المساعدة ربي يوفقكم في الباترول
 

افزعولي يا اخوان
معاي جيب باترول ربع 92طلعت عليه النفوذ المشكله كنت اطعس عليه واحد من الفرارات مقفل يعني المهم كنت اطعس عليه وقفت شيكت حصلته فتحت الفرار ورجعت واسمع طقه قويه كمل ومشيت المهم طلعت طلعه مرتفعه وزاد الصوت قفلت الدبل وراح الصوت وكل ماشبكته الدبل طلع الصوت حتى وانا امشي في مزفلت يطلع تركته المهم قدر الله علي ورجعت مرة ثانيه اليوم ووقف في طلعه وانزل العزبه واطبخ مع الربع المهم كان على عرق شوي وقام يحفر واشغل الدبل ولا يشتغل ابد يعني مشبوك بس مايتحرك ويطلع صوت قوي طلعناه المهم صرت اعشق القير ولا يمشي بسبب دزق الكلتش وركبته صطحه وديته الصناعيه انا الدزق خابرة لاكن الصوت اللي في الدبل هل هو من الفرار او من جنزير الدبل كلمة راعي ورشه بالتلفون قال يمكن جلد مقص اماميه اللي فوق والله اني حاس انه مو منها شورو علي تكفون قبل بكرة افكه
اعرف اني كثرة عليكم لاكن والله اني محتار ربي يكتب لكم الاجر