|
(فــي خَــآطِــري كَـلمه يمَكِــن تبكَــيكَ ) السلام عليكم ورحمة الله وبركاته (فــي خَــآطِــري كَـلمه يمَكِــن تبكَــيكَ ) وشلون ماأحبك ولا عدت مغليك وانت الدوا لـ انسان دونك يعاني وشلون رحت وكل صوتي يناديك ياهيييه اسمعني ترى العمر فاني ماقلت لك من قبل ماني مخليك ياكيف تنساني ـــ وقلبك نساني ؟ كتبت لك في صدر الايام ابغيك وكتبت لي خلاص غيرك خذاني حتى جدار الصمت لو التفت فيك بكيت من صمته وضيق الثواني عشقت كل لحظات عمرك وماضيك ومعك عرفت ان الأماني أماني وسويت لك في داخلي شي يرضيك وان كان مايرضيك ؟سويت ثاني نزعت فرحت خاطري .. ليت تكفيك ؟ وزرعتها في داخلك ماكفاني ضحكت لك وآنا من الحزن أسليك وحبست دمعي لجل أقدم حناني وصديت وقت الضيق .. مابيك مابيك تشوفني أضحك .. وأنا اللي أعاني ياهـ الزمن تكفى ـــ طلبتك وأرجيك لاتبخل بـــ وصل الحبيب الـ أناني قد قلت له : مقدر أفارق وأحاتيك وقد قلت له : هـ البعد ياما كواني لكن حسافه كل صوتــن يطريك ياما مع نفسي ذكرتك .... أعاني بـ ايديك كل اللي حصل اييه بـ ايديك بديت احسك شي خااارج زماني ودامك زرعت انسان غيري بـ أراضيك فـ أنا ماحب يكون غيري مكاني بـ تغيب ؟ غيب ولكن اسمع محاكيك قبل السفن تنوي بــــــ هجر المواني في خاطري كلمة < ويمكن > تبكيك ابيك تسمعها / دقايق عشاني لو الزمن يعطيك ـــ ماهوب معطيك شخص يحطك بين عوج المحاني مما راق لي :) |
بـ تغيب ؟ غيب ولكن اسمع محاكيك قبل السفن تنوي بــــــ هجر المواني في خاطري كلمة < ويمكن > تبكيك ابيك تسمعها / دقايق عشاني لو الزمن يعطيك ـــ ماهوب معطيك شخص يحطك بين عوج المحاني صح لسآنه الشآعر تسلمين اختي ع القصيدة الروعَة ، يعطيج ربي الف عآفية |
ربي يسلمج ويعافيج شكرا ع المرور لا خلا ولا عدم :) |
ضحكت لك وآنا من الحزن أسليك وحبست دمعي لجل أقدم حناني يا ويل حالي فظيع دبوه تحريته قصيدج وكنت باتفلسف عليج من الحرة هههههه>>> أسولف المعاني والاحساس رهيب لكن حسيت انه في شوية اختلاق خفيف في الوزن.. مثلا الـ "هـ" في هالبيت حسيتها ثجيلة شوي ياهـ الزمن تكفى ـــ طلبتك وأرجيك لاتبخل بـــ وصل الحبيب الـ أناني والـ "فـ" هنه بعد حسيتها غلجة شوي خذت من جمال المعنى والايقاع ودامك زرعت انسان غيري بـ أراضيك فـ أنا ماحب يكون غيري مكاني بس القصيدة روعة واحساسها اروع حبيتها تسلم ايديج تحسفت على ايام الشعر.. احس خلاص مات فيني الشعر ولا قمت اكتب شرات اول احس جنه كانت لي ايد وانقصت.. فقدت الشعر وايد.. احساس غريب والله.. وفديت يدوه اللي ولهت عليها وقبلا تشره عليه ادري اني انا اللي مقصره =) |
له له له اشوووف الموضوووع منوووور من بعيييد حنووونه وييييين هالغييبه وشوو هالقطااعه؟؟!!! لاا مالي محاولااااات ابد في الوقت الحالي خذتنا مشاغل الدنيا ^_^ استاانست بردج وتعلييقج ع الابيااات نورتي بطلتج لا خلا ولا عدم خلج ويانا دوووم :) |
| الساعة الآن 06:24 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir