|
زعتر حباجة وازمةالخليج 1411هـ قصة واقعيه السلام عليكم هذة قصة حقيقيه وةواقعيه وليست من بنات افكاري او من خيالي (حلوة من بنات افكاري) المهموقد وقعت احداثها في اثناء حرب الخليج وبالتحديد في دولة الكويت في منطقه تسما ام الهيمان حيث كان الجندي زعتر حباجه (الاسم الحركي لبطل القصه) ومجموعة من العسكر يقومون بحراسة تلك الك المنطقه والاشراف عليها وكان زعتر في وقتها يحمل رتبة عريف ركن وهو عريف شجاع وشهم ونشيط ومحط الثقه من قبل المسولين عنه وفي احد الايام صدرت الاوامر من قبل المسوألين عن تلك المجموعه بوضع حراسه على موقع مستودعات وذخائر كانت للجيش الكويتي قبل الاحتلال وهي مستودعات ضخمه وبعيد ه عن موقع المعسكر بمسافه كيلو متر واحد او اقل وكانت الاوامر تقتضي بان لا يوضع في هذه المهمه الى جنود اقويا وبواسل مثل زعتر بحيث تكون مدة الحراسه ساعتين لكل عسكري وتحت اشراف المناوب في المجموعه ودعونا نستمع الى القصه من العريف زعتر الذي كان هو بطلها يقول العريف زعتر في تمام الساعه الواحدة والنصف من مساء ذالك اليوم جاء المناوب وصحاني وكان المناوب مرهق ومتعب وقال قم البس عندك خفارة قلت متى قال الحين من ثنتين الى اربعه مساء يعني وسط اليل قلت وما لقيتو الى ذلحين تقوموني حراسه قال والله ماعندي شي هي جاتنا كشوفات والمطلوب ننفذه توكل على الله وقم وتوكلت على الله وقمت لبس واخذت سلاحي والذخيرة وركبنا الجيب ومشينا وكنت اسولف انا والمناوب طبعا المناوب شهري من تهامه وقعد يعلمني بقصص الاموات العراقيين والكويتيين الى حصلهم عصر ذالك اليوم وكيف كانت البساس والكلاب تاكل في لحومهم وانا ساكت واذاني مرتخيه من الخوف ومن قوت الانصات ووصلنا موقع الخفارة على بركة الله وحصلت هناك جندي كان يقوم بالحراسه من قبلي واستلمت منه الحراسه وهمس في اذني اسمع يازعتر ترافيه كلاب تاكل البشر هنيه والله اني شفتها بعيني محد قال لي وفيه رجال جاني قبل شوي راسة مقطوع ويشيله في يدة وقرب مني ولولا انكم وصلتو الله واعلم اش كان حصل ويوم سمعكم شرد منيه يمكن انه ورا المستودع انتبه وانا اخوك قل يارجال توكل على الله انها بس الخرعه خلتك تتصور الشي ذيه ولا القصه تيه ما تدخل العقل رجال ميت ويمشي ههههههههه الله ياخذ عقلك ههه اااااه وجا المناوب وقال اسمع تعال وفتشك تراه ممنوع تاخذ معك اي شي يضيئ او يكون له خاصة الاشعاع وقعد يفتش واخذ مني كل شي حتى الساعه وركب الجيب وراحو وانا في مكاني على قولت ابو بكر باالفقيه ((مشا كل الزمن وانا في مكاني وغزاني الشيب وفا تتني الاماني ))المهم قعدت اتفطن في انوار الجيب الين غابت عن نضري ويوم غابت عني عرفت ان ماعاد معي الى ربي سبحانه فرجعت اليه واستغفرته وقعدت اقرا القران واسبح وشويه هبت رياح قويه وبدى ينزل مطر خفيف وقمت ادور مكان اندس فيه عن المطر ويوم لمع البرق حصلت سيب بين المستودعات عرضه يمكن متر وطوله عشرة متر او اكثر ومقفول من نهايته قلت هذا المطلوب علشان اتطمن من ورايه ومن جنبي ما يجي احد وشويه بدا الخوف يسري الى القلب الشجاع وسمعت صوت قرقعه وطربقه سريعه وهوشه وبدا الفار يلعب في حثلي ويوم قرب الصوت وقربت منه الى هو كرتون تدفه الرياح الحمد الله ورجعت مكاني وانا بموت خرعه ممزوجه معا وحشه ويوم انتصف الوقت وكان الوقت يمشي ببطئ شديد واقسم بالله مايشوف الواحد يده من الضلام (( والي عاش ازمة الخليج يعرف الشي ذا ))المهم وشويه سمعت صوت ثاني وكان اوضح واقوا وكانه صوت رجال او اثنين لابسين جزم خشب او بساطير ((ذكرني بصوت القب قاب حق غوار في حمام الهنا)) وكل شويه يقرب الصوت ويقرب الصوت ويقرب الصوت وبدت ركبي تتصاقع وترتعد فرائصي واشيا اخر ا لا داعي لذكره تحصل عندما يفقد الانسان تحكمه في جسمه معا قوة الخوف احم احم وشويه الى اسمع صوت نفس وشهيق وزفير وكان قد اقترب مني مرررررة حتى اني لو مديت يدي المسته المهم رفعت البندق وعشقت لها وجهزتها للاطلاق ياروح مابعدك وبديت احس ان خشم البندق والحربه بدت تلامس ذالك المخلوق وقلت في نفسي هذا الي قال لي عنه سحيم الله لا يوفقه ابوراس مقطوع جاك يازعتر وبديت اصيح بقوة واطلب منه سر اليل وهي عبارة عن كلمه متفق عليها بين المجموعه نعرف بعضنا من خلالها وكنت اصيح بصوت نصه خرعه سر اليل والله اني لاذبحك لو قربت ((وين قرب ماعاد بيني وبينه الى البندق)) ورفعت البندق الى يوم ضربت في وجهه وانا وقتها قد وصلت اخر السيب الضيق وصدم ضهري في الجدار وماعاد معي الى الله ثم البندق وياروح ما بعدك روح ضغطت الزناد وطلع من البندق مجموعة رصاص مدري عشر او اكثر من الخرعه طبعا حطيت اصبعي ماعاد شليتها وبعد كذا عم الهدوء المكان ماعدا صوت ارجل او ايدي تضرب في الجدران وانا متسمر في مكاني مافيني قطرة دم من الخرعه وشعري واقف وجلد محبب من الخرعه مدري من الشجاعه المهم ويوم سمعو الزملا بصوت اطلاق النار جو بسرعه وماحسيت الى والجيب واقف عندي وكان راكب فيه رائد عمري ((اسمه عبدالله عوض الحين يمكن لواء ويمكن تقاعد))المهم اخذ الكشاف وجاء عندي ونور في نفس الزاويه الي انا فيها الى وانا بذيك البقرة الهولنديه الي ماعمري شفت اكبر منها طايحه على الارض ودميانها تنزف من كل مكان اثرني قد خرقتها بالرصاص وناداني الرائد زعتر وشبك قتلتها هاه 00000وشبي قتلتها كانت تبغا تنطحني ودافعت عن نفسي قال والله لو ضربتها بيدك ان تكون شردت وكان وفرت علينا الذخيرة اهه وفرت الذخيرة هاه اااخخ لوتعرف وش حصل من البطل الصنديد وانتهت القصه المرعبة بموت البقرة وذهاب زعتر في اليوم الثاني لكي يخبر اصدقاه بما فعلته فيه البقرة وكيف انها نطحته ورمته عشرت امتار وكيف حاول انه يقتلها بالحربه وكيف صعد على ضهرها وحاول طرحها ارضآآآآ ومانفع معها الى السلاح وسلامتكم واقسم بالله ياهذي القصه انها واقعيه وحصلت0000انتها |
| الساعة الآن 06:23 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir