|
جار الزمــــــــان ونور عينــــــــــي علي جــــــــار السلام عليكم ورحمة الله وبركاته حيالله العرب هذا الإسبوع موضوعي يتحدث عن ( الأعراس الإماراتية) هو مجرد رصد مواقف ، واتمنى محد يزعل مني لأني ارمس عن اللي اشوفه واسمعه ( وايد من ربعي ) :D الموقف الأول قبل العرس تزهب العروس حق العرس ، وتسير تفصل لها فستان ماشاء الله عند بعض المصممين -( الإستغلالييين).. سواء ( مصممين وافدين - ام مواطنات) يعني انا مابرمس عن الوافدين ع سبة اني شفت بعض المصممات ماشاء الله اسعار داقة السما... المهم ارقام خياليه الفساتين 20 - 40 -60 الف :confused::confused: حق ساعتين ومع السلامة :confused: يعني حط لك عليها سعر شوية بتشتري لك دراجه ولا موتر يديد من وكاله :mad: الموقف الثاني يدخل العريس صالة العرس ، ويشوف حرمته .. تخيل كيف شكل الحرمه ..و للأسف ان الجثيييييييير من البنات ليلة العرس (يتحسبن كثر الصبغ) من اساسيات الجمال .. ولا انا منصدم من شي ، يقول لي واحد من الربع في عرسة يقول لي دشيت انا والحرمه الغرفة ويالس اتأمل فيها ولا اشوف رمووش ها الطول يقول لي تركيب تركيييب ياررريااااااااااال وهذا غير وصلات الشعر ... شوفوا الصورة http://www.deeiaar.org/uppicdir/uploads/c4a6b075a9.jpg :confused::confused::confused::confused: نصيحه للبنات .. لازعلون مني وانا اخوكم ، صراحه الريال يحب البنت ع طبيعتها بدون تصنع او مبالغه ، يعني زينة البنت اشوه تحط شويه من ( الجحال) ووشوية الوان على عيونها هب بهالصورة اللي نحن نشوفها .. الموقف الثالث .. القاعااااااااات تدخل القاعة تحس نفسك داخل فالعصر الأسطوري ومن الطبقة الأرستقراطية مااشاء الله اسراآآآآآآآآآآآآآآآآآآآآآآآآآآف حـــــــدة وشي ناس محتاية هالدراهم ، ماعرف حق شو ها الإسراف ( على ايام حملة دبي للعطاء ، تبرع مواطن اماراتي بتكاليف عرسة للحمله!) هاا غير النقوط طبعا !! وطبعا نادرا مانشوف هالأمثله وانا ماقول لكم لاتسون عرس ،لا بس الإقتصاد واجب .. وربنا عطاك ها النعمه هب ع سبة تستوي بطران وتقزرها يمين ويسار..الخ. يعني بصراحه ان سويت عرس قيمتة 200 الف العرب بترمسسسسس وان سويت العرس بتكلفة 20 الف بعدها الناس بترمس الموقف الرابع فرق الغناء الا تتشرط الإخت يب لي الفرقة الفلانية ولا المطرب الفلاني ولا المطربة الفلانية ( وتعال شوف اسعارهم ) بس ع سبة الناس تقول ( هيه شفتوا عرس فلان يايبييين المطرب الــ.................!!) :mad: - - - مواقف مختلفة واللي عنده زياده او مداخله ياليت يفيدنا في ها الشي0 0 اخوكم / النعيمي |
بسم الله الرحمن الرحيم وعليك الســــــــــــــــــلام والرحمه هلا أخوي النعيمــــــــــــــي تسلم ع الطرح يالطيب^^ بخصوووص المقف الاول وعشان الفستان الاجـــــــــــــــــار موجود ومتوفر والسعر معقول وطبعن لي تحكم عقلها ما بتفصل فستان والقناعه زينه بعد الموقف الثاني المكياج صار شي اسااسي هالايام بس هب لدرجه تركيب هالرموش بس تستخدمه عشان تظهر ملامحها أو تبرز ملامحها بشكل أحلى بس صدقت ع هالرموش واسمحلي خويك هذا عيب عليه يرمس عن انسانه اصبحت جزء منه جدام ربعه لو شاف منها ما يكره ينبها بينه وبينها والسموحه منك الموقف الثالث لو ما عدلوا الكوش والقاعات راحوا من رمست العرب بس بعد هب لدرجة التبذير زياده عن اللزووم الموقف الرابع الفرق الغنائيه وغيره هذا الشي يكون ما بين اهل العرووس والمعرس وكل شي بالتفاهم والاقتناع زين يعني هب شرط يسويلهم شي هب فووق طاقته سلمت يمناكــــــــــــــــــــ يالنعيمي وما قصرت ^^ تقبل مروري أخووك حرف |
امممممم ... ماعندي تعليق ... لان هالحقيقة ... |
عليييييك السلام والرحمه الصرااااااااااحه كل اللي ذكرته صحيح 100% وما شي اعتراض عليييه لأنها الحقيقه بالنسبه للموقف الأول هذا يسموونه بطره وعوار قلب الوحده لااازم تفصل شي مناسب وحلووو وهب غالي وصدقت الفساتين تتفصل هالأيام بسعر خيالي كنك بتفصل مووتر.. الموقف الثاني هذي عاااد يا خووويه لا ترمس عنها شو تبى الحرمه تكووون غبره والحين الصوالين كلها تسوي نفس الشي وخل عنك الريال يمووت ع الحرمه اللي تسوي مكياااج شرات هذي ههههههههه^_* ولازم تقابل ريلها وهي بكامل زينتها صح ولا.. الوقف الثالث والرابع صحييييييييييييييييييييييح وانا وياك في كل شي بطره على كيييييف كيفك لييييييييييش ما اعرف الله يستر ع اليميع.. سلمت يا خووويه ع الطرح الغاوي تقبل مروري وحيااااااااك الله.. |
بسم الله الرحمن الرحيم وعليك السلام والرحمة اخوي النعيمي تسلم الغالي ع الطرح الرائع بخصوص الموضوع فهو 100% وان معاك في كل الي قلتة والسمووووووووووووحة^_^ |
http://alfrasha.maktoob.com/images/s...fwa%20(12).gif عليك السلام ورحمة الله مرحبااا السااااااااع اخويه النعيمي الي ذكرته طولي بعمرك مايقتصر ع الأعراس الإماراتية هسوالف بكل مكان وبلأخص دول الخليج .. في بنات تفكيرهم سطحي مايخصهاا من وين المعرس بيصرف واذا كانت امكانياته تسمح أو لا المهم النااااااس ترمس عن عرسهاا وفي تنافس غير عادي بين البنات بهلخصوص .. بس في بنات مشا الله عليهم عقلهم يوزن بلد كل شي عندهم بالمعقول تسلم اخويه النعيمي ع الطرح دومك متميز بمواضيعك يعطيك العافية وعساك ع القوووة نرقب الزوود منك http://alfrasha.maktoob.com/images/s...fwa%20(12).gif |
وعليكم السلام والرحمهـ .. حياالله بمواضيعك المتميزه دايما.. ^^ .... العرس .. بالنسبه للريال عوار راس وبالنسبه للحرمه حلم حياتها ... ^^ وماقول غير الله يعينكم يالرياييل.. ^^" .... ع طاري فستان العرس.. انا من صوبي مابعق اللوم على المصممين بالعكس ع البنات اللي راضيات بأي سعر خيالي يحطه المصمم .. تدخل البنت ع المصمم وايلس يتفلسف عليها ويرمس ويخرط واخر شي يقول كل هيدا ب 50 الف درهم وعاد هيه مب مصدقه وتوافقه ع السعر عنبوو هب فستان سياره ^^" وشي ثاني عشان تخق وتقول فستاني خذته بالسعر الفلاني..!! ومنو الضحيه .. اكيد الريال.. لازم العروس تكون اقتصاديه وتفكر لبعدين .. بعض العرايس يفصلن الفستان ويلبسنه لبسه وحده وخلاف ترده للمصصم ياجره .. وتدفع فيه مبلغ بسيط..^^ بالنسبه للبارت الثاني.. ليش بس الرموش .. !! على قولت عميه .. الرموش والشعر والاظافر غدت العروس من فوق لتحت اصطناعيه .. ^^" عادي تعونا ع هالشي .. بالنسبه للبارت الثالث.. صراحه نسبه كبيره يدينوون من البنوك بس عشان ياجروون قاعه فخمه وكوشه فخمه وفرقه معروفه.. !! ياخي ليش هالخساير الا هي ليله وحده وترووح.. لازم العروس تفكر في ريلها لان حرام هو اللي بيدفع ثمن هالخساير فالنهايه.. العرس كلما كان بسيط وناعم بركته تعم ع الاثنين وربنا يوفقهم.. ودامت دياركم عامره بالافراح والمسرات.. |
بصرآحه الموقف الثاني بالقوو محرج ,, الموقف الاول : مثل مايقولون عن يوم العرس (ليله فالعمر) الوحده تبغي تطلع كشخه ,, وغير عن الكل ,, مب سالفه فلانه وعلانه برمسن عنها ,, لا لأنه العروس تكون فرحتها في ذاكـ اليوم >> غير بس إذا بترمس عن الاسعآآآر , , مافي وحده شغلها راقي وعدل ,, مب سعرهآ ضارب السما ولو فيه محد بيقول لا ,, بس الاسعآآآر هيه هيه ماتتغير وإذا تتغير ترتفع لفوق ان كآن لمصممين لبنانييين ولاحتى المواطنآآآت !! شــو الحل ...؟! مع العلم انه اللي آسعارهم في ال 20 آلف نآآآآدر ماتلاقيه راقي ,,وان لقيت آعطيك اللي تبآآآآآه ^^ الموقف الثآني : هآآآي حالتها حاله ,, تحطلكـ رموش هالطول ولا حتى وصله مع احترامي ألها مب واثقه في عمرهآآآ ,, وكله يدخل إطآآآر الحرآآم بس الميك آب اللي ترمس عنه وتقول الواحد يحب حرمته ع طبيعتها هذا بعد العرس لا تتعدل وخلها ع طبيعتها مثل مايحب هوووو بس يوم العرس آكييييييييد بتحط ,, ولا ليش العدله والعررس والفستآن خذهآآ بثيآآبها =) بس بعد في المكيآآج اللي يغير الملامح ,, وفي ال2 وهذا يفرق عن هذا ^^ الموقف الثآلث: يآآخي الله يعين آهل اللي بتآخذهآآ ,, آكيد القآعه بتكون مرتبه ولا ازيدك من الشعر بيت في مصممين حق القاعات وحق ال دي جي والاضاءه لو مايبتهم عرسك ولا شي ,, وبعدين برد اقولك القاعه حلاتهاااا بشكلهآآآ ,, الوسع ,, الاضآآءه .........الخ الله يكون في عونك ع ردي ^^ الموقف الرابع : مب شرط فرقه ولا مغنيه فلانيه ولا حتى فلان بس حتى عند الريآآييييييل يبووون الفرقه الفلانيه والفنان فلاااااااااان هذا بصرآآحه لا تعليق عليه ,, مب شرط فرقه ,, المهم آخووووووويه ,, حطيت ع البنآآآت حطه من الخاطر<< بالحـــ ل ^^ كل مره آكون في صوبكـ من نآحيه المواضيع اللي تطرحهآآ بس هالمره عكست الموجه ~اختلآآآف الرآي لا يفسد للود قضيه ~ تقبل رآيي ,, وتسلم ع الموضوع ربي يعطيكـ العافيه |
الصرااااااحه كل اللي قلته صدق وماا عندي تعليق .................... |
:)السلام عليكم و رحمة الله و بركاته الصراحه يا اخويه موضوع الي طرحته المشكلة كبيره يعانون منها الشباب و كل الكلام الي قلته يا اخويه حاصل في هاذي الايام و الله يعين الشباب و البنوك فاجه حلجه و يعطيك الف عافيه:) |
اقتباس:
مرحبا مرحبا بخوية حرف الذهب هلااا الغالي يطولي بعمرك خلني اعقب على الجمله .. انا ارمس عن ربيعي في عرسة ( ماذكرت اسم الحرمه) وبعدين ربيعي هذا نحن متربين رباعه وطول الوقت مع بعض وان اطولي بعمرك مخزن اسرارة وهو طبعا منصدم من اللي استوى لأنه اول مره يشوف ها الشي وحتى انا اول مرة اسمع بها الشي :confused: وصدق بتخبل يوم بشوف ها الشي :confused: والله يعطيك العافيه الغالي على المداخلة والنصايح الطيبه 0 0 تقبل تحيات 0 0 اخوك / النعيمي |
وعليكم السلام ورحمة الله وبركاته.. اول يا اخوي...هذا شي الحين وااايد صارت عادى....بس بصراحه انا ما احب هذا الاشياء...بس اذا شخص عنده يسوي...و يفرح...بس هب زياده عن لوزوم....بس كلام كلها تيي ع الاهل العروس و العريس....هم لى يبون هذا شي.... مشكور اخوي ع الموضوع...^^ |
اقتباس:
تسلمين اختيه على المرور الكريم 0 0 اخوكم / النعيمي |
اقتباس:
مرحبا بختيه نظررررررة بصراحه انا وياج تكون بكامل زينتها بس هب بهالأسلوب استغفر الله ( الشي اللي يزيد عن حده ينجلب ضده ) الواحد لازم يقتنع بعدين شو الهدف من المكياج ؟!! الهدف تظهر ملامحها شوية الحرمه ع سبة التصوير وتظهر بهيبة ، هب تغير شكلها وتمسخ نفسها جنها الا مسوية عمليات تجميل في ويها ههههههههههههههههه 0 0 الله يعطيج العافيه ع ردودج الطيبه ومشكورة ع التواجد 0 0 اخوكم / النعيمي |
اقتباس:
ربي يسلمك الغالي شرف لي تواجدك منوووور 0 0 ربي لايحرمنا طلتك الطيبه 0 0 اخوك / النعيمي |
اقتباس:
حيييييية ربي يسلمج اختيه سلمى .. نتمنى تقليص هاي الظاهره في جميع دول الخليج العربي لما لها من آثار سلبية ( اسراف وتبذير) اموال الناس مشكورة ع المرور الكريم ودمت متألقة دائما 0 0 اخوكم / النعيمي |
اقتباس:
حييييييه ، مرحبا الساع والله صدقتي اختي الله يعين الرياييل .. وربيه يثبت عقل الحريم لأن الغاية من الزواج هي الإشهار وليست ( المخاسير) ههههههههههههههههههههههه حيث ان حريم الحين غيييييييييييييييييييير بواااااااااااايد عن قبل قبل الحرمة تخاف من الزمن وتولف البيزات ، الحينه مصدر للخساير والتبذير الله يرحم حريم اول ولو انه لحينه شي بنات وايدات فيهن الخير وربي يهدي اليميع 0 0 تقبلي تحياتي، وتسلمين على تحليل المواقف بطرق موضوعية:D 0 0 اخوكم / النعيمي |
اقتباس:
ربي يسلمج اختي ، وبالعكس انا مستانس وهب شرط اللي يدخل موضوعي يوافقني في الراي ! كل واحد وله رايه ، واللي يشوفه .. بس بالنسبة للفستان ، في حد من الخوات والإخوان ذكر عن اجارات الفساتين مايخصة في ناس ماتروم ع ها الأسعار واكيد في مصممين موب شرط عالميين او معروفين يخيطون بها الأسعاآآآآآآآآآآآآآآآر! نفس السالفة بتكون مع تجهيز القاعات ( عنبر اخو بلال ) خخخخخخ انا رافض لهاي المبدا طبعا لآن ماهمني رمسة العرب (والله فلان ياب فرقة ولا مطب في عرسة ) بس انا استغرب يعني ( اهدار المال) يعني خبريني اجمالي العرس كم يدفع المعرس ؟!! ( تجهيز العروس والقاعة والإضاءة وهذا غير التصوير والفااااله والاكل وبشاكير وخدمات وتأجير سيارة كشخة ، مطرب ولا فرقة ووووووو) ؟؟؟ وكله ع سبة 3 او 4 ساعات ومع السلامه وابصم بالعشرة لو مسوين عرس بـ مليون ولا عرس ب 30 الف الناس بتعايب عليه ولا بتحصل اي شي وتيلس تعايب عليه 0 0 0 وتسلمين اختيه ع المرور ، وان شاء الله نشوفج في كل مواضيعي ومواضيع القسم 0 0 اخوكم / النعيمي |
اقتباس:
تسلمين اختيه ع التجاوب والمرور 0 0 اخوكم / النعيمي |
اقتباس:
وعليك السلام ورحمة الله وبركاته بو اليازي ، صدقت في البنوك ، الحينه وايدين م الشباب مديونين ع سبة البنوك ، وماشاء الله تسهيلات ولا افضل عن جذه بس يوم اتي اتسدد ...........!!! الله يعين ياريـــال ويفج ضيجة الشباب من سوالف البنوك .. 0 0 تسلم ع المرور الغالي 0 0 اخوكم / النعيمي |
وعليكم السلام ورحمه الله وبركاته تسلم اخوي على الموضوع طر وماشاء الله مواضيك حلو تستاهل نقاش ^^ الموقف الاول لازم الحرمه اتراعي ريلها وثانيا حتى لو ريلها عنده بيزات ويقدر مالازم اتخسره واتفصل غالي ( مرات غالي يكون مب شي والعادي احلى ) الموقف الثاني لازم الحرمه اتكون غير شكلها لانه هاي ليله العمر ولازم اتكون حلوه وشكلها يكون غير الموقف الثالث سالفه القاعه ليش بعد بطره وليش اتخسر ريلها عسب كم ساعه وعقب يلا باي شوهالمصخر بدال القاعه احسن ليها اتسوي في البيزات خير او انها اتسافر كم اسبوع بدال القاعد ليله وحده الموقف الرابع ليش بعد مغني او مغنيه احسه مالي داعي ( احس العرس يكون ما حلو الفرقه احلى) وعلى الفرقه اذا ريال مايقدر مالازم اتخصره وسوري طولت عليكم اختك الصغنونه ...... خرباشوه |
وعليكم السلام ورحمه الله وبركاتهـ مرحباااا ملاآآيين فذمتيهـ ولا يسدن الخوي ^_^ >>>> بعلق على كل موقف .. يالله بستلم المايك الووو الووو ههههههه .. --[ الموقف الأول ]--- انا وياك ف الي قلتهـ .. ها يعتبر تبذير واصرااف .. خذي لج فستااان اوكيك وشكله اوكيك هب لازم انه الفستااان بروحه فيه عرس غير عن عرسج خخ خخخ .. وبعدين الوحده تقدر ضروف ريلها .. ودااري عليه .. وهب لازم اشتري الغالي .. حتى لو ما عندي .. لو عندك اوكيك لكن لو ما عندك .. ( مد ريولك على قد لحافكـ ) .. --[ الموقف الثاني ]--- ههههه .. انا وياك ف نقطه الرمووش .. والله مادري شو الحكم بالضبط .. بس احسه يغير من خلق الله .. !! وبعدين الوحده الي واثقه من نفسها ومن جمالها تميز عمرها بجاملها الاصلي المكيااج الا يخرب الويه .. شو تتحرونه صح يخليج حلووهـ .. بس ما شىء احلى من البسااطه ف كل شىء .. هب الدفااشه جنج مهرج خخ خ بس ف ليله العمر .. العرووس لازم تكون شويه مميزه عن الكل .. عسب جذيه تلقااهم يتعدلووون ويتزيوون بشكل مباالغ فيه .. بس بعد هاليوم تلقااها عادي .. وتحطي شىء خفيف ^.^ ---[ الموقف الثالث ]--- هيه صحيح كلامك الخوي .. لانه كل وحده تقولي ف عرسي يتشوفون العجب .. وما تحاتي الفقير الي بيدفع من جيبه .. والديوون الي بتتراكم عليهم بعد العرس نحن شو باغيين من الدنيياا .. ها كله ما بيدخل ويانا قبورنا !! والواحد ما يسوي الشىء لإرضااء الناس .. اول شىء يرضي ربه ونفسه وبعدين الناااس .. الواحد يكون مقتدر ويسوي الي يقدر عليه وبس .. والي تصرف وتتشرط على ريلها .. تراه الي بيتسلف وجذيه .. وعقب العرس هيه الي يتتغربل وياه خخخ خ .. هب مكلفه تفقره ههههه .. ---[ الموقف الرابع ]--- والله يا خوي بقولك شىء .. الواحد يوم يبغي يعرس لازم يبدي وي ربه .. هب وي الشيطاان .. يعني هاي الي ييبون رقاصات .. ومطربين .. وفرق وغيره شو يتحرون عمارهم سوو خير .. بالعكس .. نحن كلنا نعرف انه الغناااا بشكل عام حراام .. ف الي بيسوي هالشغلات يوم العرس كانه بداا بدايته وي الشيطااان .. والمفروض يبدي صح عسب ينتهي صح .. مشكور اخويه على موضوعكــ الغاويـــ .. لاهنت ولا انهان قدرك الطيب .. موضوعك ما شاء الله واقعي .. وانا ما قصرت اتفلسفت ع الآخر خخ خخخ خخ تحملني عاد .. نتريا يديدكــ .. الخوي .. دمــــــــت بحفظ اللــــــــهـ ورعااايتهـ ...!! والسموحهـ ع القصور .. !!:) |
مشكور اخوي على الصراحه |
اقتباس:
الله يسلمج اختيه خرباشوة ماشاء الله على ردج عقلج كبير وموزون ، انتي وبقية خواتي طبعا البنات وخواني الشبيبة ربيه يحفظكم كلكم من العين .. الحمد الله ان في بنات واعيات لمثل ها السوالف لأن الزواج في النهاية تكوين عائلة وليست مظاهر وياناس تعالوا شوفوا 0 0 تقبلي تحياتي اخوج / النعيمي |
اقتباس:
وعليج السلام يختيه شحالج خالوه ؟!! ماشاء الله تبارك الرحمن ، مفصلة المواقف تفصيل .. لااله الا الله ، والنعم من ربااج .. يقول الله تعالى (وآت ذا القربى حقه والمسكين وابن السبيل ولا تبذر تبذيرا، إن المبذرين كانوا إخوان الشياطين وكان الشيطان لربه كفورا ) . وقال: ( ولا تجعل يدك مغلولة إلى عنقك ولا تبسطها كل البسط فتقعد ملوما محسورا ) . وقال تعالى : (ثُمَّ لَتُسْأَلُنَّ يَوْمَئِذٍ عَنِ النَّعِيمِ ) والنعيمُ المسؤول عنه نوعان: نَوْعٌ أُخِذَ مِنْ حِلِّهِ، وصُرِفَ في حَقِّهِ، فيسألنا عن شكره، ونوع أُخِذَ بَغير حِله، وصُرِفَ في غير حقِّهِ، فيسألنا عن مستخرجه ومصرفه. قال سيدنا معاوية رضي الله عنه : "ما رأيتُ تبذيراً إلا وإلى جانبه حقٌ مُضَيَّعٌ". لا بد ان نعي هذه الأشياء لأني متأكد ان الغالبية ( غافله عن ها الموضوع) 0 0 تسلمين وماقصرتي ياختي الصغيره 0 0 اخوج العود النعيمــــي |
تسلم يالنعيمي |
اقتباس:
العفو الغالي .. منور الموضوع وربي 0 0 تسلم على التواصل |
[]بسم الله الرحمن الرحييم ... [/B]سلام علييك الشييخ .. شحالك ...عساك بخير .. مدييم ...[/color] الموقف الأول الله يسلمك ..يمكن انا بنت فا بعارضك شويه هههههه هل العرس يوم وااحد بيكون في حياتناا كلهاا وما ينقاعد ومن بعد كل شىء بيتغيير ...كم يوم يالسناا نتحلم به .هههههه ..ما تفرق الفستان 60 او 70 المهم شى ارتاحله شى يكمل فرحتيه ... بعدين الحين شباب الي مكملين جامعات ما شالله معاااشهم بروحهم 100 ولا 200 الف ... والي مب قد العرس لايعرس يمع فلوس وعقب يصيير خيير " انانيه " هههههههههه;) بس صدق بذمتك هل عرس مره وحده ما بينقااعد بيكون اسعد يوم في حيااتي واسعد يوم حق العائلتيين ...وحزن في نفس الوقت .. عقبه كل شى بيتغر في حياتنا بيتنا وجودناا مكان الي بنعيش فيه .. ايام خواتي وامايه وهل سوالف ما شىء ......مستكثرين هل فلوس عليناا حراام ... الموقف الثاني العروس لازم تحط بكياج في هل يوم العروس مكياجهاا هادي احلا يكون ... بس صدق يركبون رموش ..وجيه بس شعر .. اصلن حراام .... الحين ما فيه حد ما يحط مكيااج ... مشكور على نصيحه ;)ههههه "لازعلون مني .................هب بهالصورة اللي نحن نشوفها " الموقف الثالث .. برد واقولك انه بكون بس يوووووووم وااحد .. و بعدهاا حياتناا كلهاا بتغير .. فا لازم يكون كل شىء نفس ما نتخيله perfect الموقف الرابع مش مهم الفرقه ... سيديه ووااااحد يسد عن هل عباله ... بروم احط كل الغاني اليه في خاطريه ... وبس... نسيت شىء دخلت العروس لازم شاعر ومغني ... يعني جيه ولا جيه مصاارييييييف ... كيف ما تبى تتعب وخرتهاا بتكون ملاك في حيااتك .. تنفعك وتنفع عياالك ..ما تقصر علييك بشى ... لو طلبت عيونهاا تفدااك فيهن ...;) ثانكس على الموضووع .. نترياا يديدك ..ولا تحرمنا منه ... اختك:دهن العود سموووحه على تفلسيفاات ...... |
الله يعطيك العافية اخوي النعيمي واحب اشكرك ع هالموضوع المهم بصراحة ردينا لزمان الجاهلية نتفاخر في كل شي حتى في الاعراس انا اعرف شباب عرسو بديون يبا لهم 5 او 6 سنين عشان يسدد ديونة وكله عشان كلام الناس مب قناعة منه في هالشي بصراحة بعض الشباب يدخلون في تعاسة بدال السعادة ومشاكل وديون الله يكون في عونهم لا والمصيبة بعض الشباب عقب كمن شهر تلقاهم في المحاكم واخرتها طلاق لا حول ولا قوة الا بالله وموضوع الزينة انا بصراحة ما اوافقك الراي لان الحرمة دوم تحب تكشخ حتى لو عمرها تعدا الميه وهاي فطرة ههههههههههه ما عليه يوم تعرس بتغير رايك قواك الله وفي انتظار الجديد منك ومن ابداعك وتميزك |
. . . . و عليكم السلام ورحمه الله وبركاته.. الله يحيك اخويه ههههههههـ اضحك لانه شوي يبين عليك منقهر من السالفه وااايد.,’ وشكلك ناوي ع العرس الله يسهل عليكـ.. ومبروك مقدما اذا كنت بتعرس .. واذا لا عقبالك المهم بخصوص الخساير 1- انا فياااك انه حرام انها تفصل فستان بهالسعر وانت قلت انه بس حق ساعتتين واللي فيها عقل ما تعق فلوسها ع خلاقييين تحط فلوسها ف البنك ولا تاخذ الها شئ يستاهل بالفلوس .. مثلا الذهب منه ذخيره للمستقبل .. 2- ع طاري الصبغه .. هاا لابد منه يعني صح شرات ما قلت انه كثرته مب شئ يعني بدال لا تبرز الملامح والجمال تخفيهن بس الشئ بالعقلـ .. ههه والرموش .. حليله شكله انصدمـ ابها .. والله كل وحدهـ وتعرف شو اللي يناسبها هههههـ مب كل العرايس يسون نفس الشئ ونصيحه .. ههههـ قبل لا دش ع حرمتك خلها تشل اللي بويها عشان تشوفها بطبيعتها وما تعيب عليها .. ( ترا هاا يزعلها وهي ما سوت هالشئ الا عشان ريلها خخخ، بس ما قايست ع عمرها بشئ خفيف .. ) 3- الفرحه فوق كل شئ.. بتقول لي الفرحه ما تتي الا بـ فلوس .. انت ما تقدر تسوي شئ بدون فلوس .. يعني تبى تكون حفله هالعمر يوم ما تنساه انت وحرمتك .. ههههههـ مب لازم يكون عاده عرس اسطوري ومادل شو خخخ بس يعني عرس بدون خساير ماشئ جان بس سكيتي .. 20.000 ههه القاعه ما تكفي .. 4- خخخـ ما عندهم سالفه ... ما بتبارك ف حياتها اللي تيب فرق ومادل شو .. ( ما تسمع اغاني ههههـ ) والله حلاته العرس يوم يكون هادي وبدون صدعه المغنيين وعثرتهم .. 5- اللي بغيت اقولها.,., العرس اخويه مب من يااا وعرس .. وصح بعد لازم الوحده تفكر ف ريلها وما تصرف وايد .. والله يوفق اليميع ان شاء الله,’ ويرزق ربي العزابيين من خيره .. النعيمي اسعدني مروري ف صفحتك تقبلـ مروري بنت شامس . . . . |
مشكوؤر خوؤيه النعيمي ع الموضوع الرآئع الصرآحه آنآ صح بتمنى لعمريه كل هآ بس بعد يحز فنفسية ليش اسرف جيه والله لو البنت اتسوي كل شي بسعر معقول بس حلوؤ بتقولون احين مآشي آشيآ حلوؤة بآسعآر منخفضة >>>لآ شي هآلآشيآ هب لآزم الفستآن عند مصمم ولآ من بلد آخر آو القآعه اتكون خيآلية والكل يرمس عنهآ واللي يقهر انه نآس مآعندهم بس لآ لآزم يسوؤن كل هآ بس عسب النآس الكل يشوف النآس شو بتقول مآيشوفون عمآرهم او الريآل اذآ يروم مآديآ او لأ والله البنت لو تفكر لبعدين انهآ اتحط البيزآت ولآ تسرف لعقب العرس بترتآح وآآآآآآآآآآآآآآآآآآيد الآهم انهآ تعرس وريلهآ يعيشهآ بدون ديون ولآ شي ولآ اتعيش مخنوقه بالديون ويعطونهآ عقب العرررررررررس هذآ رآآيي خيي النعيمي |
مرحبا السااااع بأخوي ( النعيمي ) ... والله ياخوي أنا لي رأي مختلف عنكم .. أن أشوووف ان العرس لازم يكووون ع مستوووى عااالي , ومب مشكله اذا الانسااان صرف ع العرس بشكل كبير , لان هذي ليله وحده ف العمر وماراح تتكرر مره ثاااانيه , يعني الانسااان لازم يستاانس ف هالليله ... تسلم ياخوي ع الطرح المميز .. تقبل مروووري ... ][®][^][®][Qanes ALreem][®][^][®][ |
ناس عندهم خير .. و مأدين واجبات ربهم .. ليش لا .. خلهم يعيشون حياتهم ويستانسون .. والبنت تبى تعيش احلى يوم فحياتها يكون كامل مكمل .. تبى يكون هاليوم يوم ما ينسى .. وسالفه المكياج .. لا صح وياك حق .. كل ما زادوا .. في المكياااج .. مب شي .. وانا عن عمري .. ان شاء االله .. عرسي بيكون احلى عرس .. ^_^ يوم فالعمر .. ما يتكرر .. ^^ مجرد راي .. والسموحه منك .. وربي يحفظك.. |
الســلام عليكم .. صــدقك ياخوؤيــه .. احيــن النآآس اذا مــا اسرفوو وو لعبوو بالفلووس النآآس بتتشمت فيهم .. للأســف بس هذا الوآآقع .. وو تــسلم [ع] الطرح الغآآوي .. وو ربــي يعطيك الف عآآفيــه .. تقبل مرووري اخووك ^^ |
اقتباس:
وعليج السلام ورحمة الله وبركاتة مرحبا اختيه دهن العود ع فكرة انا متوقع اني احصل بنات يعارضني في المواقف اللي ذكرتها مثل مانقول ( الناس هب شرات بعض ) وهذوه انتي قلتيها ترا الا يوم ، بس شو هاليوم اللي يقزر الواحد فيه اللي فوقة واللي تحته خخخخخخخ ...!! انتن يالبنات اغلبيتكن تحبن المظاهر وتفكيركن على عيلة ، انصحكم تفكرن في الأيام اليايه اللي هي ( بعد العرس) يمكن تصير ظروف وتخرج عن الإراده ... انا ماقول مستكثرين الفلوس عليكن ، بس يعني لو تجزئين بيزات العرس في اوقات مختلفه بتلاحظين الفرحه اكثر عن يوم العرس ;) 0 0 تحياتي لج اختيه الكريمة ، واتمنى وجود مشاركاتكم في مواضيع اللي تنورونها انتوا 0 0 اخوكم /النعيمي |
اقتباس:
الله يسمّك الغالي اخذت الموضوع من زاوية ( الديون وانغماس الشباب في الديون) مثل ماذكرت لبعض الإخوه ، ان البنوك تسهل لك عملية القروض ، وآخرتها الشاب يطيح طيحته.. اتوقع بالنسبة للمكياج الغالي مافهمتني ، يعني مادري جان بعض الشباب عادي يشوف رموش اطيح ولا شعر ههههههههههههههههههههههههههه ( الصوالين لاعبه لعبتها ها الأيام هههههههههه) صدقني لو عندك ربع معرسين بتنصدم من اللي يقولونه خخخخخ 0 0 تسلم لي الغالي ع المرور الغاوي ، واتمنى اشوفك في مواضيعي لأنك تضيف لها 0 0 اخوكم / النعيمي |
اقتباس:
وعليج السلام ورحمة الله وبركاته حييييه ... الله يعطيج العافيه ختيه الكريمه ع المرور الرائع ، التمست فيه ( العقلانية ) في الرد والتسلسل فية وعقبال اليميع ان شاء الله كل اعضاء المنتدى الكرم ( البنات والأولاد ) ومشكورة ع النصيحة هههههههههههههههه:D 0 0 اتمنى لج التوفيج ، ونتمنى نشوف ردودج المبدعه عبر مواضيع اخوكم النعيمي 0 0 اخوكم / النعيمي |
اقتباس:
مرحبا اختيه بلوشية العفو وتسلمين ع المرور ،واتمنى مواضيعي دووم تحوز على رضى الأعضاء الكرام مثلكم وشرواكم .. 0 0 بارك الله فيج ونعم من رباآآآج وان شاء الله الفال لكل اللي يبون يعرسووون هههههههههههههه 0ونتمنى نشوف مروركم في بقية المواضيع 0 اخوكم / النعيمي |
اقتباس:
الله يسلمك الغالي ، منور وربي انا وياك الغالي ، بس هب كل الشباب عندهم المقدرة على الصرف احياناً البنية واهل البنية يثجلون ع الشاب بطلباتهم اللي مالها داعي من الأساس واذا لاحظت ردود الشباب ( خذوا الموضوع من زاوية الديون ) انت يمكنه ربيه منعم عليك والحمد الله مديمه ع اليميع اللي مرتاحن مادياً بس بالنسبة لي حتى لو انا مرتاح ماديا مستحيل اصرف شرات ماشوف الحين في الأعراس انا اعتبرة اسراف ( وصرف في غير محلة )... ووجهة نظرك واحترمها الغالي ;) منور وربيه لاهانـــك 0 0 اخوك / النعيمي |
اقتباس:
ربيه يوفقج اختية ورايج نحترمه اكيــــــد وانا طرحت ها الموضوع من باب ( وقف الإسراف والقروض واشياء اخرى خيالية ) 0 0 اخوكم / النعيمي |
| الساعة الآن 01:40 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir