|
راعي العجراء في سوق السمك السلام علاكم ورحمة الله وبركاته اليكم هذه السالفه القصيره بعنوان راعي العجراء والسمك في سوق عتيقه في يوم من الايام قرر راعي العجراء ان يشتري سمك وقت ماينزل الراتب نزل الراتب وذهبت للسوق دخلت للمحل السلام علاكم وعلاكم السلام قلت ابا سمك قال وش نوع السمك اللي تباه قلت انا ابا سمك اللي يصيدونه بالبحر قال السمك انواع فيه زبيدي قلت يااخوي الزبيدي مايجي بالبحر انت وش علامك انت تمزح معي الفقع بالبر ولاهو دائم تلقاه اذا جاه الوسمي يقعد 75 يوم ثم يفقع من الارض قلت المهم انا ابا سمك زين قال فيه حمرا وشعور وهامور قلت الهامور التاجر اللي دائم نسمع به ايه اباه يمكن لاكلته اصير تاجر المهم جاب الهامور وقام يفتش اللي يسمونها مناخيش مدري مخافيش يوم فتحها ولاها حمر تقول واحد حاط رجله على البريك ومولعات اسطبات الفرامل المهم شريت من سمك وحطينها في السياره بالمرتبه الخلفيه ومشيت من عنده وطرالي غرض قبل ماطلع من السوق قلت اباخذه نزلت من السياره وخليت القزازه مفتوحه ونزلت يجيلي ربع ساعه يوم رجعت وافتح السياره وانا اركب الا قطاوة عتيقه كلها في المرتبه الخلفيه عند السمك وانا مانتبهت يوم تطامرن اللي فوق رقبتي واللي على بطني واللي يصفق بالقزازه وانا ابحاول انزل مدري وش السالفه انا جاء في بالي من الروعه ان السمك طلع من الكيس وهج يبا الفكه من راعي العجراء وانا ادور الفكه منه المهم ركبت السياره وناضرت ولا المرتبه كلها سمك متنثر وريحة السياره سمك وبحر فيه رجال كان معي في سوق السمك شايفه يشتري وكان واقف بجنبي اخذ يضحك علي انا وهالقطاوه قال ياخوي ليه ماقفلت القزاز قلت انا مدري عن القطاوه انها تاكل السمك المهم اخذها فاصل علي ضحك ويوم جاء يركب السياره الا هو مثلي نازل ومارفع القزاز الا القطاوه اللي كانت عندي كلها في سيارته وتصير ضحكه عليه انتهت السالفه وارجوا ان اكون وفقت في سردا لكم وقبل الختام سبحانك اللهم وبحمدك لااله الا انت استغفرك واتوب اليك |
| الساعة الآن 07:56 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir