أبغى أبكي، بس مو قادر. السلام عليكم كيف الحال إخواني وأخواتي أعضاء جوال العرب. مبدئيًا الموضوع مافيه شي مهم فقط مجرد تعبير عن مشاعري، لو مشغول تقدر تقفل الصفحة ونعتذر ع الإزعاج :) أنا عضو هنا من زماااااااان من ايام كان جوال العرب عبار عن: http://www.mobile4arab.com/vb/images...logo_white.gif وكان في جوال الباندة والعنيد في النص ع ما اعتقد. ممكن تشوفوا ان تاريخ تسجيلي كان في ٢٠٠٦ ولكن انا كان عندي عضويتين قديمتين ولكن عشن غيرت الايميل فكان لازم يتفعلوا وذاك الوقت كنت صغير فللأسف سويت عضويات جديدة وشاركت وصارت نفس الحركة الين ماثبت ع هذه العضوية. أنا اخر موضوع لية كان بـ ٢٠١٠ واللي قبله كانوا بـ٢٠٠٩ أنا الفضل بعد الله ثم صاحبي كان لجوال العرب. أنا بدأت حياتي الانترنتية منه ... وأنا عمري ٩ سنوات، ماكان في كمبيوتر في اي بيت والانترنت كان دايل اب ومييييين يطول النت في داك الوقت. الموضوع اني صاحبي ارسل لي فيديو كليب اغنية ( امي مسافرة وحعمل حفلة - تيليفوني بيرن ) وكان عليها موقع جوال العرب. وأنا ببراءة طفولتي فكرت اللي يسجلوا في الموقع يسووا فيديو كليبات زييهم :angel: وكان اول موقع ادخله في حياتي بعدما كانت حياتي عبارة عن سوليتير فقط. دخلت واتعرف ع ناس وبعدين عرفت ان عالم النت كبير وفيه منتديات ثانية حتى اني كتبت موضوع في القسم العام استأذن هل مسموح اسجل في اكثر من منتدى؟ خفت اسجل في منتدى ثاني وانطرد من جوال العرب ! كل ما افتكر الموضوع اقعد اضحك الحين دخلت وشفت اقدم مواضيعي .. والله كاااااي كنت في اعضاء كثييييير كانوا موجودين ولكن بما إني كنت اصغر واحد بالمنتدى كلهم اختفوا وصرت لوحدي .. هذا اللي خلاني اطلع من المنتدى وابطل عالم المنتديات نهائيًا لأني خسرت ناس كثييييييييير اشغلتهم الدنيا .. وانا اللي تعلقت بهم واعتبرتهم اهلي بحكم صغر سني. فكانت صدمة قوية بالنسبة لية لمن لقيتهم بيختفوا واحد ورى الثاني وبسرعة رهيبة. يعني لمن شفت بعض مواضيعي القديمة مافي الا الاخ لوف ستيلر وما افتكر ايش كان اسمه زمان عشان كذا ما افتكره حتى :) و ياسر تي بي ( كان معايا بالمسن بس ما ادري شكلي زعلته او قرفته ماصار يرد علية بعد حوالي اسبوعين من اضافتي له :) ) والاخت بنت عمها. والله من جد قلبي متضاااااااااايق وقابض زعلااان ع الأيام اللي راحت .. مع اني اعتبر لسة صغير بالسن ولسة حياتي ما بدأت ولكن ديك الايام في المنتدى عزيزة علية لدرجة لا توصف. حبيت بس اطلع اللي بقلبي واعطي تحية لأعضاء هذا المنتدى التي ستظل ذكراه مخلدة في ذاكرتي ومحبته في قلبي مدى الحياة :) أخوكم بلياتشو، في أمان الله |
الساعة الآن 09:16 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir