|
العشق والتحجير وقصه من المؤروث الشعبي **مــحــمد الــظـاهــري السلام عليكم ورحمه الله وبركاته اخواني ... اعضاء ومشرفين وزوار منتديات مكـــــــــــشات اهلاً ومرحباَ بكم في سالفه جميله ومن روائع قصصنا وموروثنا الشعبي لا اطيل عليكم واترككم مع السالفه واتمنى انها تحوز لكم يقولون مسولفين العرب من اول ان كانت فيه عرب من اهل شمال نجد شادين رايحين للجنوب وعقب كم يوم وصلو لمقصد المكان الي يبون والا فيه عربان واجد وهوم الي يحدرون زياده لين وصولو لهاك المكان الزين ومكان زين للصيد وموارد الماء عندهم قريبه وبعد مده نزلو عرب حولهم وصارت لهم معرفه بينهم ويختلطون في المراح وكان فيه بنت مزيونه من العرب الاوله وواحد من العرب الي توهم نازلين عشقها من كثر ما يشوفها في المسراح ويعرف اخوانها ويعرف اهل ديرتها ولكن لا بد من الفراق اعلنت قوافل بداوتهم للرحيل الى ديارهم شمال نجد والولد يعشق هاك البنت وهو الي يتبعهم لديارهم بدون محد يحس حتى البنت ما تدري ويوم وصلو وبعدها بكم يوم وهي الي يفاجئها في المراح ولكن البنت لهم ابناء عم ومن اول البيت تنصفط لولد عمها وهو اولا منه فيها من الغريب ولد عم البنت عرف ان الولد يعشق بنت عمه وقام يحاقره الولد ويوم من الايام الولد راح يتمشا وهو يجلس على هاك جال الحصاة وولد عم البنت يتبعه من غير ما يدري ويبي يذبحه وهو الي يمشي شوي شوي ويثور البندق من وراه وقام الولد يتذكر عشيقته وولد عمها ومشاكله معه وهو الي يقصد وما يدي عن ولد عم البنت وراه ويبي يذبحه ويقول القلـب حـن بيـن الاضـلاع يعـزل **والعيـن جاز لهـا البكـا منعناهـا على الـذي عينـه كما عيـن معـزل**لا شافـت الرمـاي جـا منوراهـا عسـاك يا قلـب العنـا عنه تجـزل**أجزال دلـون يـوم يجـزل رشاهـا لو كـان في بسـرة القلـب منـزل**مـا تنرجـا وحبـال فالـح وراهـا وهو الي دموعه تنزل من الحزن وشوي ولا راس البندق على رقبة الولد وقاله احلف انك ما تدريت عني قال ما دريت عنك يا فلان وحلف ولد عم البنت انه ما عاد يبيها وقال خذلها انت الي تبيها وتصاحبو ورجع الولد لديرته ولم لهم عربان وتقدمو للبنت اخواني اعتذر لكم اذا حصل اي تقصير هاذا ما قراة عنه في سالفه ابن حيا وفي روايات كثيره حول احداث القصه ومسميات كثيره جداً ويقال بعض الروات انها من اهل الشام وهاذا ليس صحيح اعذروني على الاطاله وانتظروني في سالفه قادمه ان شالله وتقبلو تحيات مـــــــــحــبكم مــــــــــحــمد الـــظــاهـــــري |
| الساعة الآن 01:51 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir