السؤال اللي تكرر مليون مره :: وش افضل كفرات ؟ السلام عليكم يا اخوان اسعار الكفرات صارت :f و بصراحه اول ما كنت اشيل هم نوع الكفرات بس بعد المقلب اللي اكلته مع كفرات مشلان للجمس الحوض قمت اتخوف من الكفرات السالفه اني شريت كفرات مشلان من تاير بلس بالدمام قبل سنتين و الحين تطلب الرحمه انا ماني معترض ان الكفرات انتهت بس المشكله هي ان الكفرات قاسيه و تنتفت مثل كفرات الشيول :( طبعاً البدايه كانت بعد سنه من التركيب الكفرات الاماميه صارت تقرص مع اللفات مع اني مو راعي تفحيط او سرعه او اي شي اظن ان مشكلتها ان صناعتها كندي رحت الوكيل اسأل عن صناعه غير الكندي قال ان مقاس 265 \ 70 \ 17 ما يجي إلا كندي :mad: المهم انا ابي كفرات نوع كويس و سعرها معقول في حدود 600 الى 700 ريال طلعاتي للبر قليل انا افكر اركب دنلوب وش رايكم فيها ؟ الهانكوك يقولون زين بس ما ادري عنه انا متخوف منه لان صناعته كوري و ما ادري كيف الامان بعد الله طبعاً البرجستون احس انتهى بعد ما صار يتصنع خارج اليابان قوديير لي تجربه معاه من زمان و كرهته حبل علي بعد مده قصيره على موتر سيدان مع اني مشتريه من الوكيل كفرات البالون مالي فيها ابداً المطلوب كفرات زي اللي تجي شد بلد |
الساعة الآن 03:15 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir