|
هذا زمانٍ فيه صاحبك ندك ..× .. ولى زمانٍ فيه تختار الاصحاب بسم الله الرحمن الرحيم السلام عليكم ورحمة الله وبركاته هذا زمانٍ فيه صاحبك ندك .. .. ولى زمانٍ فيه تختار الاصحاب يومٍ يجيك بساع ويومٍ يهدك .. .. ويومٍ يجانب مشيته مشية الداب لاهو قريب تقول هذا يودك .. .. ولاهو بعيد تقول ممشاه ماطاب واليا حصل منك الزلل مايردك .. .. يخليك لينه يباغتك بالناب ينفث وسطك وحول حولك يمدك .. .. بالسم يصلى ويصلاك منصاب مير الهوا والنفس دايم تحدك .. .. شوف الردي ومجالسات الاجناب إرغم هوا نفسك ولوهو بودك .. .. واصبر على همك وغمك والاتعاب واسجد لخالقك بفضله يمدك .. .. ولزود لا تنسى للاذكار ترحاب والصاحب الـي في كلامه يلدك .. .. خله ليومٍ في بلاويه يرتاب يحسب له الايام دايم تردك .. .. يخلف حساباته ويكويه لهاب هذي نصايح من جرحته بزندك .. .. ترمي عليه بكل قوه ولا هاب تحيتي / أبو سليمان .. |
| الساعة الآن 08:39 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir