سالفتي مع تركيب جنوط الهلل للفتك
 

السلام عليكم ورحمة الله وبركاته
مساء ـ صباح الخيرااات // وكل عام وأنتم بخير//

أنا راعي مقناص وأرض المقناص سهل وفيها وعر فما نسبني جنط 17 / والكفر الدانلوب أبدا أبدا لأنه عريض يندمر بسرعه مع البر المقاس 265 عرض والارتفاع 275

فقررت أغير الكفرات والجنوط فشار علي واحد أركب كفر هلل وكفرات صينية طبعاً الكفرات الصينية مجربينها ناجحة وكنا نطرد فيها الجرجس أرض وعره ماتقدر تمشي فيها رجلي ومع ذلك ما بنشرن معنا وسعرهن رخيص ولو ينفقع من حجر ما تتخسر فيه
طبعاً أركب الكفرات والجنوط وقت المقناص شهرين بعدين أرجع على الوكالة
الموضوع أشتريت جنوط باجيروا مستعمله مرشوشه وركبت كفرات صينية جنط 16 / 235عرض / 285أرتفاع
ونوع الكفرات صايلون
طبعا صار فيه رجه شبه قويه توقعت من الكفرات أو الجنوط

وطلعنا بعد أسبوع قلت ماهو معقول الرجه هذي أناظر بالكفرات والسيارة تمشي الكفرات تروح يمين يسار بشكل بسيط لما رجعت شديت عليها بمفتاح الكفرات حصلتها ماهي مشدودة باقي معها مجال على الإخير
أنفجت وقلت الحمد لله أني كنت أروح وأجي مشاوير والله ستر أسبوع كامل
فمن هنا أحذر اللي بيركب كفرات يتأكد بنفسه أو ياقف على العامل حتى يشد الصواميل بالمفتاح اليدوي لأن المسدس الهواه يكون فيه تنسيم أو شيء فما يشد مضبوط وهذا ما حصل معي وكم من ناس راحو بأسباب هذه المشكله والعماله غير مسؤوله

طبعا فكيت الكفرات وشديتها من جديد والمسامير سلمت والحمد لله

ولاكن الرجه خفة ولا زالت موجود وإذا ناظرت الكفرات والسيارة تمشي كأنها تتأرجه بشكل بسيط

طبعا أرتحت مع الجنوط خفيفه والكفرات أريح من الدانلوب بالمطب بكثير وهذا اللي ما توقعته كفر صيني أريح من الدانلوب سعرها 380 ريال والشاهين 630 الفرق كبير

فما أدري سبب الرجه من الجنوط أو الترصيص محتاج نسمع شوركم يالنشاما والمعذرة عن الأطااااااله