منتدى استراحات زايد - مادريت إني هويتك

مادريت إني هويتك بس أدري إني أبيك
وأدري إنك في حياتي عشق يرويه الخيآل

وأدري إني من بغيتك كل روحي تفتديك
وتدري إني لو ألف الكون مامثلك مثآل

فيك صدق إحساس نابع مايجيك إلا يبيك
وتدري لو مهما حصل لي أو حصلك ياغزآل

حبي لك صعب يتحول وصعب يتغير عليك
من عرفت الصدق جودك رفقتك لي راس مآل

إيه أحبك إيه أكثر لو تبي والله لأجيك
لأن مثلك صعب ألاقي لا بعد أكبر محآل

فيك من صدق المشاعر تهتويها وتهتويك
وإنك أطهر قلب عشته في زمان الأشتعآل

برق ٍ مزونه تلاعب مدري منك أو إليك
خاطري منه تولــــــــع وزاد عشقه هالدلآل

ياحبيبي ودي أســــــأل ليه قلبي محتويك
ليه من بد الخلايق صورتك روعه جمـــآل

أدري ياروحي فديتك كل شي ٍ مبتليــــــك
وكل خلق الله تحآول توصل لأصعب منآل

وإنت أصعب في منالك بس قلبي ذاب فيك
وأدري بأنك ذبت فيني وأبتدت رحله وصآل

والغلا وحروف شعري معطره بريحه يديك
والنفل والعود الأزرق لحضره عيونك حلآل

فــــــــدوتك كلي ياروحي منهو إلي مايبيك
فكر بكل إلي قلته وتكفى جاوب عالسؤآل

ياحبيبي مقدر أنسى خافقي يومه يجيــــــك
ولا سمع حكي العواذل ولا سمع كل مايقآل

يكفي في لحظات حبـــــــــــــك ترتويني وأرتويك
وإنك أحلا الكون عندي وفي عيونك هالخصآل

أقســـــــــــــم بربي بأني لأخطفك وأسري عليك
ولو دعــــــــــــاك أحد ٍ بدالي جاوبه مابه مجآل