منتدى استراحات زايد - مشكلتي مع عبداللطيف جميل

السلام عليكم ورحمة الله وبركاته

مشكلتي مع عبداللطيف جميل

كثيررررييييين عندهم مشاكل مع عبداللطيف جميل

يا اما مشكلة في الصيانة ولا في العقد ولا في قطع الغيار

مشكلتي هي كالتالي .. ( كثرين غيري قالوا واحنا نواجه نفس مشكلتك لكن الشكوى لله )

عجبتني الاوريون وخصوصا الشكل السبورت 2011 وكان الموضوع بس اعجاب قلت ياولد رح المعرض وشوف ؟ وكانت الروحة اساسا للمشاهدة فقط
جاء موظف وقالي اشوفك جنب الاوريون من اول مادخلت المعرض ما رحت لسيارة ثانية قلتله اي والله تستاهل السيارة هذي ، المهم اخذ واعطى معاي بالكلام وقالي طيب انا اسوي لك عرض حلو عليها وش رايك ؟
من باااب الفضوووول يا اخوان قلتله موافق وقالي تفاصيل العرض واعجبتني صراحة وكلمت الوالد فيها وقالي توكل على الله دام عرض حلو وسيارة احلى
وفعلا وقعت على الاتفاقية ووقعت على العقد وطلبت السيارة والتجهيزات وكل شي واستلمتها بعد طلووووووووووع الروووووووووووووووح :crazy: :crazy:
قلت ماعليها تستاهل الصبر
المهم شي معروف ان التقسيط اجباري كل شهر تدفعه مقدم وان تاخرت شهرين يعطونك تنبيه وان تاخرت ثلاث شهور يسحبون السيارة
انا تأخرت ثلاث شهور للأمانه وازعجوني بالاتصالات في اليوم الواحد يتصلون 784086408604 مرة :crazy:
رحت للوكالة وقلتله ابي اسدد ( طبعا حسبها علي 4 اقساط ، والسبب قسط واحد مقدم علشان يضمن حقه وانا مدري ليه يعني ) المهم ماعلينا
طلع المبلغ 9800 قالي لازم تراجع الدائرة القانونية اول لانك متأخر
قلتله يعني ماتبي الفلوس ؟؟؟؟؟ قالي ماقلت ما ابيها بس راجع الدائرة القانونية اول
قلتله يعني ماتبي الفلوس صح ؟؟؟ قالي يابن الحلال رح ادفعها عن طريق البنك وانتهى
رحت ودفعت 4900 قسطين وقلت القسط الرابع اسدده لا حجت البقر على قرونها
وهاتك يا ازعاج بالاتصالات !! وانت باقيلك قسطين وانت مدري وشو وتعال سلم السيارة
قلتله حبيبي باقي لي قسط واحد ومايحق لك تطالبني بتسليم السيارة وطوووط طوووط < قفلت الخط
وجاء اليوم اللي انفجعت فيه وهو ان السيارة انسرقت !!! ادور يمين يسار اشوف اذا فيه قزاز على الارض مكسور ولا شي طلع لا مافيه !!!!
ياهووه السيارة وين راحت ؟؟؟
قلت ابلغ الشرطة ولا اروح الوكالة واسأل ؟ والله فعلا رحت الوكالة وطلعت هناك
قالي الموظف نسحب السيارة لان باقي عليك قسطين المهم بعد هواش استمر نص ساعة قلتله انا اوريك والليلة استلم سيارتي وان ما استلمتها بالطيب باستلمها بالغصب < مسوي معصب :santa_1:
دقيت على خدمة العملاء وانا جالس اصارخ على الموظف المسكين وهو يقولي يابن الحلال وش سويت لك انا خلاص ابشر مايصير الا اللي يطيب خاطرك وخلاص ماعليك وانا اهاوشه خخخ مسكين ظلمته
المهم بعد المكالمة بنص ساعة دقوا علي من الوكالة وقالي تعال ادفع قسط واحد واستلم السيارة قلتله يا حبيبي ماني دافع اي قسط يا اما انك تتصل علي وتقول تعال استلم السيارة ولا ما اسمع صوتك نهائيا قالي خلاص براحتك وطووط طوووط < قفل الخط بوجهي ، رجعت اتصلت على خدمة العملاء وقلتله يقفل الخط بوجهي !! كيف ومدري ايش :@
اتصلوا المرة الثانية من الوكالة قالي يعني مو لازم تشتكي ماصار شي بس تعال ادفع !! خخخخخخخخ
المهم بعد صراع مرير مع الوكالة هذي اللي مدري وش تبي ؟؟
اخذت السيارة وسحبت عليهم

:icon31:

صدقوني كثيرين تعاملوا مع عبداللطيف جميل وطلعوا خسرانين بالمعاملة هذي :icon31:
الله يهديكم بس :)

رأيكم باللي يصير ؟؟