رايكم يهمني أرفع عليهم دعوى بسم الله الرحمن الرحيم السلام عليكم ورحمة الله وبركاته . اخواني عندي سيارة وديتها لإحدى الورش المعروفة في الدمام وكانت السيارة فيها عطل بالمكينة طلبت منهم يسوون فحص على السيارة . المهم اتفقنا على الفحص بميتين ريال وبعدها خليت السيارة وكان عندي دورة عسكرية خارج الدمام وأرسلت لهم أخي لكي يخرج السيارة ( لأنه طلع الفحص المكينة مخبطة لا زم تغيير أو توظيب ) وأرسلت لهم أخي ورفضوا يعطوه السيارة إلا بالكرت اللي فيه الإتفاقية بيني وبينهم . وقلت لهم الكرت ضاع قالوا تدفع ميتين ريال قيمة الفحص لأننا لسنا متأكدين بأنك دفعت في البداية ، ومافيه حاجة عندنا تثبت إنك دفعت قلت لهم دفعت عن طريق الفيزا ، ولكن ما فيه فايدة . جلست السيارة عندهم واسلوا لي رسالة مفادها بأنك في حالة لم تستلم سيارتك سنقيم عليك دعوى ومطالبة وكل يوم تجلس فيه السيارة ب/ 20 ريال . حصلت الكرت وجيتهم به وقالوا يالله ادفع 200 ريال ، قلت انا دافع لكم في البداية ، والمهم جلست السيارة ما يقارب شهرين عندهم وانا رايح جاي عليهم . وفي الأخير حصلوا الوصل اللي دفعت فيه المبلغ . * كل مرة أجي أنا أو أخي أوثقها عندهم في ورقة بأني جيت للمرة ... كذا ولم أستلم السيارة وإذا ثبت أن الخلل مني فأنا أتحمل كامل المسؤولية ، وإذا ثبت أن الخلل من الورشة فهي تتحمل المسؤولية . هل يحق لي أن أرفع عليهم دعوى قضائية ، وأطلب منهم تعويض . مع العلم بأنني تضررت ولم أصلح سيارتي إلى اليوم . |
الساعة الآن 10:15 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir