منتدى استراحات زايد - سلسلة حق تقرير المصير مروراً بالعيدالوطني وصولاً لحق العودة// شعر شعبي

جدحفص الأبية افتتحت المشوار
ولبلاد الكريمة إجت بعديها
وسترة العاصمة وفّت مع الأحرار
وخيرج سترة قاصيها ودانيها
ونزلنا المعركة ولدراز ما تحتار
لأنْ أهل الدراز أهل الشيم بيها
ووصلنا الزِنِجْ أرض الوفا والاصرار
وزلزلنا السفارة فوق أهليها
وبني جمرة شعدد قولوا وش اختار
بني جمرة يكفي ذكر طاريها
وعيد الوطن بس كرانة والاسرار
يكرانة العدو يرجف نزل ليها
ودير العزة دير الشرف والأفكار
تسمع عن فضايلها معانيها
::
::

وحقنا ثابت ولازم إلى الميدان
نعود ونسجد ونشكر المنان
تجهزنا وسنابس تشهد وتحكي
فصول الاعتصام الزلزل العدوان
وأهل الديه أهل العزم والتقوى
وكرباباد أرض العزم والايمان
تجمعنا وتلاقينا على اسم الله
وتعاهدنا نعود ويشهد الرحمن
::
::

وعالي آه يا عالي يأم الخير
وأبطال النزال هناك منتشرة
فكل لفة وفكل داعوس وكل زنقة
يمجرم حاذر الاحرار منتظرة
وتقرير المصير بعالي صَدّقْ غير
ترى عن عالي اسأل واقرأ النشرة
ولا تنسى يمجرم كلنا متجمعين
من دير البطولة ومن أهل سترة
وسنابس والنعيم وبوري والاسكان
وابو صيبع ولا تنسى بني جمرة
جهنم للمجنس قاتل الاطفال
في عالي واقده وملتهبة مستعرة

لعالي لا تجي لتقول ما أدري
ترى واجبنا ننصح وأنت كيفك
لأنْ بأس الشباب مقدّر ويجري
يفرجيك الرعب وميفيد سيفك
سلاحك هذا ما ظنتي يدري
سلاح الشعب أمضى يهد حيفك

كتبت بعجالة مع كامل الأخطاء