سوني اريكسون او سامسونج او htc
 

<div>السلام عليكم ورحمة الله وبركاته

اخواني انا من محبي التقنية
وكل جهاز ينزل اشتريه
ومتعقد من هالعادة واللقافه اللي فيني
بس وش اسوي غصب عني

المهم مالكم بالطويلة

انا ناوي على جهاز اندرويد
لاني بالعربي كان معاي ايفون 3gs
وبعته واخذت جالكسي اس

وصراحة حسيت انه مال امه داعي
احس مافيه جودة فالقطع وما كانك ماسك جوال
غير كذا احس انه نفسية ومايشرح الصدر
غير كذا الوانه احس انها غامقه وغير واقعية ابدا
وعلى فكرة انا ما عمري استخدمت كاميرا الجوال

المهم ماكمل معي اسبوع وبعته وبسعر رخيص يقهر
لان كل ما رحت محل قال لا ما نشتري

وبعته بالاخير واشتريت ايفون فور
بس طفشت من نظام ال ios مع انه روعه مجرد جيلبريك وتفلها احلى فله

وشفت مع واحد من اخوياي بالدوام سوني اريكسون neo
واعجبني بصراحه واحس اللمس فيه سريع مو مثل الجالكسي اس

ودخلت النت وبحثت الا يطلعلي الوحش سوني اريكسون arc
وفتحت فمي من الخقه واعجبني بصراحه
بس ما اعرف كيف سرعة التصفح وكيف خدماته
لاني اغلب تصفحي للانترنت من الجوال
في اي وقت تلقاني اتصفح بالدوام وبالبيت وبكل مكان اروح له

ومريت على اخونا في الله جالكسي اس 2 وتذكرت الجالكسي الاول وجاني مغص بس احس انه روعه كنظام وسرعة بس شكل نو وي ما اعحبني وضخم بالحيل وماش جودة في الخامه حقته


واللي مخليني اتردد
اني من زمان ميت على *****سس ون
احس انه وحش والممثل الاعلى للاندرويد
وبحثت عنه ومريت على دربي على *****سس اس
وحسيت انه مثل اخوه الجالكسي اس

ومتردد وابي فزعتكم يا اهل الخبره
وياليت تقولولي وش الفرق في سرعة استجابة اللمس في التحديث الاخير للاندرويد
انا يكفيني بس انه يكون مثل الايفون 4
لاني ما احب احس بالفرق الى الاسوأ


وش رايكم اخذ

نيكسس ون < خاق معه بالحيل خاصه اذا طفشت استخدم الكوره
او
نيكسس اس