هب الشمال اللي يونس هبوبه هب الشمال اللي يونس هبوبه عقب ظهور سهيل زان البرادي الصيف قفى وبدل الجو ثوبه وطغى على لبس البياض السوادي وجاك القنص ياللي توفي دروبه على ظهر نيسان والغير عادي متزهب للصيد واللي شغوبه ناس على المقناص تقطع بوادي محلا مرور الجول لا ولعوبه ربع على الصيدات تبقي هدادي ومحلا شبوب الرمث محلا شبوبه بأطراف روض في ديار الحمادي راعى المرض تلقاه ينسى حبوبه من الوناسه يشتغل بأجتهادي السكري والضغط ماهو بصوبه عقب لهيب النار اصبح رمادي في ديرة ماضايغته الرطوبه تلقى البابونج والنفل بأزديادي وبل المطر تلقاه كله عذوبه من السما همال رعده ينادي هذي طرات النفس لو هي عقوبه مادام شوف البر ينعش فؤادي شعر /عبدالرحمن شلال الحربي |
الساعة الآن 04:05 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir