منتدى استراحات زايد - تنقيه بورداد وصقار بوظبي ..........جــــــــــــير.

بسم الله الرحمن الرحيم .
السلام عليكم ورحمه الله وبركاته .
في البدايه اسال الله ان يتقبل منا عمل رمضان بقبول حسن
وانتهز الفرصه واهنيكم بقرب قدوم عيد الفطر المبارك وكل عام وانتم بخير وأعاده الله على الامه الاسلاميه بلخير واليمن والبركات .
ماطول عليكم
السنه هاي حبيت اجرب شيهان ابليس الامريكي مع العلم أني كنت مجربنه من أربع سنين وطبعا حصلت عليه هديه من واحد من الربع ماقصر ,
والطير كان قانص باكستان ويشكر على الطير بلحيل
ذابح اكثر من 12 حباري.
(المهم مأطوول عليكم:))
جاني اتصال من اخوي صقار بوظبي (بو عمار)
على الليل حدود الساعه 11 وقالي انه في دبي وقالي: خلنا نروح نشوف واحد من الربع جايب طيور جيرات وفيهن شياهين بيلات أمريكيه ...
فتصلنا على مشرفنا وأخونا الكبير( بورداد )
وحبينا ان ياخوينا ومثل ماهو معروف عن مشرفنا ماقصر :good2:
وصلنا عند الريال .ولقينا عنده ثلاث شياهين ابليس وانتقينا واحد منهن وكانن واصلات الطيور في نفس اليوم
من سفر طويل وعليهن ظعف
فكان وزن الطير الي اخترناه
1180
وعرضه 16ونص×16
(وهاي الصور أهديها لأخوي سلطان 1..وأخوي بومشاري,ركن برزان.وأقوله
هذا يوم يرجع الجرناس)

http://disk07.arb-up.com/i/00085/xx9exqblmqk1_t.jpg
http://disk07.arb-up.com/i/00085/aojihhrxn4l2_t.jpg
وماشــــــــأالله الطير أرضيته من أكبر ماشفت من الشاهين
وادعولنا بالتوفيق لهاي السنه .
http://disk07.arb-up.com/i/00085/a9vknl77e6v3_t.jpg
http://disk07.arb-up.com/i/00085/3i7vny14xhco_t.jpg
تحياتي لكم
اخوكم
جـــــــــــير.