : و العصامه !!! حمود فر العصامه : عيل والله مالبس العصامه ميود : جيه اباك ما تقلدني حمود : ما شي شغل اقلدك ميود : هههههههههههه حمود : انزين سير ييب كابي ميود : ليش يااخي حمود : ابا البسه ميود: استهبل وياك اصلن شكلك بالعصامه احلى حمود : ياخي سير ييب كابي ميود : وين حاطنه حمود : ف اخر سيت ميروه وهي ميته من الخوف : ربيع حمود بيشوفناا مريوم : يا ويلناا بهالوقت رن فون ميثوه و بندته بسرعه وهي تحس انهم خلاص بينكشفون حمود : ميود رد على فونك ميود : محد يتصلي يمكن مبايلك حمود : لا مبايلي رنته غير ميود : عيل مبايل منو حمود : يمكن عبود و لا رشود نسو مبايلهم ف سيارتي عقب عشر دقايق تقريبا و صلو السنتر و حمود و ميود نزلو من السياره مريوم تعدلت ف يلستهاا : ياليتني ما سمعت كلامكم ميروه : بغيت امووت من الخوف ميثوه : شو نسوي ,, كيف نتصرف مريوم : شي حلين ,, اول حل ناخذ تكسي و نرد البيت ميروه : اولا نحن مب لابسين عبي ميثوه : و ثانيا ما يبنا ويانا بيزات حق التكسي مريوم : ممممم اوكيه الحل الثاني ننزل السنتر ميروه : مريوم شو هالغباء ,, تخيلي لو نزلناا السنتر و شافناا حمود شو منقوله مريوم : انا افضل حمود يشوفناا و لا ربيع حمود يشوفناا و نحن فالسياره و بهالحال ميثوه : خلاص احسن حل نركب تكسي مريوم : اوكيه ميروه تنهدت : موافقه ميثوه ركبت جدام و اول ما بغت تفتح الباب >> لقت (,,,,) يفتح باب السياره توقعاتكم منو اللي فتح بااب السيااره ؟! شو بتكون ردة فعل حمود و سلطون ؟! بنتظار انتقاداتكم + رايكم GoogleFacebookTwitterDigg |إعجاب التراجع عن الاعجاب __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قلبـ[ن] سكنته كيف يقدر يخليك و روحـ[ن] تحبك كيف تحياا بدونك | maharu uaq | قصص و روايات | 4 | 12-27-2013 02:11 PM |
ارض سكنبه في القصيص | محروم.كوم | منتدى أخبار المواقع والمنتديات العربية والأجنبية | 0 | 08-12-2013 10:10 AM |
أبـــــــي شخصـ(ن).....قلبـ(ن)......روحـ(ن).... | ضحية زمانـــــي | شعر و خواطر | 6 | 03-19-2012 03:43 PM |
بحبك انا بحبك ... نغمة البوم باسكال مشعلاني الجديد 2009 | محروم.كوم | منتدى أخبار المواقع والمنتديات العربية والأجنبية | 0 | 07-08-2009 10:50 AM |