منتدى استراحات زايد - مشكلتين في موتري تاهو 2007 // لأهل الخبره

السلام عليكم ورحمة الله وبركاته ،،

يعطيكم الف عافيه

اخواني اصحاب الخبرة انا عندي كم مشكلة واتعبتني أبغى لها حل

اولا مواصفات الموتر

تاهو 2007 دبل / وارد أمريكا

المشكلة الأولى / لمبة المكينة ( تشيك انجن ) ولعت عندي من فتره وكنت ماني طاق لها خبر لان مثلكم عارفين دايم تولع اللمبه في الجموس .. المهم لما شيّكت عليها كمبيوتر قال لي الفلبيني المشكلة في أويل بمب ( يعني طرمبة الزيت ) ! ، المشكلة ان ضغط الزيت في الطبلون عادي على النص ومع المشي يوصل الى ثلاث أرباع تقريبا أو أقل بشوي .. سؤالي هل من الممكن تصير مشكلة في طرمبة الزيت بدون مايختلف ضغط الزيت ؟

المشكلة الثانية / عندي صوت تحت يطلع أول ما أمشي وأحس ان الصوت تحت تقريبا زي صوت حكه ، الصوت كأنه طالع من الدفرنس وانا مدري لان اللي متأكد منه انه لا علاقة له بالفحمات والهوبات ابدا ، الصوت أول ما أمشي اذا وصلت سرعة 20 تقريبا اسمع الصوت ويستمر 3 ثواني تقريبا الى سرعة 40 ,, هل المشكلة في الدفرنس أو في القير وتروس القير ؟

والله المشكلة اشغلتني ياشباب

اللي يقدر يفيدني يرد علي ، الله يحرم وجيهكم عن النار