ددسن 88 مكيف للبيع في الرياض السلام عليكم ورحمه الله وبركاته للبيع هالمبروك موديله 88 مكيف شغال وبارد انا شريته ولا فحصت البدي ولا أدري عنه فحصت المكينه والقير فقط والمكينه ما تهرب على كلام الميكانيكي اللي فحصه والقير سليم وفيه صدمه بسيطه في الشاص ما تأثر على الموتر وربي على ما أقول شهيد وأيضا فيه صدمه في الجنب الأيسر ويشهد الله أني طلعت اصلي الفجر الموتر واقف عند الباب ومافيه شي ورجعت من الصلاة وحصلت آثار الصدمه طاااااازه من بويه و أسطب السيارة اللي صدمته وما أقول غير الله يسامحه . الإستماره + التأمين جديد بالنسبه للفحص منتهي و نقلته بدون فحص في أحد الديار السمحه وللأمانه بعد ترى الموتر يرج اذا مشيت عليه 100 تقريبا ويقول اللي كشف عليه أن فيه كفر محبل وأيضا ترى الجلنط خربان وتصليحه سهل جدا جدا ومايكلف شي يذكر ومن الكسل ماعندي وقت للسيارة أبد أغير فيها شي كل يوم أقول بكره و يعني أتوقع يبي لها تشييك بسيط وتطلع ورده للمستخدم ويشهد الله أني ما خبيت شي أعرفه في السيارة يعيبها وللصامل فحصها . وترى النقل والسعي على المشتري والصامل يكتب رقمه عشان اتصل عليه إن كتب الله نصيب http://store2.up-00.com/Nov11/BCB07679.jpg http://store2.up-00.com/Nov11/ylL07680.jpg http://store2.up-00.com/Nov11/MP107680.jpg http://store2.up-00.com/Nov11/pWW07680.jpg |
الساعة الآن 12:46 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir