استفسار يااهل الصيد والسلاح السلام عليكم ورحمة الله صباح الخير او مساء الخير اخواني ابي استفسر من اهل الخبره في الصيد والسلاح الاول نستفسرعن شوزن ام خمس توه مشريه جديده وماتصيب لعدم الخبره والسبب من القطع اللي تركب فوق في السبطانه الشوزن معه اربع قطع وكل قطعه له تشفيره قطعه تشفيره واحد قطعه تشفيره اثنين و3 و4 والله يااخوان بلشنا فيها القطع ماندري وين اللي تسوق من اللي تشر يالت من اهل الخبره يفيدني عنها امس على طيور فوق اربعين طلق ماصادت ولا واحد والاستفسار الثاني عن طيورموجوده في مزرعه جول يجي فوق الميه والخمسين ماقدرنا نصيد منها الا واحد فقط بشوزن ام طلق واحد فشلتنا ام خمس المهم الطيور هذي له اسبوع في المزرعه ماتفارقها لان المزرعه برسيم وله اسبوع محصوده ان طارت تاخذ وقت وترجع ولا تقارب الا اذا استخدمنا الحراثه بعطيكم اوصاف الطير لان ماعندي كمرت تصوير ولا اخذت الطير معي الطير له براسه ريش بطول ثنين الي ثلاثه سانتي (مقنزع) ظهره اسود مائل للعشبي وفيه لمعه مثل لمعت الديزل على الماء بطنه ابيض وله طوق اسود على صدره والريش اللي تحت الذيل يجي لونه برتقالي الطير كبر الحمام النجدي بس جنحان اطول ورجلينه اضن مثل الحمامه ياخوان ياليت احد يفيدني لاني بطلع بعد شوي ان شاء الله للمزرعه والمعذره لو كتبت الموضوع هنا دمتم بخير |
الساعة الآن 02:24 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir