احـبـــك يـااغلــــــــى وطـــــــــن....

محروم.كوم · #1 06-20-2010, 11:10 AM

السلام عليكم ورحمة الله وبركاتة ..

المملكه العربيه السعوديه

كــل عــام وكــل يــوم وكــل سـاعــه ... وكـل وقتـك يـاوطـن فــي ألــف خـيـر
مـركـب التوحـيـد مـرفــوعٍ شـراعــه ... فـــي بـحــور الـعـلـم للعـلـيـا يـسـيــر
دام ابـومـتـعـب وابـوخـالــد ذراعــــه ... محتمـيـن الــدار بالـسـيـف الشـطـيـر
راضعيـن الديـن والتـقـوى رضـاعـه ... والـنـعـم بالـحـاكـم ونــعــم الـشـويــر
نعـلـن البيـعـة لـهـم سـمـعٍ وطـاعــه ... فـــي كــتــاب الله والــهــدي الـمـنـيـر
العـهـد مـوثـوق مانخـشـى إنقطـاعـه ... مـايـشـتـت شـمـلـنـا ســافــل حـقـيــر
ولالتفتـنـا لـهــرج كـتــاب الإشـاعــه ... ولايـفـرقــنــا قـــلــــم ذاك الأجـــيــــر
هيه ياللـي تهـت عـن درب الجماعـه ... لاتـكــون لـفـكـرك الـسـلـبـي أســيــر
استمـع للشـور وأحـسـن إستمـاعـه ... فـكّــر بقـلـبـك لـجــل تـصـبـح بـصـيـر
ماخبـرنـا الـديـن إرهـــاب وبـشـاعـه ... ولاذكـر فـي منهـج الـهـادي البشـيـر
إسمـع القـرآن فـي صــوت الإذاعــه ... والــمــؤذن يــــوم نــــادى لـلإخــيــر
وأغلـق الدكـان أصـحـاب البضـاعـه ... ورددو سـبـحـانـه الــفــرد الـبـصـيــر
ومـن ولـي الأمـر بـه هيئـه مطـاعـه ... تـأمــر بـمـعـروف والمـنـكـر يـطـيــر
وبـعــد ذا كـلــه تـجـيـنـا بالـفـضـاعـه ... تـدعـي الإصـــلاح بالـفـكـر الخـطـيـر
إنـتـبـه يـاهـيــه لـلـعـمـر وضـيـاعــه ... لاتــكــون بـنـظـرتـك دايــــم ضــريــر
إنــزع الإرهـــاب والـفـكـر وقـنـاعـه ... وإغـنـم الـفـرصـه بـعــد ذاك الـنـذيـر
الشجـاعـه كــان تـفـهـم بالشـجـاعـه ... تـوبـة المخـطـي مــن الـذنـب الكبـيـر
وعش بشمس الحق بالنور وشعاعه ... وقـل معـي للخـلـق والجـمـع الغفـيـر
الـسـعــوديــه بــــــلادي يـاجـمــاعــه ... مـنـبـر الإســــلام والـخـيــر الـكـثـيـر
ياعسـاهـا كــل يـــوم وكـــل سـاعــه ... فـي أمـان وفـي تـطـور وألــف خـيـر

..

..

احبــــــــك يا أغلى وطـــــــن

لو بنسطر كتب ومؤلفات الكون كله

ولو بنكتب كل كلام الحب والمدح والاعجاب

ولو بنقدم كل الدروع والتماثيل

ما وفينا حبك يامملكتنا الغاليه ولكن هذي مجموعه من الصور والمعلومات عن دار ابو متعب وبعض الاشعار اتمنى تصف لو جزء يسير من عشقي لها.....

انا من هالأرض اللي مال عيالها .. غيرها أرض انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها

***
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

***
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود

***
قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي

سعودي وافتخر بارضي ولا ني بالفخر مغرور
الى من قيل لي وش ديرتك قلـت السعوديّـه
رفيع الراس بافعالٍ حقيقه ما تعـرف الـزور
تسطرها تواريـخ الفخـر صفحـات ورديّـه
كتبنا المجد بعد المجد سنينٍ ماضيه ودهـور
على صدر الزمن مكتوبـةٍ بحـروف ماسيّـه
لنا الماضي لنا الحاضر لنا مستقبلٍ من نـور
لنا التأثير فـي الدنيـا ببصمـاتٍ حضاريـه
من الإسلام منبعها فمنهاجـه لنـا دستـور
على درب الموحّد صـادق الأفعـال والنيّـه
ابو تركي سليل المجد نور الكون في الديجور
ومن بعده رجـال ارواحهـم للـدار مرهيّـه
توحدنا بعد كنـا ضحيـة جهلنـا والجـور
وصرنـا كلنـا اخـوه نعيـش بكـل حبيّـه
من الآمر إلى المأمور منهجنا الإخاء والشور
على درب التساوي والعدل باوضاع مرضيّـه
وقدوتنا رجالٍ لاجلنا لـو داسـوا المخطـور
يبون الدار مثل الشمس في الأكـوان مرئيـه
والى من بانوا الحسّاد واللي بفعلته ماجـور
يبان الجـد وقـت الجـد بافعـال النداويـه
لتبقى ديرتي رمز الرخاء تحيا امـن وحبـور
بفضل الله وفضل اللي رعاهـا بكـل حنيّـه
ابو متعب ابو كل الشعب في برّهـا وبحـور
اذا ناموا بقى ساهر لتبقـى الـدار محميّـه
عزيز النفس متواضع ولا يرضى بحني ظهور
ولا تقبيل يدّينـه مـن اللـي جـاه لتحيّـه
حماك الله يابلادي لتبقي حصننـا المعمـور
تعيشي لـو فنينـا كلنـا نفـدي السعوديـه

هذي صورة اكبر علم مرسوم على الصخور طبعا علم دار ابو متعب (يقع في ظهران الجنوب على مساحة ثلاثة ملاعب كرة قدم وبجهد 13 فنياً وعاملاً)

وهذي مراحل رفع اكبر علم للمملكه العربيه السعوديه والواقع في محافظة الدرعيه في ميدان الامير سلمان

وهذا منطاد ملك الانسانيه اطلقه الامير متعب بن عبدالله من ميدان الجنادريه بالرياض والذي يجوب 52 دوله بالعالم خلال عام ونصف يحمل رسالة السلام

صور لملك الانسانيه لمن يحب الاحتفاظ بها

صورة ملك الانسانيه في سن الطفوله

صورة ملك الانسانيه في احد الاحتفالات الوطنيه

ملك الانسانيه في خدمة الوطن

بعد فراق اخيه الملك فهد رحمه الله

هــذاك ابــو متـعـب رفـيـع المنـازيـل
اللـي بنـا هــام الـعـروش و صعـدهـا
ســـارن ابـاكـيـر المـثـايـل محـامـيـل
بحمولـهـا تسـعـى جـهـدهـا جـهـدهـا
مـا بدلـت عـن منقـع الطـيـب تبـديـل
ترسـي تحـت بيـت الـمـروه وتـدهـى
بيت الشرف والفضل عذب المناهيل
فـيــه الشـهـامـه سـنـهـا واعتـقـدهـا

وهذي صور لعلم المملكه تنفع تكون تواقيع يارب تعجبكم

وباذن الله يكون ختامها مسك
حبيت اقدم هديه لكل من يمر على الموضوع سوا سعودي او عاشق لسعوديه
فديت ترابهاا

وهي خريطة مفصلة توضح مناطق ومدن وقرى وهجر ووديان وجبال المملكة العربية السعودية ..

كل اللي عليك انك تضغط على المنطقة اللي تبيه وتظهر لك الخريطة

تبوك

2مدن القريات وطريف3

مدن عرعر وسكاكا

4مدن حفر الباطن ورفحا

خريطة رقم 5 مدينة الخفجي والقيصومة

خريطة رقم 6 المنطقة الشرقية

خريطة رقم 7 منطقة الرياض والصمان

خريطة رقم 8 منطقة القصيم

خريطة رقم 9 منطقة حائل

خريطة رقم 10 المدينة المنورة

خريطة رقم 11 الوجه وضبا

خريطة رقم 12 منطقة مكة المكرمة

خريطة رقم 13 مدن الطائف والباحة وبيشة

خريطة رقم 14 وادي الدواسر

خريطة رقم 15 حوطة بني تميم وجزء من شمال الربع الخالي

خريطة رقم 16 حوطة بلدة يبرين وجزء من شمال الربع الخالي

خريطة رقم 17 مركز شبيطة والجزء الشرقي من الربع الخالي

خريطة رقم 18الجزء الشرقي من الربع الخالي

خريطة رقم 19الجزء الجنوبي الشرقي من الربع الخالي

خريطة رقم 20 الخرخير وجزء من جنوب الربع الخالي

خريطة رقم 21 شرورة وجزء من جنوب الربع الخالي

خريطة رقم 22 نجران والجزء الغربي من الربع الخالي

خريطة رقم 23 مدن أبها وجازان وبلجرشي

لن اتوقف عند هذا الحد باذن الله القادم اجمل..
خالص ودي ..

__DEFINE_LIKE_SHARE__