|
اسعدني ظهور سهيل فنظمت هذه القصيدة اخواني في مكشات السلام عليكم ورحمة الله وبركاته : كثيرا من اهل الرحلات والسجات يتبادلون هذه الايام اخبار ظهور سهيل ويتباشرون بقرب أجواء السجات والرحلات البرية فتذكرت بعض رحلاتنا الماضيه واخذت اقلب صورا تذكارية لرحلات الربيع قبلل سنتين فما اجملها من رحلات وعند ما شاهدت هذه الصورة والتي سبق ان شاركت بها في خيمة الرحلات البرية احسست بقريحه الشعراء وقد استيقضت في داخلي وودت ان انطق بقصيدة تعبر عن بعض ما في خاطري هذه الصورة وهذه القصيدة وماهي الا محاولة شعرية : مد النـــــــظر لا خيّل المـــــزن مزبور ورد النـــــظر للعشـــــب من تحت ظله يازينــــــها لاوافقــــــت شقـــــــة النور من بعد ليــــــله بالمــــــطر مستــــهلة ريح النــفل في صبحــــــها فوحة عطور تبــــرى عن المســـــــقوم مليون عله و برق الشتاء سامر مع الوبل مسرور كنه يبـــــادل راعـــــي الكــــــــيف دله صوره جميــــــله عشتـها فكر وشعور ماهي مخــيلة شــاعر(ن) مضمحله مطــــبوعة بالفــــكر في خط محفور ماتنمحي لو يمــــضي العــــمر كله اردها لا شــــفت قـــــدامي دهــور اشــــوفها في داخلي خــــير حـله يالي وطاك الهم خذ مني الشور اغنـــــم مواقف في حياتك مطله البر لا اقفى القيض وانزاحت حرور واقبل سهيـــل مسـابق(ن) للاهله هو الطبــــيب اذا عجــــز كل دكتور وهو الحـــــنان لمـــن يجافيه خله اختــــار درب مجرب وزين مخبور اللي ضــــــعوف النفس ماتستدله واختار خوة طيب الفكر والشور قوله رزين ولا يجـــــي فيه زله افعـــالهم تجبر صواديف وعثور واشوارهم كل الصـــعايب تحله واذا وصلتوا لايجي منك مقصور خلك عضيد لصاحبك وسعد(ن) له كيف الخوي راعيه آمر ومامور خـدمة خوي الطيب ماهي مذله احشــام لاكابر ولا فيه مكـــبور كلن يقــوم بواجــــــــبه مايمله هذا يشب النــار ويركب قدور وهذا يصالي دلتــه فوق مله وهذا يلملم للحطب طايع الشور وهذا يجهز للمــــــــنام ومحله يومين والثالث اذا مانت مجبور خل النفوس تضيـــّــع الهم كله هذي سعـــــــاده ماتقدر بمقدور ولا تجي بالمـــــــــال دقه وجله واليا اقتنعت وشفت خذ مني الدور وانصـــح بسج الرجل لا شفت خله وصلاة ربي بالعدد غير محصور على نبـــــــــي الله في خير مله وسلامتكم يالغانمين واتمنى ان ترقى القصيدة لذائقتكم برق الشتاء |
| الساعة الآن 12:09 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir