|
راعي العجراء الذهين السلام علاكم ورحمة الله وبركاته اليكم هذه السالفه بعنوان ذهانة راعي العجراء انتم خابرين وش ذهانه راعي العجراء مايحتاج اذهن من اديسون ولد الخواجه في يوم من الايام اشترى راعي العجراء طير وحش وعنيد ومدلعته امه فيه شوفة نفس ومكابر ويوم جاء وقت نقل الطيور وتدريبها قرر راعي العجراءالذهين ينقل الطير على ايده وكان الطير وحش وبراسه وشره اقشر من ذاك الطير ماشفت قلت ابدعيه من الوكر الى يدي كوده يجي على اليد وقلت ابربط سبوق الطير بالدس حتى يسهل جيته من الوكر الى يدي ورده للوكر وانا قريب منه وكنت بالمجلس الملحق في البيت حطيت الطير على الوكر بعد مافكيته وربطته بالدس واخذت العلف وقمت ادعيه على اساس ان السبق مربوط بالدس يوم دعيته وهو يشلع ومع الباب وشلون مدري انا متاكد اني رابطه زين ويوم جيت ابقوم ابغى اناظر وين راح الا الدس رابطه بالوكر من الذهانه رابط الدس بالوكر والطير مفلوت وانا اطلع اركض بساقته الا والوكر يركض بساقتي ماغير يصفق في عراقيب رجولي من تسحيبه معي والنتيجه راح الطير وشلون القاه وانا بالديره ومن حين الطير براسه وشره يعني مختل عقليا ولقا الفضاء يمكن الى الحين وهويطير شفتوا وشلون ذهانة راعي العجراء بالصراحه زعلت على ذهانتي ودمعة عيني على الطير ويافرحه ماتمت هه وشتقلون بهالذهانه ادري بتقولون ذهانه خارقه الله يخلف على ام جابتك ياراعي العجراء هذه سالفتي لكم وقبل الختام سبحانك اللهم وبحمدك لااله الا انت استغفرك اللهم واتوب اليك تقبلوا تحيات الذهين راعي العجراء دمتم بخير وعافيه |
| الساعة الآن 10:22 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir