اسئلة ابي تفيدوني يالربع مبتدي وابي اتعلم
 

السلام عليكم ورحمة الله وبركاته
حياكم الله جميع
بصراحة متابع لذي الخيمة من زمان واحبها ويوميا ادخلها كمن مره وتعلمت اشياء جديده وحبيت الطيور والمقانيص وانا اصلا راعي بران ومقناص بنادق والصدق اني اذا الله احيانا ناوي اقني لي طير الموسم الجاي الله ييسر وعندي كم سوال ولا احد يضحك منها لاني توني عليمي وكلن مر بنفس مرحلتي والنشده ماهي عيب وبعض الاسئلة لقيت لها اجوبه في المنتدى والحمد لله لككن ذي مالقيت لها جواب

1) كيف اعرف ان الطير صفى

×2) كيف اعرف ان ×بعض الريش ماحذفها

3) وقت المقناص لاجيت ارقد اخلي الطير في الموتر آمن له ولا خليه حولي

4) لارقدت ووقت الغبار اخليه بالموتر وافتح الدريشه ولا لا وهل ينكتم لاقفلتها

5) هل فيه ادوية وفيتامينات دوريه تعطى للطير بموسم المقناص للحفاظ على صحته×
×
6) كيف اعرف مقاس البرقع المناسب

7) طريقة ربط السبوق والجرير بالوكر وكم الطول المناسب للسبوق وطريقة ربطه بالدس

8) مالافضل للطير انه يجي على الملواح خالي او على حمامه حيه او على حمامه ميته

9) الاسباب اللي تقلل من ضياع الطير

10) كيف اعرف ان الريشه موسره
وهل تتبدل الموسره بعد الربطه

11) وشي حبارى الروض

12) كيف مايطير بصيدته لاحولت له من الموتر

13) وش المكان المناسب في جسم صيدته اللي اخليه يعلف منها×

14) مالقدر المناسب من العلف للطير في موسم المقناص

15) كيف اعرف ان هالمكان حروة صيد علما باني من سكان الخبر

16 ) هل التبع هو الشاهين عند بعض الصقاقير او فيه فرق

17 ) وش الافضل كمبتدى اشتري وكري ولا شيهانه او مثلوث وهل فيه فرق بالاسعار


تحياتي لكم يالربع×