باثفايندر 2006 صخري السلام عليكم ورحمة الله وبركاته اليوم مودع لكم ورابطتكم الذي استفدت منها الكثير وتعرفت على رجال ونعم الرجال اليوم اعرض موتري موديل 2006 اللون صخري الممشى تقريبا 287000 كيلو قابلة للزياده يبي بس فحص وابفحصه الموتر مغيره مكينته مع صاحبه الاول وعلى كلامه ان عامل البنشر حط فيه زيت 10 بدل زيت المكينه ووده للوكاله اللي بطريق عنيزه وقالو الزيت الموجود فيه زيت10 وغيره من التشليح وممشاه كان تقريبا160000 كيلو له معي تقريبا سنتين وماشاء الله مغير زيت القير ونافظ تحتيه البدي فيه الصدام الامامي مرشوش مع ضربه بسيطه بالكبوت معدله ولاتتضح وباب الخلفي فيه تعديله كبر الكف مغير له مساعدات اماميه مع قاعدتهن مساعدات مرسيدس والخلفيه مساعدات استراليه مع الياي الاسترالي ومقصات اماميه ودعاسه جلنط ومغير دينو الدبل وفحمات خلفيه مع قماشات جلنط مع فلتر هواء مع فلتر مكيف مع تغيير الاديتر وبلفه ومركب له مرايه فورد اللي فيها درجة حرارة والاتجاهات وكفرات هانكوك جديده قبل ثلاث شهور مع شد خلفي مع تلميع كامل داخلي وخارجي وتربيط كامل لاسفل السيارة مواصفاته جنوط كروم مثبت سرعه كشافات اوتوماتيك مكيف خلفي داخليه بيج تحكم بمكيف الراكب ثلاث مراتب يعلم الله اني لم ابيعه لردائته وانما محتاج قروشه والا موتر راسي نشيط مريح الله يخلف على الجميع والسوم ماسيم وارجو عدم بخس السلعه وإذا ماجاب القيمه اللي في البال ابوقفه بالمعارض الموتر شغل وامش مع العلم اني انا المالك الثاني للسيارة والتواصل عن طريق الموقع والجازم ارسل له رقمي |
الساعة الآن 12:06 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir