|
مقاااابلة مع راااشد الخاااااااصوني السلام عليكم ورحمة الله وبركاته راشد اول ما شاركت في الميدان كنت تتوقع انك تفوز وتحصل على المركز الاول؟؟ تبين الصراحة لا وما كان في واحد منتوقع الفوز بس نحن كنا محطين في بالنا الاجتها والتوكل على الله واكيد لكل مجتهد نصيب. اول ما قال اسمك سعود بهذي اللحطة شو كان شعورك وشو حسيت ؟؟ والله اكيييد فرحت وانزلت دموعي واظن شفتيني وانا اصيح بس والله ما رمت اتمالك نفس من الفرحة كنت تتوقع انه يقول اسمك؟؟ والله يوم شفت انه سهيل طلع وبن مصبح والمحرمي قلت ليش لا وعطاني امل ووكنت اقول بخاطري انشاء الله انشاء الله راشد يا رب لين ما قالها شوقالولك اهلك وربعك وامك وابوك بعد الفوز؟؟ اكيد استانسو وباركولي وقالو تستاهل وقالو فدها يا بو سنيده اول ما طلعت من الميدان بعد الحفل شو سويت ؟؟ مسيرة من دبي لين الشارجة ومن الشارجة لين المدام ومن المدام لين البيت ويمكن كان في حولي 1500 سياره شو شعورك يوم طلعت من الميدان هذي السنة؟؟ الحمد الله راضي بحكم رب العالمين وبالعكس خذيتها بروح رياضيه ويضح ويقول خليناها لغيرنا هالسنة بتشارك السنة الياية ولا؟؟ انا سبق وقلت انيانشاء الله بشارك لين ما يقولون خلاص ما شي ميدان وبيول لين ما اشيب وخلاص ما اروم امشي وبعد بحاول اني ايول.. شو طموحات راشد؟؟ والله اول شي اكمل دراستيه واصل الى شي في الحياة ويكون لي اسم في المجتمع.. شو تدرس حاليا يا راشد وفي اي كليه؟؟ ادرس علاقات عامة في جامعة الشارجة.. شو هدف راشدفي الحياة؟؟ اني ارضي ربي واهلي واكون قاعدة جماهرية كبيرة واني احاز على محبة الجميع هل لك علاقة بالصيد بالصقور؟؟ والله انا احب اشوفها واستمته فيها بس نا ما دشيت هذا المجال ولا شاركت فيه كرس وقتي لليولة.. شو يعنيلك مسلم العامري؟؟ اخ وحبيب وانا مستغرب ليش الكل يشك في هالامر تبغيني اتصل به جدامج واسولف وياج انا ما عندي اي مانع والله عشان تصدقين والجماهير تعرف كيف علاقتنا ويه بعض.. وشو تقول عن بن سعدين الشحي؟؟ والله هو ما فيه حيلة وهذا السوال اسئليه لبن سعدين وقوليله كيه انت ويه راشد وشقلى يعاملك واكيد\ بيقولج اخوان وحبايب راشد لديت معجين وااايد\ واغلبهم قالولي اسالك هذا السوال اي نادي اتشجع؟؟ والله كل الفرق تستاهل كل الخير وكلها خير وبركه وانا اشجع كل الفرق وكلها زينه اجوبتك دبلوماسية واايد.. يضحك ويقول والله ما ابغي اي حد يزعل مني وابغي محبة الجميع يا اختيه لا تخاف الكل يحبك وما بتتغير هالبحبة انشاء الله بس اوكي منتفير شو في السوال بس بعدنا في الرياضة منو احسن لاعب عندك في الاهلي؟؟ فيصل خليل منوم قدوتك يا راشد؟؟ الشخ حمدان بن محمد بن راشد كنت ياية اسالك عنه \بس بخليه بعدين.. راشد تعرف الجماهير تحب شويه الطلوع عن الاسئلة التقليدية فممكن نظهر عنها شويه؟؟ اكيد بس هب واايد ويضحك لا لا تخاف فالك طيب .. موقف استوه لراشد ما ينساه؟؟ موقف اممم يوم يه الشيخ محمد بن راشد لحضور اخر حلقة من الميدان ومقلب الكميرا الخفية يقولون انك عصبت هذا اليوم وايد [\لا والله اظن انج شفتي اللقاء وصح اني انفعلت بس كنت حاس انه في شي سمعنا انك عصبي واايد يا راشد؟؟ لا ابد هي صحيح شفتني الحين عصبي وعصبت لا بالعكس والله واهنا اربيعه ضحك وقال هي صح ابد ما يعصب عقب رلشد قاله اي عقب بيصدقون اني عصبي وفقال لا لا اتغشمر هو هب عصبي بس اكيد اي شخص يعصبك ويغلط عليك لازم شوي الواحد يعصب شو احسن اكله عند راشد؟؟ واايد ما ادري يسال ربيعه شو احسن اكله على طول يرد ويقول السمج واحلى مكان عندك؟؟ دبي دار الحي شو احلى لون عند راشد؟؟ كل الالون اخاف لقول لون الون الثاني يزعل يضحك حكمة مزروعة في نفسك؟؟ لكل مجتد نصيب جم نسبتك في الثانويه؟؟70 وعلمي سهيل الخاصوني شو يستويلك؟؟ بني عم ازكي ارد للسوال الي اجلته شو يعنيلك فزاع وكلمة توجها لسموه؟؟ والله فزاع يعنيلي الكثير واحب اقول الله يخليه ويطول بعمره واقول للكل انهم يقتدوبه لانه مثال للرجل الشهم وهو اسم على مسمى كلمة حق معجباتك ومعجبينك؟؟ والله شو اقول والله والله كلمة الشكر شويه عليهم وقليله في حقهم وامل اني ما خيب ظنهم وايبلهم البطوله السنة الياية وارجو انهم يتمون واقفين وياي ويزيدون انشاء الله منقول |
تسلم اخوي عالمقابله و نتريا اليديد من صوبك^^ |
مشكور الشيخ ماقصرت .. |
مشكوووووووووووور وماقصرت |
تسلم ع المقابله الغاويه .... ويعطيكم العافيه ياااااااااارب... |
| الساعة الآن 07:00 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir