السلام عليكم ورحمة الله وبركاته

كما يعلم البعض يوجد عادات عند العرب قديما بعضها اندثرت وبعضها حرمت وبعضها مكروه وبعضها وبعضها الخ ....


الكل منا او الاغلب سمع عن عاده قديمه او لفظ قديم لدى العرب او بعضهم


وهو التكريم عند ذكر المرأه !!!!


مثال :


شخص قاعد يسولف وبنص كلامه يقول مرت من جنبي حرمه او امراءه تكرمون !!!


يعني مجرد مايجيب طاري الانثى لازم يتبعها بكلمة تكرمون


قبل فتره جا عند الوالد ظيف

واثناء ماهو قالط ويسولف


قام بنفس الحركه الي اراها من وجهة نظري قذره تعكس دناءه صاحبها وتعاليه !!


قال هالحريم تكرمون مامن وراهم الا الغثاء ...!!


حرام بالله لو ماشلت هم الوالد وانه قالط ببيتنا لا ا افتح مشروع بوجهه بالطوفريه الي قدامه


ياخي ع الاقل ولنفرظ انك محد معجبك من حريم العالم ولا احد منهم مالي عينك


ياخي ع الاقل كرم اختك وخالتك وعمتك وامك امك


ع الاقل امك تاج راسك

يعني بالنسبه لي بما انه يقول عن حريم العالم كذا

اكيد نفس الشي مع امه


اتخيله يقول امس وديت امي تكرمون!!


انا كنت اسمع عن هالعاده وانها سابقا كانت موجوده


والحين رجعت


واكيد اغلبكم يذكر برنامج شاعر المليون


يوم طلع هذاك المتخلف يقول الحريم تكرمون !

فعلا شي يفشل


اه بس ياحر تسبدي منه الى اليوم منقهر


ودي اشوفه بالشارع ويكون معي الجمس :d


ععموما انتظر ارائكم حول هالموضوع وتعليقاتكم