|
:: لين متى بنتم احنا الاماراتيين نشوه عادات وتقاليد بلدنا!! :: مهم جدا الســـ ـ ـ ـلام عليــ ـ ـكمـ ورحمــة الله وبركااااااااتهـ شحالكم شخباركم عساكم بخير!! اول مره اشاارككم بمواضيعي في هالاقسم ...^_^ علومكم وتاريخكم ورياضياتكم وكل موادكم .. عساكم راسبين هههه قصد طيبين المهم ندخل في صلب الموضوع موضوعي يرمس عن الفيديو كليب واثارها السلبيه في مجتمعنا هالايام ما شاء الله كل يوم نشوف فنان يديد طالع واغلبهم اصواتهم ماتساعدهم انهم يكونون مغنيين مادري منو اللي قاص عليهم وقايلهم اصواتكم حلوه ليش ماتغنون وطبعا المغني دامه يبا يشتهر لازم يصور اغنيه ولا اغنيتين بطريقة الفيديو كليب اوكي ماقلناا لا كل مغني يبا يشتهر بس عاد هني STOP شي خط احمر مب لازم تتعداه !!! مثلا في اغنية ميحد_ياطير او اللؤلؤه ... واغنية هزاع اليديده مصورينها على انها تراث اماراتي اباا اعرف هل الفيديو كليب هذا صدق يرمز للتراث الاماراتي؟ معقوله قبل كانوا البنات بدون شيله وعبا ويتمشن برا في السكيك بين الشباب ويضحكون لهم ؟! ومعقوله كانت البنيه قبل تيلس مع الولد وهي متمكيجه وشعرهاا برا ؟! هل هذا هو تراث الامارات ؟! الجواب لا انزين احنا اخترانا هالاغنيتين لانهم يصورون تراث الامارات بس للاسف ماتوفقوا في التصوير شي اغاني ثانيه شرات اغنية محمد احمد_يابعدي ... فرق دبي والمقابيل الحربيه ... الوسمي_مشتاق لي واغنيه خليفة البلوشي اليديده اللي اعتبرهاا قمه في المصخره والوقاحه طبعا اللي قلتهم قبل يصورون البنت الاماراتيه انها تطلع مع ربيعهاا بروحهاا وبدون شيله واللي يصورها اونها بدويه في البر وتتمشى جدام الرياييل ولابسه ثوب وذهب ومادري شو من هالخرابيط الحينه البداوه كانوا يخلون بناتهم يظهرن جدام الرياييل بهالطريقة شرات اللي في اغنيه مشتاق لي للوسمي ؟! الجواب اتركه لكم اناا المهم نرجع لاغنية خليفة البلوشي والفيديو كليب المصخره والوقح يعني قلنا نصور فيديو كليب بايخ بس مب بهالطريقة عاااد!!! اونه الفيديو كليب يرمس عن واحد كان يحب وحده بس اظني خانته او هو تركهاا وعقب كان يبا يسوي فها حركه بايخه جان يظهرهاا معاه في السياره ويسير صوب ربعه والبنيه تترياه واونه يرمس ربعه عن ربيعته ومادري شوو المهم ونشوف بعد واحد شيبه ريل في الدنيا وريل في القبر اونه ماسك ورد جوري ويالس عند انخله اونه يتذكر ايام اول ويتم يصيح جنه مراهق عمره 18 سنه عسب انه تذكر ربيعته!!! المهم خلاصة القول انه ليش احناا كاماراتيين نصور فيديو كليباتنا بهالطريقة اللي تشوه صورتنا جدام العالم العربي ؟ الحينه اللي يشوف هـ الأغاني بيقول اكيد هاييلا تراثهم وعاداتهم جيه ؟ والقهر من كل هذا ان المخرجين اماراتيين والحينه اكثر الاغاني من اخراج نهله الفهد, فاطمه محمد ... بعد في كم وحده و وااحــد نسيت اساميييهم .. خويتكمـ ..~ هبله وتستهبــل ..ّ |
اصلأأً .. فالمــده زادت هالمصخره .. بس الظاهر مجتمعنا عايبنه هالشي .. وين ايــام قبل .. الله يخليج يعني لو اتكلمنا .. تعرفين شو بيردون علينا .. هذا طلب الناس .. اي طلب الناس .. حتى لو كان طلب الناس .. شو انته اللي تغني .. او انتي اللي تغنين .. شو جنسيتكم او شو يسمونكم .. (( الفنان الاماراتي ......... )) يعني اماراتي .. احترم بلادك .. واحترم مجتمعك وعاداته وتقاليده .. بس وين .. ما اظني تنفع وياهم هالرمسه .. والسموحه منج .. وربي يحفظج .. |
اقتباس:
محــد عايبنه هـ الشــي .. اصلا هب منتبهيين لـ استهباال المغنيين همهم الكلمااتـ واللحن .. (( والاماارااتـ اكبـــر من هـ المغنيين )) بس ما انقوول االا الله يكون في عونــا .. ويعقل هالمغنيين والقهر انه المخرجاات امارتياات .. وتسلميين الغاليه على مروورج الغااوي .. انورتي وشرفتي موضووعنــا .. وشرفينــا دووم ..^_^ |
صـدقتي الغلا في كل كلمهــ قلتيهـــاا... ولاازم تتـحرك الرقاابـهــ وتسوي شي... تــسلمين الغلا على الطرح... ولا تحرميناا من يديدج.. |
انا ما اعتبر هذيلا اماراتيين اصلا لان الإماراتي الأصيل لايمكن يرضى ايشوه سمعته وسمعة اهله وبلاده الله ايكون في العون بس وتسلمين الغالية عالطرح واغنية خليفة البلوشي انا من يومين جايفتنها وانصدمت الصراحه بس باجي الإغاني ما اعرف عنهن شي لاني الصراحه مب من النوع اللي اتابع تلفزيون ولا اجوف كليبات والله ايكون في العون ان شاءالله |
| الساعة الآن 04:15 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir