منتدى استراحات زايد - دعما لشعراء الامارات (حمدان المحرمي ينتظركم)

بسم الله الرحمن الرحيم

السلام عليكم اعضاء منتدى محروم شحالكم؟؟

انشالله بخير

حبيت انزل موضوع دعما للشاعر حمدان المحرمي اللي محتاي لنا كاماراتيين حمدان ما قصر وسوى اللي عليه والباقي علينا

http://www.alapn.com/images/articles...3/u9_7mdan.jpg

من قصايد الشاعر:

البارحه يا حزني البارحه // غير !
.. .. .. .. .. .. .. حسّيت بإني فاقد إنسان غالي

حسّيت بإن الوقت ما عاد به خير !
.. .. .. .. .. .. .. إسود وجهه و الدليل : الليالي

ما عاد ترحم طفل // و تحشّم كبير
.. .. .. .. .. .. .. عادك تبيها تروف للّي جرالي ؟

الوقت .. ما يرحم عيال الهوامير !
.. .. .. .. .. .. .. وشلون وآنا اللي على قد حالي ؟

أطوي فراشي كل ما نسنس عصير
.. .. .. .. .. .. .. و آغنّي جروحي لصوت الشمالي

لين أنتبه .. بإن الدموع المسايير
.. .. .. .. .. .. .. سالت على ذكرى السنين الخوالي

وأضحك و دمعي في عيوني محايير
.. .. .. .. .. .. .. مابي أحد يدري وش اللي إستوالي

و أمسح دموعي بغفلة الناس وآسير
.. .. .. .. .. .. .. أبغي مكانٍ .. من المخاليق خالي

لا يقطعه راعي ولا يانسه طير !
.. .. .. .. .. .. .. ولا يقربه شخصٍ عن الوجد سالي

و أذكر مكانٍ .. هاجرته العصافير
.. .. .. .. .. .. .. من يوم ما فارقه - سيد الغوالي !!

بيتٍ جنوبة صرم و فحقبته : بير
.. .. .. .. .. .. .. وسوره من الأيام و الشوق بالي

بابه حزين من الجفا و التفاكير !
.. .. .. .. .. .. .. من غيبة اللي في الهوى ما يبالي

غروٍ تعب قلبي ومن عادني صغير
.. .. .. .. .. .. .. من قبل أفنّد من عمامي خوالي !!

وصح لسانك يا حمدان

للتصويت ارسلو ارسلو رسالة فيها رقم 6 للرقم 2998